• 198
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, pp. 285-287.

• Transcription

Item postea dictis anno et die quarta mensis Novembris. Actum Florentiae in populo Santae Reparatae de Florentia; praesentibus infrascriptis testibus ad infrascripta omnia et singula vocatis, Piero Iohannis, famulo dictorum infrascriptorum pupillorum, et Leonardo Hieronimi, etc. Constitutus personaliter in praesentia mei Alfonphi iudicis in domo ordinari iudicis et notari infrascripti, habentis, et qui habeo potestatem tam a Romano Imperio quam etiam ex forma statutorum et ordinamentorum Communis Florentini, etc. Iohannes Battista filius olim Petri Christophori Vannucci, pictoris de Perusio, habitantis in Civitate Florentiae, dixit et exposuit quod dictus Petrus eius pater, mortuus est et decessit ab intestato, iam sunt menses novem proxime elapsi vel circa, relictis post se dicto Ioanne Battista, Francisco, et Michelangelo, eius filiis legittimis et naturalibus, natis a domina Clara eius uxore et filia olim Magistri Lucae Iacobi de Settignano, et videlicet dicto Iohanne Baptista et Francisco maioribus annis et exstra pupillarem aetatem constitutis, et dicto Michaelangelo, pupillo aetatis annorum decem ut circa; tandem Paula aetatis annorum quindecim vel circa, et Iulia aetatis annorum decem ut circa [....] dicto Michaelangelo et dictis supra praevocatis filiabus feminis, de reliquo tutorem et pro tempore curatorem. Et pro eo quia dicta Domina Clara, eius mater, vere intendit transire ad secunda vota; et quia de iure et secundum ordinamenta florentina, tulela et dicti Michelangeli et dictae Paulae et Iuliae pertineat et spectet ad dictum Iohannem Battistam, fratrem carnalem dictorum pupillorum et filiorum dicti olim Petri, tamquam maiorem natum ex filiis dicti Petri; et propterea petiit et petit a me Alphonso Iudice Ordinario infrascripto, dari et donari, et datum confirmari in tutorem, et pro debito tempore curatorem dictorum Michelangeli et Paulae et Iuliae, pupillorum praedictorum, et committi gestionem, administrationem, gubernationem dictorum praevocatorum pupillorum, eorumque personarum, bonorum rerum et iurium, offerens se paratum procurare, et omnia et singula alia facere, ad quae dicta supra tenetur et debet [....]. Quo posito ac exposito, et ipso ut supra facto, Ego Alphonsus ludex ordinarius, Not. Publ. infrascriptus, reperto omnia et singula suprascripta vera fuisse et esse, petitioni dicti Iohannis Baptistae, tamquam iuxstae annuens, annuo et statuo confirmari in tutorem et pro debito tempore curatorem dictorum Michelangeli, Paulae et Iuliae eius fratris et sororum. Indeque Iohanni Baptistae, tutori praedicto, committo gestionem, administrationem, et gubernationem, vigore dictae tutelae, pro debito tempore omnium et personarum, rerum, bonorum et iurium, dicti pupilli et pupillarum et cuiuslibet eorurn; commisi, dummodo promittat, iuret, caveat, et inventarium conficiat, et alia faciat, ad quae de iure teneatur. Qui Iohannes Battista comparuit ut supra personaliter, et solemni stipulatione convenit mihi Alphonso, iudici ordinario et notario antedicto et infrascripto, ut publica persona accipienti et stipulanti in nomine dictorum pupillorum et cuiuslibet eorum, et pro omnibus singulis quorum iuris est intervenire aut interesse etc. iuravit ad Santa Dei Evangelia.... corporaliter manutactis, ad delationem mei Alfonsi, utilia dictis pupillis agere, et inutilia praetermittere, eorumque personas, res, bona peragere et gubernare, et dictam tutelam pro debito tempore fideliter exercere, et adminislrationis pro debito tempore reddere rationem, et rem dictorum pupillorum salvam facere, et reliqua sapienter et alia facere, ad quae teneatur de iure et iuxta ordinamenta. Suprascriptus Iohannes Battista, tutor, et pro dedito tempore curator praedictus, sciens se de iure ad inventarii confectionem teneri, et volens, prout de iure tenetur, inventarium de bonis, rebus, et iuribus dicti Michelangeli pupilli conficere, ipsumque inventarium confirmando, Cristi nomine invocato, ac Santissimo Crucis signo praemisso, constituitur ut supra, dixit et exposuit se invenisse et invenire in bonis, rebus, et iuribus dicti pupilli ius ad omnem haereditatem dicti Petri sui patris. Dixit ad praesens nulla alia bona invenisse et invenire, et si alia inveniat in inventario addet, et aliud de novo conficiet, prout de iure tenetur etc. Praefatus Iohannes Battista tutor praedictus, ante dictus Michelangelus pupillus praedictus, cum consensu, licentia et auctoritate dicti Iohannis Battistae tutoris sui praedicti, et etiam mei notarii infrascripti et cuiustibet nostrum, fassus dictum olim Petrum, patrem dicti Michelangeli mortuum esse et decessisse ab intestato, relictis post se dicto Iohanne Battista, Francisco et Michelangelo, eius filiis maschulis legittimis et naturalibus, et dictis eius filiabus feminis. Et nullis aliis habentibus rem, et escludentibus ab haereditate vel successione dicti Petri eorum patris, vel cum eis in aliqua parte concurrentibus, fassus dictam haereditatem dicto Michelangelo pupillo delatam essse pro tertia parte, ab intestato ut supra; et eam fore potius utilem et lucrosam quam dannosam. Idcirco dictus tutor, et dictus Michelangelus cum eius consensu, dictae haereditatis praedictam tertiam partem, dicto pupillo delatam adiverunt et apprehendiderunt, protestantes se velle esse haeredes, et commoda et incommoda dictae haereditatis subire et subportare. Suprascriptus Johannes Battista tutor praedictus, sciens se ad inventarii confectionem teneri de bonis, rebus, et iuribus dicti pupilli, et quae remanserunt in haereditatem de bonis dicti quondam Petri patris dicti pupilli, Iesu Cristi nomine invocato, et Santissimae Crucis Ven. signo praemisso, dixit et asseruit se invenisse et invenire in haereditate et bonis dicti quondam Petri, et dicti pupilli, infrascripta bona : unam domum, videlicet tertia pars pro indiviso cum dicto Iohanne Battista et Francisco, cum palchis et aliis chameris et aliis suis pertinentiis, positam in populo Santi Petri Maioris, cui a 1° via dicta El Rosaro; a 2° Iheronimi Farsettani; a 3° Angeli Chartolari, a 4° Alojsi de Charamellis. Item unam aliam domum cum suis pertinentiis, prope supra dictam, positam in dicta via, cui a 1° dicta via, a 2° domus supraddicta, a 3° dicti Angeli Chartolari, a 4° Alojsi de Caramellis muratoris. Item unum creditum, videlicet tertia pars unius crediti Montis, flor. 31, 2, 2, septem pro centenario pagharum, Montis Comunis Civitatis Florentiae, cantantis in dictum olim Petrum Christophori, pictorem, patrem dicti pupilli, prout patet in libro dicti Montis, signato P; c. 539, protestans quod si aliquid aliud inveniat, huic in inventario addet et aliud de novo conficiet, etc.