Italian Renaissance Document Site

formam et tenorem in ipso brevi et suplicatione tradita et inserta, offerens se paratum omnia et singula facere ad que tenetur et debet pro ipsius liquidatione et expeditione secundum formam dicti brevis, et hec omni meliori modo etc. Rogans etc. Qui domini Stephanus et Petrus, commissarii apostolici prefati, dictum brevem (!) apostolicum cum suplicatione interclusa ea qua decuit reverentia receperunt et ipso brevi et supplicatione apertis et lectis eis per me notarium infrascriptum ad eorum et cuiuslibet eorum claram intelligentiam et visa et intellecta commissione et auctoritate eis per prefatum dominum nostrum Alexandrum papam sextum commissa, data et concessa et eorum forma, ut obedientie filii volentes mandatis apostolicis obedire, obtulerunt se paratos ad illud et illam exequi et expedire secundum formam, seriem et tenorem brevis et supplicationis predicte, liquidatis tamen liquidandis omni meliori modo etc. Rogantes etc. Cuius brevis tenor et forma talis et infrascriptus est de verbo ad verbum, videlicet et primo a tergo: "Dilectis filiis Stephano de Gozariis et Petro de Gargattariis canonicis ecclesie arretine". Intus autem a capite: "Alexander papa sextus. Dilecti filii, salutem et apostollicam benedictionem. Mittimus vobis supplicationem presentibus interclusam, manu dilecti filii nostri Iohannis Alexandrine, in presentia nostra signatam, volumusque et vobis committimus ac mandamus ut, vocatis vocandis, ad illius exequtionem procedatis iuxta eius signaturam veram, nihilominus desuper conscientiam onerantes. Datum Rome apud Sanctum Petrum sub anulo piscatoris, die XXI aprilis 1494, pontificatus nostri anno secundo". In fine autem talis erat subscriptio: "Io(hannes) Volaterranus".

Bartolomeo della Gatta, prior of San Clemente, presents a papal brief to two Vatican commissari on 21 April 1494 authorising him to sell some plots of land, Arezzo.