Italian Renaissance Document Site

Eisdem millesimo, indictione, pontifficatu et die VI mensis iulii. Actum Perusii in domo infrascripti Benedicti sita in civitate Perusii in porta Sancti Petri et parochia Sancti Stefani, presentibus fratre Cristoforo Appollonii de Perusio et fratre Angelo Augustini de Insula Pulvensis comitatus [sic] fratribus ordinis sancti Dominici et Angelo Petripauli Becte de Perusio porte Sancti Petri et parochie Sancti Savini, magistro lacobo Iohannis de Perusio porte Sancti Petri et parochie Sancti Stefani et Barnabeo eius filio, Carulo Petripauli porte predicte et parochie Sancti Savini et Nicolao magistri Iohannis de castro Fracte Filiorum Uberti comitatus Perusii porte Sancti Angeli, testibus ad infrascripta habitis, vocatis et rogatis ab infrascripto testatore. Benedictus olim Bomfilii de Perusio porte Sancti Petri et parochie Sancti Stefani per Dey gratiam sanus mente et intellectu licet corpore languens tamen in bona et recta scientia constitutus timens casum mortis et nolens abintestatu decedere neque de suis bonis et rebus posteius obitum inter aliquos valeat exoriri discordia, hoc presens testamentum nuccupativum quod dicitur sine scriptis in hunc modum facere procuravit et fecit. In primis iudicavit et reliquit corpus suum seppelliri in ecclesia Sancti Dominici de Perusio, videlicet introitu porte dicte ecclesie que dicitur la porta del [nel testo parola depennata ] castellari apud quam sui corporis elligit sepulturam. Item iudicavit et reliquit ecclesie Sancti Dominici predicti unam domum sitam in civitate Perusii in porta Sancti Petri et parochia Sancti Stefani, fines cuius ab uno strata, ab alio heredes Bartholomei Mathei Putii [ nel testo lettera depennata ], ab alio Andreas et Guidus ser Thadey de Perusio et alia latera cum hoc tamen pacto et condictione quod si fratres dicte ecclesie vellent ipsam domum vendere quod dicti fratres teneantur et obligati sint requirere et interpellare Vincentium ser lacobi Anestaxii de Perusio porte Sancti Petri si ipse vellet ipsam domum emere et casu vellet ipsam emere quod dicti fratres debeant eidem vendere pro pretio ducentorum florenorum ad rarionern XL bolonenorum pro quolibet floreno, et si ipse nollet ipsam emere quod dictis fratribus liceat ipsam vendere cui eisdem videbitur et placebit. Item iudicavit et reliquit quod domina luliva eius uxor possit et debeat stare et habitare in dicta domo durante eius vita et quod ipsa non possit a dictis fratribus modo aliquo expelli. Item iudicavit et reliquit quod dicte domine lulive debeant restituiri floreni sexaginta ad rationem XL bolonenorum pro quolibet floreno pro residuo suarum dotium et quod pro satisfactione dicte quantitatis debeat vendi tanta quantitas pannorum, massaritiarum et aliarum rerum mobilium ipsius testatoris que ascendatur ad dictam quantitatem dictorum XL florenorum per dictos fratres et dicte Iulive ipsi debeant satisfacere de ea. Item iudicavit et reliquit monasterio Sancte Chatterine de Senis de Perusia ordinis Predicatorum [nel testo "sancti" non depennato] sive sororis Columbe unam petiam terre vineatam et cannetatam cum domo in ea existente sita in subburgiis Perusii porte Sancti Petri in vocabulo Strefano fines cuius ab uno via, ab alio bona Sancti Laurentii de Perusio, ab alio Iulianus Mathei et ab alio Francischus de Tuderto et alia latera. Item iudicavit et reliquit hospitali Sancte Marie de Misericordia de Perusio domino Baldo domini Angeli de Perilglis de Perusio et Raynaldo Francisci magistri lacobi de Perusio porte Heburnee florenos quinquaginta quatuor ad rationem XL bolonenorum pro quolibet floreno, quos dictus testator recipere debet a Luca Nannis de Perusio vigore instrumenti laudi iuditialis pro[ut] constat manu mey notarii infrascripti, cum hoc tamen pacto et condictione quod predicti debeant a dicto Luca exigere per tempus unius anni proxime futuri incipiendi a die mortis ipsius testatoris, et casu quo dictus annus esset elapsus et predicti non exigerent dictam quantitatem dicto[rum] LIIII florenorum quod dictas quantitas dictorum quinquagintaquatuor florenorum devenire debeat ad dictam ecclesiam Sancti Dominici[nel testo "pleno" depennato ] de Perusio pieno iure. Item iudicavit et reliquit lohanni Martini Cecchi de castro Sancti Angeli de Cellis comitatus Perusii porte Sancti Petri et domine Madalene uxori dicti Iohannis florenos viginti ad rationem XL bolonenorum pro quolibet floreno qui extrahi debeant de una petia terre vineata sita in subburgiis Perusii in vocabulo Trabulciano quam dictus testator accepit ad ponendum in tertiam generationem a monasterio Sancti Petri de Perusio, cum hoc quod [nel testo "dicto" depennato] monaci dicti monasterii solvere debeant dictis lohanni et domine Madalene dictos XX florenos ad dictam rationem XL bolonenorum ut supra. Item iudicavit et reliquit quod Bartholomeus Gregorii de Perusio debeat perficere seu perfici facere capellam palatii magnificorum dominorum priorum civitatis Perusii quam dictus Bartholomeus accepit ad perficiendum ab ipso testatore per tempus unius anni proxime futuri et quod perfecta dicta cappella debeat eidem Bartholomeo revidere rationem et id quod sibi restaret in manibus ipsius et esset debitor ipsius testatori, debeat illud quod restaret de dicto coptumo solvere dicte ecclesie Sancti Dominici videlicet de pecuniis et aliis rebus [nel testo "stantibus" depennato] restantibus in eius manibus. Et predicta legata et iuditia solvenda satisfacienda ac executioni mandanda suos fideycommissarios et executores elligit vocavit et nominavit fratres, capitulum et conventum dicte ecclesie Sancti Dominici quibus dedit et contulit plenam licentiam et liberam potestatem de suis bonis vendendi, alienandi cum bannimentis vel sine usque ad integram quantitatem et satisfactionem omnium supradictorum legatorum et iuditiorum. In omnibus autem aliis suis bonis mobilibus et inmobilibus, iuribus et actionibus et nominibus debitorum ubicumque sint et inveniri potuerunt et possunt supradictam ecclesiam Sancti Dominici de Perusio instituit atque fecit eius heredem universalem. Et hoc fuit et est eius ultima voluntas et suum ultimum testamentum et suorum bonorum ultima dispositio, quod et quam valere voluit iure testamenti, et si iure testamenti non valeret saltem valeat et valere voluit iure codicillorum et iure cuiuslibet alterius ultime voluntatis, cassans, irritans et anullans omne aliud testamentum, codicillos et ultimam voluntatem ab eo actenus factum, factam et factos; et hoc [nel testo "est" depennato] presens testamentum voluit omnibus aliis prevalere et tenere.

Will of Benedetto Bonfigli. The painter asked to be buried in the church of San Domenico near the gate known as the 'porta del Castellare'. Perugia.