Italian Renaissance Document Site

Eisdem millesimo, indictione et pontificatu, die XI aprilis. Actum Perusii in audientia artis pannorum lane, presentibus Pero Gnagnis Massoli de Perusio porte Heburnee et Fabritio Rauscii de Perusio porte Solis testibus rogatis. Magister Benedictus Bonfilgli pictor de Perusio porte Sancti Petri per se et suos heredes, obligando se et omnia et singula eius bona mobilia et inmobilia presentia et futura pro observatione infrascriptorum, iure proprio et in perpetuum per verum et directum allodium, dominium et proprietatem dedit, vendidit, tradidit, cessit atque concessit magistro Simoni Pauli carpentario de Perusio dicte porte, presenti, emeriti, stipulanti et recipienti pro se et suis heredibus et cui ius suum concesserit seu concedere voluerit unam petiam terre vineatam et arboratam positam in pertinentiis castri Sancii Fortunati comitatus Perusii Sancti Petri in vocabulo Risircha, fines cuius ab uno Bartolomeus Francisci de castro Sancti Martini in Campo, ab alio Lucas Mactheoli de dicto castro, ab alio Sanctes Mariocti et ab alio fossatum et alia latera, et si dicta petia terre meliores et veriores haberet confines, ad habendum, tenendum, possidendum, vendendum, alienandum et permutandum et quidquid dicto emptori placuerit admodum et deinceps perpetuo faciendum cum accessibus et egressibus suis usque in vias publicas et cum omnibus et singulis rebus, iuribus, utilitatibus, comoditatibus, usu seu requisitione ad ipsam petiam terre venditam pertinentibus seu spectantibus quoquo modo, et eodem titulo dedit, vendidit, tradidit, cessit atque concessit dicto emptori omne ius omnemque actionem et petitionem realem, personalem seu mixtam et omnem aliam quod et quam dictus venditor habet, habere potest videtur et sperat habere in futurum in et pro dicta petia terre vendita contra et adversus quascumque personas corpus collegium et universitatem, ponens dictum emptorem in locum suum et ipsum procuratorem et dominum ut in rem suam propriam costituens ita ut admodum et deinceps dictus emptor suo proprio nomine utiliter et directe in iudicio et extra possit agere, petere, causari, excipere, replicare, finire, refutare, experiri seseque tueri, confiteri et negare et omnia alia et singula facere, gerere et exercere que quilibet verus dominus de re sua propria facere potest et que facere poterat dictus venditor ante presentem contractum, et promisit dictus veriditor eidem emptori quod de dicta petia terre vendita nemini alii et totaliter et particulariter ius aliquod est datum, cessum vel concessum quod dicto emptori suisque heredibus seu huic contractui in aliquo nocere vel obeso se possit, quod si datum, cessum vel concessum quomodolibet appareret promisit ipsum ius pro dicto emptore reacquirere et ipsum et eius heredes, res et bona indenpnem, indenpnes et indenpnia conservare et possessionem dicte petie terre promisit dicto emptori ad ipsius petitionem et terminum dare et tradere liberam, vacuam et expeditam et a nemine occupatam vel detentam et ab omni onere debitorum, servitutis et dotium exoneratan, quam accipiendi, intrandi et retinendi eius auctoritate propria et sine licentia alicuius iudicis plenam licentiam et liberam potestatem contulit atque dedit, quam ex nunc se costituit pro dicto emptore et eius precario nomine tenere et possidere donec ipsius petie terre dictus emptor possessionem acceperit corporalem, et de dicta petia terre promisit dicto emptori perpetuo litem aliquam seu questionem non movere nec moveri facere per se vel alium seu alios nec moventi consentire, set potius legitime omni tempore ab omni homine persona comuni corpore collegio et universitate defendere, autoriççare et disbrigare in iudicio et extra omnibus ipsius venditoris sumptibus et expensis iudicibus decimis advocatis et procuratoribus et in se iudicium et causam subscipere statim lite mota et liti et questioni se offerre et intelligatur lix mota per unicam bayuli citationem ius denunptiandi citandi eidem ex pacto remictens; quamquidem venditionem fecit dictus venditor eidem emptori pro pretio et solutione novem florenorurn ad rationem XL bolognenorum pro quolibet floreno, quos fuit confessus et contentus habuisse et recepisse et habuit et recepit presentibus dictis testibus et mei notario infrascripto in auro et moneta de quibus fecit dicta emptori finem et refutationem et ultra dictum pretium dictus magister Simon promisit dicto magistro Benedicto dare et eidem consignare medietatem uvarum recolligendarum in dicta petia terre in proxima futura vendemnia et dictas uvas ipsius emptoris sumptibus apportari facere in domo possessionis dicti magistri Benedicti in suburgis Perusii in vocabolo Tribiliciano et si dicta petia terre vendita plus valeret dicto pretio donavit dicto emptori pro bonis meritis et gratis servitiis que a dicto emptore fuit confessus habuisse et recepisse de quibus fecit dicto emptori finem, refutationem et pactum de ulterius non petendo secundum leges. Renunptiantes inter se ad invicem dicte partes una pars alteri et altera alteri singula singulis referendo exceptioni non facte dico te venditionis, dationis, traditionis, promissionis, obligationis, finis, refutationis et non promissorum et non conventorum omnium et singulorum supra et infrascriptorum et non celebrati presentis contractus et omni alii legum et iuris auxilio, consuetudini et statuto; que omnia et singula promiserunt inter se ad invicem dicte partes una pars alteri et altera alteri ac etiam iuraverunt ad sancta Dei evangelia corporaliter manu tactis scripturis predicta omnia vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alios sub ipotheca et obbligatione omnium ipsorum bonorum presentium et futurorum et pena dupli dicti pretii, quam penam cum refectione danpnorum, expensarum et interesse litis et extra pars non observans parti observanti et observare volenti solenpni stipulatione dare et solvere promisit si per aliquam dictarum partium in aliquo contrafactum fuerit, qua pena soluta vel non contractus iste ratus sit et firmus et plenam habeat roboris firmitatem, et voluerunt pro predictis omnibus conveniri posse Perusii, Florentie et ubique locorum et terrarum et ibi solutionem facere, et promiserunt inter se ad invicem dicte partes facere confessionem coram iudice communis Perusii et coram quolibet alio iudice competenti ad partis petentis petitionem et terminum.

Benedetto Bonfigli sells a plot of land near San Fortunato, hamlet of Risircha, to Simone di Paolo «carpentario de Perusio' for 9 florins for which he leaves a receipt.