Italian Renaissance Document Site

Die veneris XIIII decembris. Actum in domibus hospitalis Sancte Marie de Misericordia, presentibus Constanzio Ioannis [nel testo "p" depennato] et Andrea Baptiste alias de Bacioia porte Sancti Angeli, testibus etcetera. Cum prout infrascripte partes asseruerunt quod magister Benedictus Bonfigli de Perusia porte Sancti Petri fuerit et sit creditor Barnabei Putii Toti de villa Sancti Filitiani comitatus porte Solis in quantitate XX mediolenorum olei dulcis pro coptumo virtute publici instrumenti manu ser Mathei Nardi et viginti librarum olei ultra dicta XX mediolena olei et in solidis [nel testo "et in" depennato] nonagintaduobus pro expensis, qui Barnabeus fuit ad instantiam dicti magistri Benedicti in carceribus detentus, et in presentiarum Antonius Filippi alias Pippo de castro Montis Habatis comitatus Perusie porte Solis requisiverit ser Franciscum domini lacobi de Perusia ut sibi placeret dictas quantitates olei et pecuniarum tradere et consignare ac solvere promictere, volensque dictus ser Franciscus votis dicti Antonii annuere, per se et suos heredes, obligando se et omnia eius bona mobilia et inmobilia presentia et futura pro observatione omnium infrascriptorum, et sciens se ad omnia supra et infrascripta non teneri sed teneri et efficaciter obligari velle, ex eius certa scientia et non per errorem promisit et convenit dicto magistro Benedicto presenti, stipulanti et recipienti pro se et suis heredibus et cui ius suum concesserit seu concedere voluerit in futurum, dictos viginti mediolenos olei dulcis et libras viginti et solidos viginti duos dare et solvere, tradere et consignare ad eius petitionem et terminum, omni exceptione et cavillatione iuris vel facti remotis, cui quidem ser Francisco presenti, stipulanti et recipienti pro se et eius heredibus et dictus Antonius Filippus alias Pippo de castro Montis Habbatis comitatus Perusie et Raphaelis dicto Mazavilano ["dicto Mazavilano" nel margine sinistro in due righe] de Perusia porte Sancti Angeli et quilibet in solidum promiserunt et convenerunt ipsum ser Franciscum a dicta promissione et obligatione indemnem, indemnes et indemnia conservare sub hipotecha et obligatione omnium eorum et cuiuslibet ipsorum in solidum bonorum mobilium et inmobilium, presentium et futurorum. Renuntiaverunt precipue beneficio novarum constitutionum de fideiussoribus et pluribus reis debendis et omnibus aliis beneficiis et exceptionibus eisdem vel alteri eorum quomodolibet competentibus et competituris etcetera, iuraverunt etcetera sub pena dupli etcetera, quam penam etcetera, qua pena etcetera, rogantes etcetera.

Benedetto Bonfigli reaches an agreement for the restitution of a credit with Bernabeo di Puccio, detained on Benedetto's request, Perugia.