• 635
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, pp. 262-263.

• Transcription

Egregi viri Magistri Petri Christophori, civis Perusini, oriundi de Castro Plebis, pictoris dignissimi, emptio. Anno Domini Millesimo quingentesimo duodecimo; Die vero 11 Mensis Decembris. Actum Perusiae, etc. Iohannes Francisci Salviutii de Perusia Portae S. Susannae, mercator, etc., dedit, vendidit, tradidit, cessit, et concessit egregio viro Magistro Petro Cristhophori, civi perusino, oriundo de Castro Plebis, Magistro pictori dignissimo, praesenti, etc. unum poterem laborativum, arboratum, cum domibus et furno existentibus in pertinentiis Castri Plani, sive Bagnaiae agri Perusini, etc. Item aliud poterem laborativum, vineatum, arboratum, silvanum, cum palatio, claustro, et puteo existentibus, positum in pertinentiis Villae Bisciani, Comunitatis Perusinae, Portae S. Susannae, etc., de quo est laborator Constantius Antoni Logli de Castro Pilae; quam quidem venditionem, cessionem, etc. fecerunt nomine praetii ac solutione in totum mille sexcentorum flor. ad rat. XL bolonenorum pro flor., videlicet potere et bona in pertinentiis Bagnaiae seu Castri Plani pro florenis mille, et aliud in pertinentiis Villae Bisciani pro flor. sexcentis; de quibus dictus Iohannes confessus est a dicto Mag. Petro habuisse et recepisse flor. mille quatringentos hoc modo, videlicet: flor. 1200 iamdiu et in pluribus vicibus et partitis per ipsum Mag. Petrum sive alterum pro eo, positos sive depositatos apud fundicum praefati Francisci, olim eorum Patris, fuerunt, et successive dicti Francisci filiorum et haeredum; prout de dicta quantitate dictus Iohannes dixit et confessus fuit, praesentibus dictis et me Notario infrascripto, ipsum Magistrum Petrum apparere in Libris Fundici dicti olim Francisci eorum Patris, et successive ipsius Iohannis et suorum eius filiorum et haeredum ; et flor. ducentos dixit et accepit dictis nominibus, hoc modo, videlicet : centum quinquaginta in una domo posita in P. S. Angeli, prope Ecclesiam S. Augustini infra suos confines; quam domum et eius confines voluerunt hic specificatim ac de ea si mentio facta fuisset, videlicet domum habitam a Fratribus, Capitulo et Conventu S. Augustini de Perusia P. S. A., per ipsum Magistrum Petrum in solutionem et pagamentum datam ab iisdem Fratribus Capitulo et Conventu, pro suis salario et mercede pitturae cuiusdam tabulae pro dictis Fratribus per ipsum Magistrum Petrum pictae seu pingendae, sive partem predi dictae picturae. Quam domum ex nunc, ipse Mag. Petrus, dedit, vendidit, etc. in solutionem et pagamento dicto Iohanni, ut ipse Iohannes de ipsa domo et confinibus de supra et ipsius Magistri Petri novam notitiam et plenissimam informationem dixit habuisse et habere. Et flor. quinquaginta pro residuo mille quadringentorum flor. habuit et recepit dictus Iohannes a dicto Mag. Petro in auro et in moneta et in contanti. De quibus miìllequadringentis florenis dictus Iohannes, dictis nominibus quibus supra, fecit dicto Mag. Petro refutationem, etc. Residuum vero, videlicet flor. ducentos dictus Mag. Petrus promisit dare et solvere infra tempus declarandum per Philippum Iohannis Battistae de Perusia, aurificem. Cum his pactis et conditionibus quod si dictus Iohannes et eius Fratres et eorum haeredes dicta bona, in totum vel in partem, ambo vel unum, ex dictis poteribus infra tres annos prox. fut. etc.