Italian Renaissance Document Site

Eisdem millesimo, indictione et pontificatu, die quinto decembris. Actum Perusii in palatio magnificorum dominorum priorum in camera notarii, presentibus domino Stefano Guerrerio cancellario communis Perusii de Perusio porte Sancti Angeli et Iohanne Bartolomei Ciabacche de Perusio porte Sancti Petri, testibus rogatis. Cum hoc sit assertione infrascriptarum partium quod sub millesimo CCCCL VIIII die XXI decembris per consilium magnificorum dominorum priorum et camerariorum fuerit salubriter provisum pro augumento artis sirici quod de pecuniis communis Perusii mutuentur et mutuare deberentur Bartolomeo Gregorii ser Honofrii de Perusio florenos milleducentos ad rationem nonaginta solidorum pro quolibet floreno, quos florenos [nel testo "promisit" depennato] idem Bartolomeus teneatur restituere in [nel testo "s" depennato] certis terminis prout in lege edita manu ser Bartolomei Raynaldi latius dicitur contineri, qui Bartolomeus una cum Francisco et Mariocto suis germanis manu eiusdem ser Bartolomei se in solidum obligaverint restituere dictas pecunias in certis terminis nec non prestiterint in fideiussores Bartolomeum Andree Pascutii, Benedictum Vici Balbi et Constantium Angeli Paulutii, qui pro rata promiserunt solvere dictam quantitatem in terminis in instrumento contentis et ex dictis pecuniis idem Bartolomeus a communi Perusii habuit et consecutus fuit florenos sexcentos ad dictam rationem et demum de dicta summa idem Bartolomeus satisfecit communi Perusii [nel testo "de dictis" depennato] florenos centum et sic idem Bartolomeus restat debitor communis Perusii in quantitate quingentorum florenorum ad dictam rationem et in presentiarum per magnificos dominos priores et consilium camerariorum fuerit bis provisum et determinatum [ nel testo "quod" depennato] volentes operam dare quod capella palatii magnificorum dominorum priorum pingatur et ad debitum finem deducatur quod dicto Benedicto nomen debitoris dicti Bartolomei assignetur pro rata sui crediti qui [nel testo "de pecuniis" depennato] tenetur recipere pro servitu florenos octuaginta ad rationem XL bolonenorum pro floreno et pro residuo picture fiende ducatos ducentos largos de Florentia et reductos ad solidos 90 summant florenos trescentosseptuaginta ad rationem LXXXX solidorum pro floreno et minime intendunt nec volunt pro tertia vice obtinere nisi primo dictus Benedictus se obligat [nel testo "et rem" depennato] de pingendo et remaneat contentus de nomine debitoris dicti Bartolomei et velit idem Bartolomeus se obligare dicto Benedicto de solvendo dictam quantitatem CCCLXX florenorum in infrascriptis terminis prout ipsi remanserunt [nel testo "et re" depennato] verbo concindes, idcircho dicti Bartolomeus et Franciscus nec non Anibal forum germanus et filii olim Gregorii ser Honofrii de Perusio porte Solis ipsi et quilibet ipsorum in solidum per eos et eorum heredes, obligando se ipsos et omnia et singula eorum bona mobilia et inmobilia presentia et futura pro observatione infrascriptorum, promiserunt et convenerunt eidem magistro Benedicto Bonfilgli de Perusio porte Sancti Petri presenti, stipulanti et recipienti pro se et suis heredibus et cui ius suum concesserit seu concedere voluerit dictam quantitatem trescentorum septuaginta florenorum ad dictam rationem XXXVI bolonenorum pro floreno dare, solvere et numerare in hiis terminis, videlicet florenos viginti hinc et per totum mensem decembris presentis, florenos quadraginta hinc et per totum mensem martii proxime futuri et a dictis terminis inantea quolibet mense florenos quinque ad dictam rationem usque ad integram satisfactionem totius dicte quantitatis CCCLXX florenorum, et a dictis terminis inantea ad ipsius magistri Benedicti petitionem et terminum, et casu quo dicti Bartolomeus, Franciscus et Anibal essent in mora in non solvendo dictam quantitatem quinque florenorum [nel testo "anno" depennato] mense quolibet quod in secundo mense dictus Benedictus possit exigere et habere [" a dicto magistro Benedicto" nel testo depennato] a dictis Bartolomeo, Francisco et Anibalde florenos quindecim ad dictam rationem, et hanc obligationem fecerunt et promissionem [nel testo "cum" depennato] habeat vitam et substineat vires casu quod per magnificos dominos priores et camerarios fuerit ter et tertia vice provisum iuxta [nel testo "secundas" depennato] duas alias deliberationes manu mei norarii factas [da "et non" a "communi Perusii" in interlinea con segno di inserzione nel testo] et non intelligatur recessum ab obligationibus prefatis pro dicto communi Perusii, pro quolibet quidem [nel testo Francisc" depennato] Bartolomeo, Francisco et Anibale et eorum precibus et mandato Antonius Appennini mercator de Perusio porte Sancti Petri et Antonius Herculani Pauli mercator de Perusio porte Soli, sollenpniter extiterunt fideiussores, qui scientes se ad infrascripta omnia non teneri set teneri velle ex certa scientia et non per errorem per eos et eorum heredes, obligando se ipsos et omnia et singula eorum et cuiuslibet ipsorum bona mobilia et inmobilia presentia et futura pro observatione infrascriptorum ipsi et quilibet ipsorum in solidum promiserunt et convenerunt dicto magistro Benedicto presenti, stipulanti et recipienti ut supra se facturos et curaturos ita et taliter cum effectu quod dicti Bartolomeus, Franciscus et Annibal omnia promissa per eos facient, tenebunt, actendent et observabunt et si non facient promiserunt dicto magistro Benedicto dare et solvere dictos viginti florenos [nel testo "per totum" depennato] et florenos quatraginta inmediate elapsis dictis terminis prius ut supra expressis, et etiam qualibet mense elapsis dictis primis duobus terminis, videlicet inmediate elapso quolibet mense et ipsis non solventibus florenos quinque ad dictam rationem et ex nunc dictus [nel testo "Bar depennato] Benedictus adveniente dicto casu poneret dictos Antonium Appennini et Antonium Herculani super obligationibus quas habet commune Perusii contra dictos Bartolomeum et fratres et contra fideiussores prestitos per ipsos Bartolomeum et fratres communi Perusii manu dicti ser Bartolomei cum commune Perusii et constar communi quantum capit quantitatem dictorum CCCLXX intendit et vult ponere dictum [nel testo "Bartolomeum" depennato] Benedictum in locum suum, et predicta omnia locum habeant si et in quantum commune Perusii et consilium, priores et camerarii consignabunt dicto magistro Benedicto nomem debitoris dicti Bartolomei et fratrum. Renunptiantes tam dicti principales quam dicti fideiussores singula singulis referendo exceptioni non facte dicte promissionis, obligationis et beneficio divisionis et non facte dicte fideiussionis et de fideiussoribus et pluribus reis debendi et non promissorum et non conventorum omnium et singulorum supra et infrascriprorum et non celebrati presentis contractus et omni alii legum et iuris auxilio, consuetudini et statuto; que omnia et singula supra et infrascripta promiserunt eidem magistro Benedicto ac etiam iuraverunt ad sancta Dei evangelia corporaliter manu tactis scripturis predicta omnia et singula supra et infrascripta vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alias sub ipotheca et obligatione omnium et singulorum eorum et cuiuslibet ipsorum bonorum presentium et futurorum et pena dupli quantitatis predicte, quam penam etcetera qua pena etcetera et voluerunt pro predictis omnibus conveniri posse Perusii, Florentie, Senis et ubique locorum et terrarum et ibi solutionem facere; et promiserunt eidem magistro Benedicto facere confessionem coram iudice communis Perusii et coram quolibet alio iudice competenti ad ipsius magistri Benedicti petitionem et terminum.

Bartolomeo di Gregorio di ser Onofrio, debtor of the Comune of Perugia to the tune of 500 florins, pledges to pay 370 florins as an advance on Bonfigli's credit with the Comune.