• 42
  recto

Type:Notarial
Language:Latin
Transcription Author: Nicoletta Baldini
Published: yes
Publication Details: Published by N. Baldini, La bottega di Bartolomeo della Gatta. Domenico Pecori e l'arte in terra d'Arezzo fra Quattro e Cinquecento, Florence, 2004, p. 324, doc. 21
Notes: Transcription by Nicoletta Baldini revised by Matteo Mazzalupi.

• Transcription

Die X iunii. Actum in abbatia Sancte Marie in Gradibus in domibus dicte abbatie, presentibus providis viris Macteo olim Laurentini Mei de Sancto Luterio comitatus Aretii et Stefano olim Ioannis Mazze de Monte Iovis, testibus etc. Nardus Marci Bartolomei del Manzino de Monte Iovis, per se et suos heredes etc., dedit, vendidit, tradidit et iure proprio et in perpetuum concessit venerabili viro dompno Piero Antonii de Deis de Florentia, abbati Sancti Clementis de Aretio, presenti, ementi, stipulanti et recipienti pro dicta abbatia et eius sucessoribus, et michi notario infrascripto, pro dicta abbatia et eius sucessoribus in ea presenti, stipulanti et recipienti, infrascripta bona infra posita et confinata, ad habendum, tenendum etc., cum omnibus et singulis suis iuribus etc., et hec pro pretio et nomine pretii florenorum decem auri ponderis Communis Aretii et lige Communis Florentie ad gabellam dicti emptoris. Quod pretium totum et integrum dictus venditor habuit et recepit a dicto emptore in florenis auri largis in presentia mei notarii et testium, de quo pretio fecit finem etc. […].