Italian Renaissance Document Site

In nomine Domini, amen. Anno Domini millesimo CCCCLXXXIII, indictione prima, tempore sanctissimi in Christo patris et domini nostri domini Sixti divina providentia pape quarti et die martis X mensis decembris. Actum Perusii in palatio novo residentie capitanei populi civitatis Perusii in platea Supramuri in camera residentie dicti domini capitanei, presentibus Filippo lohannis Putii de Perusio porte Sancti Petri et parochie Sancti Stefani et Iohanne [ ... ] de Sancto Martino in Campo comitatus Perusii porte Sancti Petri ad infrascripta vocatis, habitis et rogatis. Comparuit coram infrascripto domino capitaneo et iudice ut supra existente dominus Iohannes Stefanus domini lohannis de Perusio infrascriptis nominibus et produxit infrascriptam interpositam appellationem infrascripti tenoris et continentie, videlicet: Veniens et existens coram magnifico milite et comite domino Guaspare de Malvitiis de Bononia honorabili domino capitaneo populi Perusini nec non iudice [ ... ] magister Benedictus Bonfilii de Perusio non revocando procuratores suos et dixit et exposuit qualiter nuper ad eius aures et notitiam pervenit quod dictus dominus capitaneus et iudex prefatus nondum X diebus elapsis a die notitie in quadam causa coram eo vertente inter dominam Giulivam uxorem dicti Benedicti ex una parte et dictum magistrum Benedictum ex altera utiliter de facto et elevato velo devenit et processum ad infrascriptam assertionem sententiam, citationem [ ... ] ac prohibitionem et inibitionem in effectu hoc modo, videlicet quod citavit et requisivit dictum magistrum Benedictum quatenus prima hora iuridica post citationem de eo factam legitime comparere debeat coram dicto domino iudice ad dicendum et contradicendum et legitimam causam allegandum quare attenta contra dictam dominam Giulivam ab inibitoriis citra terminatur ex parte dicti domini capitanei et iudicis tam dicte Benedicto quam primo iudici et colleterali presentis domini potestatis non debeat revocati [ ... ] et anullari et de novo [ ... ] dicte Benedicto quatenus huiusmodi causam appellationis et reductionis pendeatur inter dictas partes indecisa vel novi faciat [ ... ] contra dictam dominam Giulivam et eius res et bona [ ... ] quod si secus faciet id totum revocabitur [ ... ] prout de dicta citatione, inibitione, prohibitione, sententia [ ... ] sic vel aliter plus vel minus sub quocumque voce, tenore plene et latius constare dixit manu ser Floravantis ser Petri de Perusio publici notarii ad quem se refert, dixit etiam quod dictus dominus capitaneus et iudex prefatus ad dictam assertionem, citationem, inhibitionem, prohibitionem, sententiam [ ... ] ferendam devenit et processit celleriter de facto et elevato velo et non visis et discussis iuribus dicti magistri Benedicti ipso non confesso non coniuncto non legitime monito nec aliquo legitimo modo superato et non servata forma iuris statutorum et ordinamentorum communis Perusii dixit etiam quod dicta assertio, sententia, citatio, inhibitio, prohibitio [ ... ] fuit et est nulla [ ... ] nullius valoris, roboris, efficacie vel effectus, actento maxime quod dictus dominus capitaneus iam fecerat similem inhibitionem, prohibitionem [ ... ] et demum ad instantiam dicti magistri Benedicti eam [ ... ] revocavit maturo consilio et deliberatione facto super predictis et etiam quod non poterat impedire causam ordinariam quod spernens et negliens prefatus dominus capitaneus et iudex ad supradictam assertionem [ ... ] devenit, processit ut dictum est de facto a qua et quo dictus magister Benedictus sensiens se gravari et enormiter et enormissimum lesum et plus in futura tempora [...]. appellavit [ ... ] in hiis scriptis ad presentem dominum gubernatorem Perusii seu ipsius locumtenentem petens capitulos sibi dari instanter et instantissime et cum summa instantia sepe sepius [ ... ] Pro causis autem appellationum et nullitatum allegat potissime supradicta et infrascripta aliis autem suo loco et tempore obstendendis et allegandis semper salvo quam petiit et recipi et admitti et fieri prout in causa continetur . Qui dominus capitaneus et iudex ut supra existens [ ... ]. auditis predictis predicta non admisit nisi si et in quantum de iure tenetur et debetur. [ST] Ego Ptolomeus ser Nicolai de Perusio porte Solis publicus imperiali auctoritate notarius et iudex omnibus predictis interfui et ea rogatus scripsi et publicavi.

Benedetto Bonfigli appears before the capitano del popolo in Perugia to discuss the dispute with his wife Gioliva.