Italian Renaissance Document Site

Eisdem millesimo, indictione, pontificatu, die, loco et testibus. Benedictus Bonfilgli de Perusio porte Sancti Petri et Bartolomeus Caporalis de Perusio porte [nel testo "sancte" depennato] Heburnee pictores per eos et eorum heredes, obligando se ipsos et omnia et singula eorum et cuiuslibet ipsorum bona mobilia et inmobilia presentia et futura pro observatione infrascriptorum, fecerunt finem, refurationem, quietationem, absolutionem, liberationem et pactum de ulterius non petendo venerabili et [nel testo "religioso" depennato] sacre theologie magistro Macthie Angeli de Viterbio, priori, sindico et procuratori fratrum, capituli et conventus Sancti Dominici de Perusio porte Sancti Petri, presenti, stipulanti et recipienti pro dictis fratribus, capitulo et conventu et cui iura ipsorum dicti fratres concesserint seu concedere voluerint, de florenis centum ad rationem XL bolognenorum pro quolibet floreno eis debitis pro pictura et lignamine ac magisterio cuiusdam tabule [nel testo "tabile] per ipsos fabricate et depicte pro ornamento capelle olim Francisci magistri Petri. Et hoc fecerunt pro eo quia fuerunt confessi [corretto da "confessus" ] et [nel testo "contentus" depennato] contenti dictos centum florenos habuisse et recepisse hoc modo, videlicet florenos quinquaginta pro dictis fratribus [nel testo "fratres" depennato] in fundico Lancilocti Loduvici et sociorum, et florenos quinquaginta habuerunt et receperunt presentibus dictis testibus et me notario infrascripto in moneta, de quibus fecerunt prefato priori finem, refutationem et pactum de ulterius non petendo, et voluerunt instrumentum promissionis facte per dictos fratres dictis Benedicto et Bartolomeo celebratum manu ser Iohannis Santis esse cassum et cancellatum et nullius esse valoris roboris et effectus, et promiserunt quod de refutatis per ipsos nemini totaliter vel particulariter ius aliquod est datum, cessum vel concessum quod eisdem fratribus, capitulo et conventui in aliquo nocere vel obesse possit, quod si datum, cessum vel concessum quomodolibet appareret promisit ipsum ius pro dictis fratribus, capitulo et conventu reaquirere et ipsum et eius heredes, res et bona indenpnem, indienpnes et indenpnia conservare. Renunptiantes exceptioni non facte dicte finis et refutationis, promissionis et obligationis et non promissorum et non conventorum omnium et singulorum supra et infrascriptorum et non celebrati presentis contractus et omni alii legum et iuris auxilio, consuetudini et statuto; que omnia et singula supra et infrascripta promiserunt prefato priori ac etiam iuraverunt ad sancta Dei evangelia corporaliter manu tactis scripturis predicta omnia et singula supra et infrascripta vera fuisse et esse et ea perpetuo tenere, actendere et observare et in nullo cotrafacere vel venire per se vel alium seu alios sub ipotecha et obligatione omnium et singulorum eorum et cuiuslibet ipsorum bonorum presentium et futurorum et pena dupli quantitatis refutate, quam penam cum refectione danpnorum, expensarum et interesse litis et extra solenpni stipulatione prefato priori dare et solvere promiserunt si per eos vel aliquem ipsorum in aliquo contrafactum fuerit; qua pena soluta vel non contractus iste sit ratus et firmus et plenam habeat roboris firmitatem, et voluerunt pro predictis omnibus conveniri posse Perusii, Florentie, Senis etcetera et promiserunt facere confessionem coram iudice communis Perusii et coram quolibet alio iudice competenti ad ipsorum fratrum petitionem et terminum.

Benedetto Bonfigli and Bartolomeo Caporali issue a bill of payment to the Prior of the convent of San Domenico for 50 florins owed them for the painting of an altarpiece for the chapel of Saint Vincent in the church of San Domenico. Perugia