Italian Renaissance Document Site

Provisio tertia ut magistro Benedicto Bonfilgli pro pictura capelle consignetur nomen debitoris Bartolomei Gregorii [il titolo della rubrica è scritto nel margine sinistro del foglio ] In primis cum sub die [nel testo "tertia" depennato] septima novembris proxime decursi per consilium magnificorum dominorum priorum et camerariorum fuerit provisum, deliberatum et sollenpniter obtentum quod magistro Benedicto Bonfilgli civi Perusino qui cepit pingere capellam palatii magnificorum dominorum priorum pro pecuniis sibi a prefato communi debitis virtute publici instrumenti celebrati mani ser Iohannis Ranutii et demum manu ser Simonis Pauli tunc notariorum magnificorum dominorum priorum cui magistro Benedicto debebatur quantitas quadringentorum ducatorum largorum de Florentia pro toto dicto laborerio virtute laudi lati per quendam fratrem Filippum de Florentia ordinis Carmelitarum in quem fuit remissa extimatio dicti laborerii solvendorum per capellanum palati magnificorum dominorum priorum de introitibus dicte capelle, qui magister Benedictus restat creditor communis Perusii pro pictura integra dicte capelle in quantitate trescentorumseptuaginta florenorum ad rationem XXXVI bolognenorum pro quolibet floreno consignaretur et consignari deberet eidem magistro Benedicto nomen debitoris Bartolomei Gregorii et fratrum debitorum comunis Perusii in quantitate quingentorum florenorum ad dictam rationem cum suis fideiussoribus comuni Perusii prestitis [nel testo " prestititis"] sub millesimo CCCCLVIIII manu ser Bartolomei Raynaldi tunc notarii magnificorum dominorum priorum, et hec omnia gesta fuerunt ad hoc ut dictus magister Benedictus picturas ceptas ad debitum ac optatum deducat finem cum pictura capelle predicte certe ad ornatum totius civitatis tendere dignoscatur, qui magister Benedictus coram magnificis dominis prioribus et camerariis pluries exposuerit querimonias quod de suo vero credito a capellano palatii pecunias minime habere sunt, allegando idem capellanus pecunias expensas fuisse in textura pannorum de racça et in argenteria, tobaliis et aliis necessariis et opertunis, et demum die XVI novembris predicti per utrumque collegium magnificorum dominorum priorum et camerariorum pro secunda vice fuerit obtentum sollenpniter cum pactis et condictionibus in legibus supra editis contentis et annotatis, et volentes ea que concernunt honorem palatii et totius reipublice Perusine ad debitum deducere finem ad hoc ut capella predicta per manus dicti magistri Benedicti elegantissimi magistri perficiatur et salubriter providere, hac re proposita inter prelibatos magnificos dominos priores die videlicet precedenti et facto, posito ac misso inter eos partito ad bussulam fabas albas et nigras et sollenpniter obtento secundum formam statutorum et ordinamentorum communis Perusii, et hodie inter prefaros dominos camerarios factis propositis exibitisque consiliis et facto, posito ac misso partito ad bussulam fabas albas et nigras et sollenpniter obtento per trigintaquinque camerarios restituentes in bussulam fabas albas del sic non obstantibus novem fabis nigris in contrarium repertis del non, ex omnibus arbitriis, potestatibus, auctoritaribus, facultatibus et bayliis eisdem magnificis dominis prioribus et camerariis coniunctim vel divisim concessis et actributis per formam quorumcumque statutorum et ordinamentorum communis Perusii et omni meliori modo, via, iure et forma quibus magis et melius potuerunt providerunt, statuerunt et ordinaverunt quod eidem magistro Benedicto pro eius credito tam pro pecuniis sibi debitis pro picturis factis quam etiam pro picturis faciendis usque ad integram et perfectam picturam dicte capelle, que quantitas ut prefertur ascendit ad summam trescentorumseptuaginta florenorum ad rationem XXXVI bolognenorum pro singulo floreno consignetur nomen debitoris dictorum Bartolomei Gregorii ser Honofrii et fratrum cum fideiussoribus prestitis per ipsum comune Perusii manu ser Bartolomei Raynaldi predicti adeo quod dictus magister Benedictus pro dicta quantitate intelligatur et sit positus in locum comunis Perusii et ex nunc eundem magistrum Benedictum licet absentem in locum prefati communis posuerunt cum pactis et condictionibus infrascriptis, videlicet quod dictus magister Benedictus in forma debita et valida se obliget communi Perusii et magnificis dominis prioribus et camerariis eligendis per prelibatos magnificos dominos priores virtute legis super hac materia edite ut dictum est die septima novembris ac promictat dictam capellam secundum formam cedule manu dicti ser Iohannis Ranutii confecte et demum virtute publici instrumenti celebrati inter magnificum commune Perusii capellanum palatii et dictum magistrum Benedictum celebrati sub millesimo CCCCLXI die XI septembris manu ser Simonis Pauli dictam capellam, videlicet quatuor istorias que restant depingi, pingere manu sua propria de illis coloribus, auro, aççuro ultramarino et designis prout in dictis cedula et instrumento continetur, videlicet quolibet semestri unam istoriam, incipiendo semestrale tempus die qua fuerit per prelibatos magnificos dominos priores et camerarios sic eligendos declaratum, et si dictus magister Benedictus esset in mora in pingendo dictam capellam et non pingeret quolibet semestri unam istoriam ut prefertur teneatur comuni Perusii nomine danpnorum et interesse dare et solvere florenos vigintiquinque omni exceptione iuris et facti remota, salvo tamen et reservato iusto impedimento, videlicet casum mortis et infirmitatis dicti magistri Benedicti et etiam si in civitate Perusii vigeret dicto durante tempore pestis adeo quod in civitate Perusii non posset tute permaneri, que omnia Deus avertat, quibus casibus advenientibus, videlicet infirmitatis et pestis, pro tempore quo esset infirmus et absens causa pestis non currat sibi terminus dictorum sex mensium ut supra, ac etiam quod dictus magister Benedictus in forma debita et valida faciat comuni Perusii refurationem et pactum de dictis trescentisseptuaginta florenis ad dictam rationem sibi debitis pro dicto residuo quadringentorum ducatorum largorum de Florentia et nomen debitoris dictorum Bartolomei et fratrum cum suis fideiussoribus acceptet, declarando insuper quod residuum debiti dictorum Bartolomei et fratrum cum dictis fideiussoribus remaneat communi Perusii et sint pro dicto residuo una cum fideiussoribus debitores eiusdem communis prout in instrumento manu ser Bartolomei confecto latius continetur. Et predicta omnia fecerunt, deliberaverunt et ordinaverunt omni meliori modo, via, iure et forma quibus magis et melius potuerunt, aliquibus in contrarium facientibus seu disponentibus non obstantibus.

The Comune discusses for the third time granting Benedetto Bonfigli debts owed to the Comune by Bartolomeo di Gregorio, as payment for works in the chapel of the Palazzo dei Priori, Perugia.