Italian Renaissance Document Site

Eisdem millesimo, indictione et pontificatu, die primo iulii. Actum Perusii in audientia artis pannorum lane, presentibus Raynaldo Francisci magistri lacobi de Perusio porte Hebrnee et ser Priamo ser Angeli de Perusio porte Sancti Angeli, testibus ad infrascripta habitis, vocatis et rogatis. Magister Benedictus Bonfilgli de Perusio porte Sancti Petri pictor per se et suos heredes, obligando se et omnia et singula eius bona mobilia et inmobilia presentia et futura pro observatione infrascriptorum, fecit finem, refutationem, quietationem,absolutionem, liberationem et pactum dc ulterius non petendo Bartolomeo Gregorii quondam Honofrii de Perusio porte Solis, presenti, stipulanti et recipienti pro se et suis heredibus et cui ius suum concesserit seu concedere voluerit, de florenis centumoctuaginta ad rationern XXXVI bolognenorum pro quolibet floreno dicto magistro Benedicto debitis virtute publici instrumenti promissionis facte per dictum Bartolomeum, Franciscum et Anibalem eius fratres, prout de dicto instrumento plene patet manu mei notarii infrascripti celebrati sub MCCCCLXVIIII die quinto decembris. Et hoc fecit pro eo quia fuit confessus et contentus dictos CLXXX a dicto Bartolomeo habuisse et recepisse in pluribus, variis et diversis partitis et vicibus usque in hodiernum diem, prout idem magister Benedictus affirmavit personaliter in quodam suo bastardello scripto manu dicti Bartolomei existente penes ipsum magistrum Benedictum et pro residuo dictorum CLXXX habuit et recepit solidos quinquagincaocto, et voluit dictum instrumentum quantum capit quantitas refutata esse cassum et cancellatum et nullius esse valoris, roboris vel effectus, et promisit quod de refutatis per ipsum nemini ius aliquod est datum, cessum vel concessum quod dicto Bartolomeo suisque heredibus seu huic contractui in aliquo nocere vel obesse possit, quod si datum, cessum vel concessum quomodolibet appareret promisit ipsum ius pro dicto Bartolomeo reaquirere et ipsum et eius heredes, res et bona indenpnem, indenpnes et indenpnia conservare. Renunptians excepioni non facte dicte finis, refutationis, promissionis, obligationis et exceptioni non numerate pecunie, et nou promissorum et non conventorum omnium et singulorum supra, et infrascriptorum et non celebrati presentis contractus et omni alii legum et iuris auxilio, consuetudini et statuto; que omnia et singula supra et infrascripta promisit dicto Bartolomeo ac etiam iuravit ad sancta Dei evangelia corporaliter manu tactis scripturis predicta omnia vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alios sub ipotecha et obligatione omnium suorum bonorum presentium et futurorum et pena dupli quantitatis refutate, quam penam cum refectione danpnorum et expensarum et interesse litis et extra solenpni stipulatione dare et solvere promisit si per eum in aliquo contrafactum fuerit; qua pena soluta vel non contractus iste sit ratus et firmus et plenam habeat roboris firmitatem et voluit pro predictis omnibus conveniri posse Perusii, Florentie, Eugubii et ubique locorum et terrarum et ibi solutionem facere; et promisit facere confessionem coram iudice communis Peruii et coram quolibet alio iudice competenti ad ipsius Bartolomei petitionem et terminum.

Benedetto Bonfigli issues a bill of payment to Bartolomeo di Gregorio for the sum of 180 florins, Perugia.