Italian Renaissance Document Site

In nomine Domini, amen. Anno Domini millesimo CCCCLXXXVIII, indictione sexta, tempore sanctissimi in Christo patris et domini nostri domini Innocentii divina providentia pape ottavi et die XII mensis novembris. Actum Perusii in ecclesia Sancti Laurentii maioris et catredalis ecclesie Perusine, presentibus Meo Bernabey de Perusio porte Heburnee habitatore in monte porte Solis et Antonio lohacchini de Perusio dicte porte, testibus ad infrascripta vocatis, habitis et rogatis. Benedictus condam Bonfilgli de Perusio porte Sancti Petri per se et suos heredes, obligando se et omnia et singula sua bona mobilia et immobilia presentia et futura pro observatione omnium et singulorum infrascriptorum dedit, cessit, concessit atque locavit ad coptumum et nomine coptumi pro toto tempore vite ipsius Benedicti Barnabeo et lohanni Pucci Tori de villa Sancti Felciani comitatus Perusii porte Sancti Angeli, presentibus, stipulantibus et recipientibus pro se et eorum heredibus et cui ius eorum concesserunt aut in futurum concedere voluerint, omnes vineas quas dictus Benedictus habet, tenet et possidet in pertinentiis dicte ville infra eorum confines et vocabula, que confines et vocabula voluerunt hic pro expressis et specificatis habere, ad habendum, tenendum, possidendum, utendum, fruendum et usufruendum prout quilibet conductores de huiusmodi rebus locatis ad coptumum facere possunt; et promisit [nel testo parola depennata] dictus Benedictus dictis Bernabeo et lohanni durante [nel testo "ipsius"depennato] vita ipsius Benedicti non reauferre nec reauferri facere sed potius iura coptumi defendere contra omnem personam. Et hoc fecit pro eo quia dicti Bernabeus et lohannes et quilibet ipsorum in solidum per se et eorum heredes obligando se et omnia eorum bona mobilia et inmobilia presentia et futura pro doservatione omnium et singulorum infrascriptorum promisserunt et convenerunt dicto Benedicto presenti, stipulanti et recipienti pro se et suis heredibus et cui ius suum concesserit aut in futurum concedere voluerit dare, tradere et mensurare qualibet anno durante vita dicti Benedicti mediolina sex et unum tertium alterius mediolini olei pulpe dulcis et boni et ad civitatem Perusii apportari ad domum dicti Benedicti eorum sumptibus et expensis et ipsas vineas laborare et cultivare ad usum bonorum coptumatorum et alia facere ad que tenentur secundum formam iurium Statutorum et ordinamentorum communis Perusii, et durante vita dictorum tenere et possidere nomine dicti Benedicti et eo finito relassare liberas et expeditas cui tetigerit de iure et uti et frui arbitrio boni viri et insuper fuerunt confessi et contenti esse in possessionem dictorum bonorum cum hoc pacto apposito in presenti instrumento de voluntate dictarum partium quod si dicti Bernabeus et lohannes vellent piantare plures vineas in terreno dicti Benedicri quod liceat eis piantare et nichillominus non teneantur nisi ad dictam quantitatem olei ut supra. Renuntiantes se ad invicem.

Benedetto Bonfigli gives a cottimo a Barnabeo and Giovanni di Puccio all the land he owns in the vicinity of Villa San Feliciano, Perugia.