Italian Renaissance Document Site

[il titolo della rubrica è scritto nel margine sinistro del foglio] Instrumentum factum cum Benedicto Buonfigli super perfectione capelle. Eisdem millesimo, indictione, pontificatu et die, loco et testibus presentibus. Cum hoc sit quod Benedictto Buonfigli de Perusio porte Sancti Petri et parochie Sancti Stefani fuerit et sit data ad pingendum et concessa capella nova dictorum magnificorum dominorum priorum cum condictionibus expressis in cedula factta super dicta pictura inter dictas partes, prout constat manu ser Iohannnis Raynutii de Perusio tunc notarii magnificorum dominorum priorum, et demum pro parte fuerit depictta per dictum Benedictum et factta fuerit declaratio per dictum magistrum fra Filippum, prout supra proxime latius constat manu mei notarii infrascripti, videlicet quod sunt bene factte dicte figure et quod sunt bone et recipientes in dicta capella et loco predicto et ipsum debere habere pro pictura totius dicte capelle florenos largos de Florentia quadringentos, cum hoc quod debeat pingere usque ad spazzum de azzuro [nel testo "fino" depennato] ultramarino et auro fino, prout de predictis in proximo precedenti laudo latius continetur, demum volentes dare modum expediendi dictum laborerium et picturas dicte capelle, devenerunt ad infrascriptum contractum concorditer modo et forma infrascriptis, videlicet quia dictus Benedictus per se et suos heredes, obligando se et omnia et singula sua bona presentia et futura pro observatione supra et infrascriptorum omnium et singulorum, promisit et convenit prefatis magnificis dominis prioribus, dicto domino Uguiccioni capellano predicto et mihi notario infrascripto tamquam publice persone, recipientibus pro magnifico commune Perusii et omnibus quorum interest seu interesse posset in futurum et pro magnifico commune Perusii, facere dictum laboritium et perficere et pingere in dicta capella picturas et figuras eiusdem qualitatis et bonitatis prout ceptum est et in ipso ubi opus erit mictere azzurum ultramarinum et aurum finum, et istorias fiemdas in dicta capella facere secundum quod videbitur dicto capellano vel aliis sequentibus capellanis, et quamlibet earum perficere per tempus sex mensium pro qualibet dictarum ystoriarum, hodie incipiendo et finiendo ut sequitur, continuando dictum tempus usque quo dicta capella perfectta fuerit, pingendo eam tamen debito tempore et non desistere umquam sine licentia magnificorum dominorum priorum qui pro tempore erunt, et casu quo dictum laboreriurn et picturas non perficeret infra tempus modo predicto, quod tunc et eo casu liceat dictis magnificis dominis prioribus qui pro tempore erunt et dicto capellano alium eligere maystrum ad perficiendum dictum opus omnibus dicti Benedicti sumptibus et expensis. Et hoc fecit pro eo quia prefati magnifici domini priores et capellanus predictus per eos et eorum successores, obligando bona dicti communis presentia et futura pro observatione infrascriptorum omnium et singulorum, promiserunt et convenerunt dicto Benedicto, presenti, stipulanti, recipienti et acceptanti pro se et suis heredibus et cui ius suum concesserit, eydem dare, solvere ac adimplere usque in quantitatem tamgentem eydem pro dimidia dicte capelle finita dicta capella pingere pro dimidia et pro residuo dicte capelle solvere dicto Benedicto de sex mensibus in sex menses pro quallibet ystoria predicta, fienda ut supra, et si [nel testo "opus fuerit" depennato] prius finiret seu perficeret quod primo eydem solvi debeat pro rata dicte ystorie finite, et si totum dictum laborerium et picturas prius finirentur seu perficerentur prius eydem solvatur pro dicto laboritio, et quod pro dicta solutione fiemda tam pro quallibet ystoria quam etiam pro toto dicto laborerio intelligatur et sit obligata tota quantitas que debetur seu deberetur pro tempore dicto capellano quomodocumque et qualitercumque et maxime introhitus quem ipse capellanus percepit ex dictis magnificis dominis prioribus ["et aliis" in interlinea con segno di inserzione nel testo] et aliis de eorum salario ab emptoribus gabelle grosse vel a quibuscumque aliis dicta de causa et de salario predicto et de quibuscumque aliis rebus [la frase da "usque [ ... ]" a "capelle" è scritta in fondo all'atto con segno di inserzione nel testo] usque ad integram satisfactionem debiti pretii ["pretii" in interlinea con segno di inserzione nel testo] dicte cappelle. Renuntiantes etcetera, promictentes etcetera, sub pena dupli etecetera dicti pretii etcetera, facere confessionem etcetera.

The Priors task Benedetto Bonfigli with painting the second half of the chapel; the frescoes must illustrate stories «secundum quod videbitur dicto capellano'. The painter commits to observing the conditions and time frame of the agreement, Perugia.