Italian Renaissance Document Site

Visitatio monasterii Sancte Marie in Gradibus de Aretio. Eisdem anno, indictione, die et coram suprascriptis testibus ad infrascripta omnia et singula vocatis etc. Domnus Laurentius de Monte Sancti Savini, existens et moram trahens in monasterio Sancte Marie in Gradu de Aretio, ordinis camaldulensis, asserens se ibidem gerere vices et negotia abbatis dicti monasterii, domnus Stefanus de Capannole, domnus Petrus de Florentia, domnus Bartholomeus de Florentia, domnus Blaxius de Bibbiena, domnus Iacobus de Florentia et frater Lucas de Abbatia Agnani, omnes monachi dicti monasterii, scientes suprascriptum reverendum patrem dominum Petrum Delfinum, priorem generalem ordinis camaldulensis, ad ipsum monasterium visitatum accessurum de more suorum predecessorum sanctorumque patrum et secundum camaldulensis ordinis instituta, pulsatis campanis et aperta ecclesia, cruce previa, eundem dominum generalem gratanter exceperunt et, primo per quosdam monachos et prelatos ibidem existentes “Te Deum laudamus” per totum et pluribus aliis, ut moris est, decantatis, ipse domnus Laurentius vicarius prefatus et dicti monachi, unusquisque de per se, genuflexi coram ipso domino generale, in sua sede et cathedra prius per eos collocato et sedente et pacifice ipsum monasterium possidente, tacto libro et scripturis quem ipse dominus generalis tenebat in manibus, iuraverunt et promiserunt prefato domino generali, presenti, stipulanti et recipienti pro se et vice et nomine suorum successorum canonice intrantium, obedientiam et reverentiam debitam secundum regulam Sancti Benedicti et instituta camaldulensis ordinis et continuo sibi suisque successoribus parere monitis et mandatis et eundem tanquam superiorem eorum suscipere reverenter. Rogantes etc.

Act of obedience from the monks of Santa Maria in Gradi in Arezzo, including Bartolomeo della Gatta, to the general prior of the Camaldolese.