Italian Renaissance Document Site

assertos priores prioratus Sancti Clementis de Aretio, nostri camaldulensis ordinis, occasione maxime dicti prioratus, que quidem lis et controversia a multo tempore citra adeo dictas partes exercuit ut non modicam iacturam prioratui prefato et ordini ignominiam ac dedecus prebuerit, cumque ex offitii nostri debito pacem in ordine nutrire et scandala imminentia dedecus aliquod paritura resecare debeamus, cupientes dictarum partium contentioni et sumptibus finem imponere et dilapidationi dicti beneficii providere, nec tamen valentes id personaliter exequi, aliis multis occupationibus impediti, fraternitates vestras simul, de quarum fide et circunspecta prudentia fiduciam in Domino gerimus pleniorem, in hanc nostre sollicitudinis partem duximus evocandas, eisdem omni meliori quo possumus vel debemus modo tenore presentium committentes quatinus, omni cura, studio et diligentia adhibitis, causam eiusmodi, in quantum ad nos et nostrum offitium extenditur et expectare videtur, cognoscant ac terminent, nec non dictarum partium iuribus inspectis et diligenter examinatis, ius denique ac iustitiam ministrent, ita ut amplius de cetero ad invicem litigare non cogantur omnisque dispendii inter dictas partes in futurum tollatur occasio, adhibitis omnibus iuris remediis oportunis cum invocatione quoque brachii secularis, si opus fuerit, et cum sequestratione fructuum, si fraternitatibus vestris videbitur expedire. Dantes et concedentes fraternitatibus vestris in predictis omnibus et singulis plenum, liberum ac generale mandatum cum plena, libera et generali auctoritate nostra. Et habituri (?) ratum, gratum et firmum quicquid a fraternitatibus vestris in predictis et predictorum quolibet actum, factum, gestum, dispositum et deliberatum fuerit. In quorum omnium fidem et testimonium evidens etc. Datum Florentie in nostro monasterio Sancti Salvatoris de Camaldulo, anno Domini ab eius salutifera incarnatione M°CCCC°LXXXI, indictione XIIII, et die VII mensis iulii, offitii nostri anno I°.

The general Prior of the Camaldolese charges two monks with resolving the dispute between Bartolomeo della Gatta and a fellow monk over the position of Prior of San Clemente in Arezzo.