Italian Renaissance Document Site

Eisdem millesimo, indictione et pontificatu, die septimo iulii. Actum Perusii in audientia artis pannorum lane, presentibus Raynaldo Francisci magistri lacobi et Pero Gnagnis Massoli de Perusio porte Heburnee, testibus rogatis. Magister Benedictus Bonfigli de Perusio porte Sancti Petri per se et suos heredes, obligando se et omnia et singula eius bona mobilia et inmobilia presentia et futura pro observatione infrascriptorum, fecit finem, refutationem, quietationem, absolutionem, liberationem et pactum de ulterius non petendo Bartolomeo Gregorii ser Honofrii de Perusio porte Solis presenti, stipulanti et recipienti pro se et suis heredibus et cui ius suum concesserit seu concedere voluerit de florenis nonagintaduobus et solidis quatuordecim ad rationem trigintasex bolognenorum pro quolibet floreno pro parte summe florenorum dicto magistro Benedicto debitorum virtute publici instrumenti celebrati sub MCCCCLXVIIII scripti et publicati manu mei notarii infrascripti. Et hoc fecit pro eo quia fuit confessus et contentus dictos nonaginta duos florenos et solidos quatuordecim a dicto Bartolomeo habuisse et recepisse in pluribus, variis et diversis partitis et vicibus, videlicet a die secundo iulii MCCCCLXXVIII usque ad diem vigesimam secundam martii MCCCCLXXXVIII; et voluit dictum instrumentum quantum capit quantitas refutata esse cassum et cancellatum et nullius esse valoris vel effectus; et promisit quod de refutatis per ipsum nemini ius est datum, cessum vel concessum quod dicto Bartolomeo suisque heredibus seu huic contractui in aliquo nocere vel obesse possit quod si datum, cessum vel concessum appareret promisit ipsum ius pro dicto Bartolomeo reacquirere et ipsum et eius heredes, res et bona indenpnem, indenpnes et indenpnia conservare. Renunptians exceptioni non facte dicte finis, refutationis, exceptioni non numerate pecunie et non promissorum et non conventorum omnium et singulorum supra et infrascriptorum et non celebrati presentis contractus et omni alii legum et iuris auxilio, consuetudini et statuto; que omnia et singula promisit ac etiam iuravit ad sancta Dei evangelia corporaliter manu tactis scripturis predicta omnia vera fuisse et esse et ea perpetuo tenere, actendere et observare et in nullo contrafacere vel venire per se vel alium seu alios sub ipotecha et obligatione omnium suorum bonorum presentium et futurorum et pena dupli quantitatis refutate, quam penam cum refectione danpnorum, expensarum et interesse litis et extra solenpni stipulatione dare et solvere promisit si per eum in aliquo contrafactum fuerit; qua pena soluta vel non contractus iste ratus sit et firmus et plenam habeat roboris firmiratem, et voluit pro predictis omnibus conveniri posse Perusii, Florentie et ubique locorum et terrarum et ibi solutionem facere, et promisit facere confessionem coram iudice communis Perusii et coram quolibet alio iudice competenti ad ipsius Bartolomei petitionem et terminum.

Benedetto Bonfigli issues a bill of payment to Bartolomeo di Gregorio di ser Onofrio for the sum of 92 florins and 14 soldi owed as a payment of a larger sum promised in 1469, Perugia.