• 125
  recto

Type:Notarial
Language:Latin
Transcription Author: Lidia Mazzerioli
Published: no
Publication Details: The document was made known by L. Manzoni, “Spogli dell’Archivio Distrettuale di Perugia. Pittori perugini and umbri (Bonfigli Benedetto and Fiorenzo di Lorenzo) ”, in “Bollettino della Regia Deputazione di Storia Partia per l’Umbria”, anno III 1897, vol. III, fasc. I, pp. 377-378; the present transcription is taken from F. F. Mancini, 'Benedetto Bonfigli. L'opera completa', Milan 1992, p. 178.
Notes: The document appears on the following folios: cc. 125r-126v.

• Transcription

Eisdem millesimo, indictione, pontificatu et die XI martii [nel testo "post nonas et ante vesperas hora causarum" depennato]. Actum in audientia artis lane civitatis Perusie, presentibus Bartolomeo Ioannis Brancati porte Sancte Soxanne parochie Sancte Andree habitatore porte Sancti Petri et parochie Sancti Stephani et Pero Ioannis Mascii porte Eburnee et parochie Sancti Savini, testibus ad infrascripta vocatis, habitis et rogatis. Benedictus Bonfigli porte Sancti Petri et parochie Sancti Stephani per se et suos heredes, obligando se et omnia eius bona mobilia et inmobilia presentia et futura pro observatione omnium infrascriptorum, fecit finem, refutationem, quietationem, liberationem et pactum de ulterius aliquid non petendo Antonio Pippi de Castro Montis absenti tamquam presenti et mihi Mariotto loannis notario tamquam publice et auctentice persone, stipulanti et recipienti pro [nel testo "se" depennato] dicte Antonio suisque heredibus [nel testo "de florenis" depennato] de viginti mediolenis et viginti libris olei dulcis pulpe et de solidis nonaginta duobus pro expensis eidem Benedicto debitis virtute instrumenti promissionis et fideiussionis facte pro dicto Antonio et in favorem dicti Antonii et in eius utilitatem et conmodum dicto Benedicto per ser Franciscum domini Iacobi fideiussorem olim dicti Antonii vel eius fideiussoris manu mei Mariocti notarii infrascripri sub 149 [nel testo spazio vuoto ]. Et hoc fecit dictus Benedictus pro eo quia fuit confessus et contentus dictas quantitates [nel testo "viginti" depennato] supra expressas habuisse in pluribus et diversis vicibus tam in oleo quam in pecuniis in contanti pro extimatione olei et pro residuo totarum quantitatum fuit confessus habuisse et habuit et recepit in presentia dictorum testium et mei notarii infrascripti florenos sex et solidos septuaginta denariorum computatis expensis, et pro dicto Antonio et de pecuniis ipsius Antonii ab Angelo Laurentii dicto Maza de Perusia porte Solis solvente pro dicto Antonio pro residuo totius debiti et expensarum et de pecuniis ipsius Antonii ut ipse Angelus asseruit, de quibus omnibus fecit eidem Antonio mihique Mariotto ut supra stipulanti et recipienti pro dicto Antonio suisque heredibus et pro omnibus eius fideiussoribus, cassando et anullando dictum, instrumentum manu mei expresse quoad solutionem quantitatum predictatum, et promisit dictus Benedictus quod de refutatis nemini alii totaliter vel particulariter ius aliquod est datum, cessum vel concessum nec dabitur in futurum quod huic contractui aut dicto Antonio suisque fideiussoribus et eorum heredibus in aliquo nocere vel obesse possit, quod si datum, cessum vel concessum quomodolibet appareret promisit ipsum ius pro eo reacquirere et ipsum eiusque heredes indennes et indennia conservare. Renuntiavit etcetera iuravit etcerera sub pena dupli etcetera quam penam etcetera qua pena etcetera promiserunt facere confessionem etcetera.