• 83
  recto

Type:Notarial
Language:Latin
Transcription Author: Nicoletta Baldini
Published: yes
Publication Details: Published by N. Baldini, La bottega di Bartolomeo della Gatta. Domenico Pecori e l'arte in terra d'Arezzo fra Quattro e Cinquecento, Florence, 2004, p. 330, doc. 33
Notes: Transcription by Nicoletta Baldini revised by Matteo Mazzalupi.

• Transcription

Emptio domini Pieri de Deis abbate (!) Sancti Clementis de Aretio. Eodem anno, indictione et pontificatu, die vero sexta februarii. Actum Aretii in domibus ecclesie Sancte Marie in Gradibus de Aretio, presentibus ibi Bartulo Francisci de Tondinellis et Francisco Iohannis Benne de Monte Aguto testibus etc. Pateat omnibus evidenter qualiter Ulivus Iusti Petri de Rusgialla cortinarum Aretii sponte per se et suos heredes, iure proprio et imperpetuum et omni alio meliori modo etc. vendidit, dedit et tradidit venerabili viro domino Piero de Dei de Florentia, abbati Sancti Clementis de Aretio, presenti et ementi pro se et dicto eius monasterio et suis subcessoribus, unam domum cum orto, platea et furno et aliis suis iuribus et pertinentiis, sitam in curia Montis Iovis, loco dicto La Verdelanda, iuxta alia bona dicti monasterii Sancti Clementis a quatuor lateribus et alios fines etc. ad habendum, tenendum etc. cum omnibus et singulis etc. pro pretio florenorum sexdecim auri. De quo quidem pretio dictus emptor dedit et solvit dicto venditori et pro eo et de eius commissione Bartolomeo Francisci de Tondinellis, ibidem presenti et ad se tiranti (?), libras XXIII denariorum, quas dictus venditor debebat, ut dixit, dicto Bartolomeo pro ovibus ab eo habitis, residuum autem dicti pretii dictus emptor dare et solvere promisit dicto venditori per totum mensem augusti proxime futuri, cum hoc quod dictus Ulivus teneatur dare fideiussorem antequam recipere possit dictum residuum [...].