Italian Renaissance Document Site

Eisdem millesimo, indictione et pontificatu, die XIIII octobris. Actum Perusii in eclesia Sancti Laurentii, presentibus eximio utriusque iuris doctore domino Pertoma domini Mariocti de Perusio porte Heburnee, domino Iohanne Stefano domini lohannis de Perusio porte Sancti Angeli et Antonio magistri Luce porte Heburnee, testibus ad infrascripta habitis, vocatis et rogatis. Cum hoc sit ut infrascripte partes asseruerunt quod domina luliva Menecutii Augustini Clementis de Perusio porte Solis se per publicum instrumentum obligaverit ad dandum et solvendum magistro Benedicto Bonifilii pictori de Perusio porte Sancti Petri eius marito florenos quadraginta ad rationem XL bolognenorum pro quolibet floreno pretextu, causa et occhaxione nonnullarum expensarum factarum per dictum magistrum Benedictum pro dicta domina Iuliva [“et subsidiorum solutorum pro dicta domina” in margine con segno di inserzione nel testo] et subsidiorum solutorum pro dicta domina ut latius patere dixerunt patere publico instrumento scripto et publicato manu ser Simonis Iohannis de Perusio publici notarii [da “pro qua quantitate” a “dicto Benedicto” nel margine inferiore con segno di inserzione nel testo ] pro qua quantitate dicta domina Iuliva dedit, cessit et concessit in solutum et pagamentum illam quantitatem terreni et tenimenti terre ipsius domine siti in pertinentiis ville Sancti Felitiani quam magister Angelus ser Baldassaris consignabit dicto Benedicto, pro quibusquidem florenis quadraginta idem magister Benedictus asserit et affirmat dictam dominam Iulivam [ nel testo “promisisse et se obligasse” depennato] una cum magistro Angelo pictore coram fide dignis testibus consignasse dicto magistro Benedicto octo eminas unius tenimenti terre laboratorii, sodi et silvati cum domibus in eo existentibus positi in pertinentiis ville Sancti Felciani in vocabulo Sancto Felciano, fines cuius a pede fossatus, ab alio Perfranciscus [nel testo “Saccharie” depennato corretto da “Blaxii” in sopralinea] Blaxii, ab alio Simon Pascutii, ab alio bona olim Sebastiani Sebastiani, ab alio heredes Allovisii Laurentii [ da “ab” a “Laurentii” in sopralinea con segno di inserzione nel testo] et pro parte dictus magister Benedictus pro bonis emptis a Paride Batiste Antonii et pro consequendis dictis octo eminis dicti tenimenti terre idem magister Benedictus cepit agere contra dictam dominam Iulivam coram collaterali porte Sancti Petri petendo testes qui interfuerunt dicte promissioni et consignationi [“consignationi” con segno di inserzione nel testo] examinari ad perpetuam rei memoriam velint in presentiarum dicte partes ad concordiam devenire et inter ipsos transigere, sumptibus parcere et litibus non vexari, de eorum comuni concordia devenerunt ad infrascriptum contractum transationis, promissionum, venditionis et refutationis modo infrascripto, videlicet quia dictus magister Benedictus per se et suo, heredes, obligando se et sua bona mobilia et inmobilia presentia et futura pro observacione infrascriptorum, dedit, vendidit, tradidit, cessit atque concessit dicte domine Iulive, presenti, stipulanti et recipienti pro se et suis heredibus et cui ius suum concesserit seu concedere voluerit, omnia et singula iura et actiones reales et personales, utiles et directas, tacitas et expressas, pretorias et civiles, generales, spetiales seu mixtas et omnes alias que et quas dictus magister Benedictus habet, habere potest videtur et sperat habere nunc et in futurum in dicto tenimento terre ipsius domine Iulive pro consequendis dictis octo eminis terre loco dictorum florenorum quadraginta virtute supradicte promissionis ut dicitur facte per dictam dominam Iulivam, reservatione infrascripta semper salva nec non iure proprio et in perpetuum per verum et directum allodium, dominium et proprietatem dedit, vendidit, tradidit, cessit atque concessit dicte domine lulive ut supra stipulanti et recipienti unam petiam terre laboratoriam positam in dictis pertinentiis et vocabulo ad mensuram assertione dicti magistri Benedicti quatuor eminarum sub dictis confinibus emptam per dictum magistrum Benedictum a dicto Paride Batiste [nel testo “Mani” depennato] manu ser lohannis Fustini declarando quod in presenti venditione veniant omnia bona per dictum magistrum Benedictum empta a dicto Paride antedicti ser Iohannis, volentes dicte partes confinia dicte petie terre hic haberi pro sufficienti expressis haberi ac si in presenti instrumento essent distinte confinate ad habendum, tenendum, possidendum, vendendum, alienandum et permutandum et quidquid dicte domine Iulive placuerit admodum et deinceps perpetuo faciendum cum accessibus et egressibus suis usque in vias publicas et cum omnibus et singulis rebus, iuribus, utilitatibus, comoditatibus, usu seu requisitione ad ipsa bona et iura supra vendita pertinentibus et spectantibus quoquo modo, et eodem titulo dedit, vendidit, cessit atque concessit dicte domine lulive omne ius omnemque actionem et petitionem realem et personalem, utilem et directam, tacitam et expressam, pretoriam et civilem, generalem, spetialem seu mixtam et omnem aliam quod et quam dictus magister Benedictus habet, habere potest videtur et sperat habere in futurum in et pro dictis bonis et iuribus venditis contra et adversus quascumque personas comune corpus collegium et universitatem, ponens dictam dominam Iulivam in locum suum et ipsam procuratricem et dominam ut in rem suam propriam constituens ita ut admodum et deinceps dicta domina Iuliva suo proprio nomine utiliter et directe in iudicio et extra possit agere, petere, causam excipere, replicare, finire, refutare, experiri, seseque tueri, confiteri et negare et omnia alia et singula facere, gerere et exercere que quilibet verus dominus de re sua propria facere potest et que facere poterat dictus magister Benedictus ante presentem contractum, et promisit dictus magister Benedictus dicte domine lulive quod de dictis bonis et iuribus venditis ut supra nemini alii totaliter vel particulariter ius aliquod est datum, cessum vel concessum quod dicte domine lulive suisque heredibus seu huic contractui in aliquo nocere vel obesse possit, quod si datum, cessum vel concessum quomodolibet appareret promisit ipsum ius pro dicta domina Iuliva reacquirere et ipsam et eius heredes, res et bona indenpnem et indenpnes et indenpnia conservare, et possessionem dicte petie terre promisit dicte domine Iulive ad ipsius petitionem et terminum dare et tradere liberam, vacuam et expeditam et a nemine occupatam vel detentam et ab omni onere debitorum, servitutis et dotium exoneratam, quam accipiendi, intrandi et retinendi eius auctoritate propria et sine licentia alicuius iudicis plenam licentiam et liberam potestatem contulit atque dedit, quam ex nunc se costituit pro dicta domina luliva et eius procuratorio nomine tenere et possidere donec ipsius petie terre dicta domina luliva possessionem acceperit corporaliter et de dictis iuribus et petia terre et bonis supra venditis promisit dicte domine Iulive perpetuo litem aliquam seu questionem non movere nec moveri facere per se vel alium seu alios nec moventi consentire set potius legitime omni tempore ab amni homine persona comuni corpore collegio et universitate defendere, auroriççare et disbrigare in iudicio et extra omnibus ipsius magistri Benedicti sumptibus et expensis iudicibus decimis advocatis et procuratoribus et in se iudicium et causam subscipere statim lite mota et liti et questioni se offerre et intelligatur lix mota per unicam baiuli citationem ius denunptiandi eidem ex pacto remictens; quamquidem venditionem, dationem, traditionem, cessionem et concessionem fecit dicte domine Iolive pro pretio et solutione sexaginta florenorum ad rationem XL bolognenorum pro quolibet floreno, quos fuit confessus et contentus habuisse et recepisse et habuit et recepit presentibus dictis testibus et me notario infrascripto in auro et moneta, de quibus fecit dicte domine Iolive finem, refutationem et actum de ulterius non petendo, et [nel testo “hoc fecit” depennato] etiam pro eo quia dicta domina Ioliva per se et suos heredes, obligando se et omnia et singula eius bona mobilia et inmobilia presentia et futura pro observatione infrascriptorum, assignavit dicto magistro Benedicto presenti, stipulanti et recipienti pro se et cui ius suum concesserit seu concedere voluerit fructum et usufructum petie terre vineate et pasturate posite et situate in supradicto tenimento terre tenendum, possidendum et fructandum per dictum magistrum Benedictum durante eius vita et donec in humanis vixerit [ da “et defuncto” a “pieno iure” nel margine inferiore con segno di inserzione nel testo] et defuncto dicto Benedicto dicta petia terre intelligatur et sit reversa et revertatur ad dictam dominam Iulivam et eius subcessores pleno iure, et etiam promisit dicto magistro Benedicto dare et ex nunc dedit et concessit accessum eundi per dictum tenimentum terre ad dicta bona vineata, ac etiam promisit dicto magistro Benedicto prebere et dare comoditatem domus posite in dicto tenimento donec et quousque dicta domina Ioliva dictum tenimentum terre alienabit, et insuper dictus magister Benedictus, obligando se ut supra, fecit dicte domine Iolive ut supra stipulanti et recipienti finem, refutationem, quietationem, absolutionem, liberationem et pactum de ulterius non petendo de dictis florenis quadraginta sibi debitis virtute dicti instrumenti scripti et publicati manu dicti ser Simonis Iohannis. Et hoc fecit pro eo quia fuit confessus se fuisse satisfactum modo quo supra, et voluit dictum instrumentum manu dicti ser Simonis celebratum esse cassum et cancellatum et nullius esse valoris vel effectus nec non renunptiavit dicte liti mote per ipsum coram dicto domino collaterali et istantie litis ac etiam dicte domine Iolive fecit finem et generalem refutarionem de omnibus et singulis expensis per ipsum factis in dicto litigio et lite mota contra dictam dominam et de omni eo et toto quod dicta domina Ioliva pretextu dicti litigii et dependentium ab eodem dicta domina Iuliva petere posset et potest, et hoc fecit pro eo quia sic voluit et sic sibi placuit et ex causis predictis, promictens quod de refutatis per ipsum nemini ius est datum, cessum vel concessum quod dicte domine Iolive suisque heredibus seu huic contractui in aliquo nocere vel obesse possit, quod si datum, cessum vel concessum appareret promisit dictum ius pro dicta domina Iuliva reacquirere et ipsum et eius heredes, res et bona indenpnem, indenpnes et indenpnia conservare; renunptiantes inter se ad invicem dicte partes una pars alteri et altera alteri singula singulis referendo exceptioni non facte dicte transationis, promissionum, obligationum venditionis, dationis, traditionis, finis, refutarionis et non promissorum et non conventorum omnium et singulorum supra et infrascriptorum et non celebrati presentis contractus et omni alii legum et iuris auxilio, consuetudini et statuto; que omnia et singula promiserunt ad sancta Dei evangelia corporaliter manu tactis scripturis predicta omnia vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alios sub ipotecha et obligatione omnium ipsorum bonorum presentium et futurorum et pena ducentorum florenorum auri, quam penam cum refectionem danpnorum expensarum et interesse litis et extra pars non observans parti observanti et observare volenti solenpni stipulatione dare et solvere promisit si per aliquam dictarum in aliquo contrafactum fuerit; qua pena soluta vel non contractus iste ratus et firmus et plenam habeat roboris firmitatem, et voluerunt pro predictis omnibus conveniri posse Perusii, Florentie et ubique locorum et terrarum et ibi solutionem facere et promiserunt inter se ad invicem de predictis facere confessionem coram iudicibus communis Perusii et coram quolibet alio iudice competenti ad partis petentis petitionem et terminum.

Benedetto Bonfigli sells a plot of land near Villa san Feliciano to his wife, hamlet of San Feliciano, maintaining however its use 'durante eius vita'. At the same time he issues a bill for the payment of 40 florins. Perugia.