• 79
  verso

Type:Institutional record
Language:Latin
Transcription Author: Matteo Mazzalupi
Published: yes
Publication Details: Published by U. Pasqui, Di Bartolomeo della Gatta monaco camaldolese miniatore pittore e architetto, Arezzo, 1926, p. 26
Notes: Transcription by Matteo Mazzalupi.

• Transcription

Convocatio capituli generalis prelatorum ordinis camaldulensis. In Dei nomine, amen. Anno Domini ab eius salutifera incarnatione millesimo quadringentesimo octuagesimo sexto, indictione IIII, et die XIX mensis iunii, presentibus Benedicto Talenti de Lornano et Antonio Francisco Antonii de Pratoveteri testibus etc. Pateat etc. quod, convocato, congregato et coadunato generali capitulo prelatorum ordinis camaldulensis, vocem in dicto generali capitulo habentium, in sacra heremo camaldulensi et in ecclesia dicte heremi, de mandato et voluntate reverendi patris domini Petri Delphini, generalis prioris dicti ordinis, pro negotiis monasterii Angelorum de Florentia utiliter peragendis et pro congrua dicti monasterii reformatione tractanda, hoc maxime tempore dum dictum monasterium litigiis, debitis plurimis et monachorum victus penuria propter alienationem bonorum dicti monasterii factam maxime vexatur et fluctuat, in qua quidem congregatione interfuerunt et convenerunt infrascripti prelati dicti ordinis, vocem in generali capitulo dicti ordinis habentes, videlicet: Reverendus dominus Petrus Delphinus, prior et generalis antedictus Dominus Simon abbas Burgensis [...] Dominus Petrus prior Sancti Clementis […].