• 86
  recto

Type:Notarial
Language:Latin
Transcription Author: Nicoletta Baldini
Published: yes
Publication Details: Published by N. Baldini, La bottega di Bartolomeo della Gatta. Domenico Pecori e l'arte in terra d'Arezzo fra Quattro e Cinquecento, Florence, 2004, pp. 327-328, doc. 27
Notes: Transcription by Nicoletta Baldini revised by Matteo Mazzalupi.

• Transcription

Concessio ad censum in perpetuum domine Marie Antonii de Florentia. Eisdem anno, indictione et pontificatu et mense, die vero decimaseptima. Actum in civitate Aretii in hospitio Sancti Clementis, presentibus Francischo Angeli Marci de Terranuova presbitero aretino et Iohanne Pieri Mariotti de Laterina, habitatore in dicto hospitio, testibus etc. Pateat omnibus evidenter qualiter reverendus pater donpnus Pierus olim Antonii Dei de Deis de Florentia, abbas abbatie Sancti Clementis de Aretio ordinis camaldulensis nec non prior et rector rettorie et priorie Sancte Marie in Gradibus de Aretio dicti ordinis et dicto rettorio nomine, dicens, asserens et affirmans quod quedam domus, que (!) olim tenuerat ad censum Gaspar [*****] vochato Guasparri de la Badia, fuerit et sit reversa ad dictam prioriam et ecclesiam Sancte Marie in Gradibus de Aretio per mortem dicti Gasparis, que domus posita est in civitate Aretii in contrata Chiassaie iuxta bona Bardini (?) Pieri Papi de Rustello et bona dicte priorie et viam Communis et alios fines etc., et cum dicta domus fuerit et sit solita per suos antecessores dari et concedi ad censum, idcircho dictus donpnus Pierus, prior et rector predictus nomine dicte sue priorie et ecclesie et suorum successorum etc. dedit, vendidit, tradidit et concessit etc. et mandavit dictam domum ad censum in perpetuum domine Marie Antonii de Florentia, habitatrici Aretii ad presens, presenti, ementi, stipulanti, recipienti et ad censum conducenti pro se et suis heredibus et vice et nomine Bastiani sui viri [...]. Et hoc pro pretio et nomine pretii in totum florenorum vigintiotto auri ponderis Communis Aretii et lige Communis Florentie. Quod pretium dictus donpnus Pierus habuit et recepit a dicta domina Maria [...].