Italian Renaissance Document Site

Pro domino Gentili episcopo aretino. In Dei nomine, amen. Anno Domini nostri Yhesu Christi ab eiusdem salutifera incarnatione 1497, inditione XV, tempore pontificatus sanctissimi in Christo patris et domini domini Alexandri divina providentia pape sexti, die vero 6 mensis aprilis. Actum Aretii in Porta Fuori in domibus episcopi arretini, presentibus reverendis patribus domino Petro de Florentia, dignissimo abbate ac priore abatie Sancti Clementis de Arretio chamaldulensis ordinis, et domino Stefano Christofori de Moncipio (?) aretino, canonico catredalis ecclesie arretine, testibus etc. Pateat etc. qualiter reverendus in Christo pater dominus Gentilis de Urbino, ad presens benemerito et Dei gratia episcopus arretinus, omni meliori modo etc. fecit, constituit etc. suum verum et legiptimum procuratorem etc. Communem et Consilium civitatis Arretii, licet absentem etc., specialiter et nominatim ad nominandum, creandum et faciendum unum yconimum sive procuratorem, fattorem et executorem fabrice seu lodie per ipsum constituentem iam incepte inter domos episcopatus et catredalem ecclesiam aretinam et ad ipsius fabrice et lodie expeditionem, executionem et consumationem secundum seriem, modum et formam modelli initi et facti pro ipsius fabrice opere, de quo modello dictus procurator, creandus et faciendus ut supra a dicto Commune et Consilio civitatis Arretii, non possit quoquo modo exire, sed penitus ten[e]atur formam ipsius modelli persequi et secundum ipsius formam opus ipsius fabrice usque ad perfectam ipsius operis consumationem persequi et finire, nisi de consensu dicti domini Petri, abbatis Sancti Clementis predicti, et ser Bernardi ser Christofori de Lappolis, civis et notarii arretini, in quorum arbitrio et voluntate … (?) predict(...) se totaliter remisit quoad mutationem modelli. Dictum sindicum et procuratorem sive yconimum, eligendum et deputandum per Commune et Consilium civitatis Arretii ut supra, noluit posse removeri aut cassari vel quacumque de causa tolli, sed ipsum durare voluit usque ad solam ipsius fabrice consumationem et perfettionem, salvo quod in casu infirmitatis et mortis voluit alium in eius locum subrogari, substitui et deputari per dictum Commune et Consilium durante tantum infirmitate illius

Gentile de' Becchi, Bishop of Arezzo, makes provisions for the completion of the loggia between the Bishop's residence and the Cathedrals, a project which cannot be modified without the consent of Bartolomeo della Gatta