• 111
  recto

Type:Communal record
Language:Latin
Transcription Author: Lidia Mazzerioli
Published: yes
Publication Details: The document was first discovered by W. Bombe,”Die Taftlbilder, Gonfaloni und Fresken des Benedetto Bonfigli”, in “Repertorium für Kunstwis-senschaft”, XXXII 1909, p. 243; the present transcription is taken from F. F. Mancini, 'Benedetto Bonfigli. L'opera completa', Milan 1992, p. 165.
Notes: The document appears on the following folios: c. 111rv.

• Transcription

Lex 2 a quod magistro Benedicto pictori satisfiat de pecuniis debitis a Bartholomeo Gregorii [il titolo della rubrica è scritto nel margine sinistro del foglio]. ltem cum sub die septimo presentis mensis fuerit salubriter et sollenpniter provisum de pecuniis debitis et debendis magistro Benedicto Bomfilgli pro pictura capelle facta et fienda ad hoc ut tam ornatum opus sortiatur effectum, volentes in premissis debitum prebere remedium hac re mature librata et proposita inter prefatos magnificos dominos priores die videlicet precedenti et facto, posito ac misso partito ad bussulam fabas albas et nigras et sollenpniter obtento secundum formam statutorum et ordinamentorum communis Perusii et hodie inter prefatos dominos camerarios factis propositis exibitisque consillis et facto, posito ac misso sollenpni partito ad bussulam fabas albas et nigras et sollenpniter obtento per XL camerarios restituentes in bussulam fabas albas del sic, non obstantibus duabus fabis nigris in contrarium repertis del non, ex omnibus arbitriis, potestatibus, auctoritatibus et bayliis eisdem magnificis dominis prioribus et camerariis coniunctim vel divisim concessis et actributis per formam quorumcumque statutorum et ordinamentorum communis Perusii et omni meliori modo, via, iure et forma quibus magis et melius potuerunt providerunt, ordinaverunt et reformaverunt quod prefato magistro Benedicto pro pecuniis sibi debitis pro pictura dicte capelle iam cepte et perficiende consignetur sibi nomen debitoris Bartolomei Gregorii de Perusio debitoris communis Perusii in quantitate CCCCC florenorum ad rationern XI bolognenorum pro floreno pro ea rata qua dicto magistro debetur et prout in lege edita sub dicto die septimo septembris [sic] continetur, aliquibus in contrarium facientibus non obstantibus, et hoc pro secunda vice.