Italian Renaissance Document Site

Die mercurii XXI mensis decembris 1502. Supradictus dominus Andreas vicarius, auctoritate episcopi predicti domini Cosme de Pazzis episcopi aretini, ut supra pro tribunali sedens, visa primo comparitione coram nobis facta per Franciscum Rentii alias de Medico et Iohannem Petri de Cacciano, procuratores parrocchianorum popularium dicte ecclesie Sancti Laurentii et Georgii de Cacciano, et presentatione electionis facte per dictos populares in persona dicti ser Francisci Iacobi ser Ghezzi in rectorem dicte ecclesie, vacantis per mortem domini Pieri de Deis, abbatis Sancti Clementis de Aretio, ordinis camaldulensis, ultimi immediati rectoris dicte ecclesia, et pubblicam formam manu ser Caroli Pietri Landi de Montevarchio notarii in urbe Florentie inde rogati sub die XVI mensis decembris presentis anni 1502, et visa inde petitione per eos facta de confirmando dictam suprascriptam electionem et dictum ser Franciscum electum et presentatum, et visa acceptatione per nos facta et commissione literarum edictalium per nos emanata cum termine trium dierum, Cristi nomine et eius gloriose virginis matris Marie ac beatorum Laurentii et Georgii, sub quorum vocabulis dicta ecclesia existit fundata, nominibus invocatis, dictam electionem ut supra factam de dicta ecclesia tanquam rite et canonice factam confirmavit, ipsum ser Franciscum, coram eo genuflexum humiliter petentem, de dicta ecclesia et omnibus bonis et iuribus per biretum suum suo capite impositum constituit et sibi ser Francisco curam, regimen et adiministrationem dicte ecclesie in spiritualibus et temporalibus commisit. Qui dictus ser Franciscus iuravit [...].

The vicar of the Bishop of Arezzo confirms the election of the new rector of the parish church of Cacciano, near Arezzo, conducted the preceding 16 December following the death of Bartolomeo della Gatta.