• 85
  verso
• 86
  recto

Type:Notarial
Language:Latin
Transcription Author: Nicoletta Baldini
Published: yes
Publication Details: Published by N. Baldini, La bottega di Bartolomeo della Gatta. Domenico Pecori e l'arte in terra d'Arezzo fra Quattro e Cinquecento, Florence, 2004, pp. 332-333, doc. 36
Notes: Transcription by Nicoletta Baldini revised by Matteo Mazzalupi.

• Transcription

Locatio. Eisdem anno, inditione, pontificatu, die vero XXII mensis decenbris. Actum in civitate Aretii in domibus ecclesie Sancte Marie de Ingradibus, presentibus ibi dompno Christoforo alterius Christofori de Hostia comitatus Mantue, monacho camaldulensis ordinis, ad presens habitatore Aretii, et Antonio Ieronimi ser Pieri de Roggeriis aurifice, cive aretino, testibus etc. Pateat omnibus evidenter etc. qualiter ser Marchus olim Angeli Marci de Terra Nova, presbiter aretinus ac rector et eo nomine ecclesiarum Sancti Petri de Monte Iovio et Sancti Iusti de Matrignano comitatus Aretii et diocisis aretine etc., sponte et ex certa scientia et non per errorem et omni alio meliori modo, via, iure, causa et forma quibus magis, melius et validius et efficacius potuit et sibi licuit et licet, per se et suos successores etc. locavit et titulo locationis concessit etc. venerabili viro dompno Piero olim Antonii de Deis de Florentia, ad presens benemerito abbati Sancti Clementis ordinis camaldulensis, presenti et conducenti pro se et suis heredibus etc., ad affictum pro annis tribus proxime futuris, incipiendis hac presenti suprascripta die et ut sequitur feliciter finiendis, omnia et singula bona dictarum ecclesiarum ubicumque posita et existentia et iusta quecumque eorum et cuiuslibet ipsorum latera et confines etc., et pro affictu et mercede ducatorum otto auri in auro larghorum pro quolibet anno dictorum trium annorum, incipiendo primam solutionem de mense augusti proxime futuri, cum pacto etiam quod dictus dominus abbas teneatur solvere pro dicto ser Marcho et pro dictis ecclesiis et qualibet earum decimam papalem et inpositam pro studio Pisarum, casu quo dicta decima et inposita solvi debeat, et casu quo non inponeretur dicta inposita et dicta decima et non solveretur per dictum dominum abbatem, tunc et eo casu dictus dominus abbas teneatur et obligatus sit et sic promisit dicto ser Marcho, presenti, recipienti et stipulanti pro se etc., id totum et quicquid … (?) solvendum et non solveretur pro dicta decima et studii inposita et qualibet earum dare et solvere dicto ser Marcho, presenti et ut supra recipienti etc. Et casu quo dictus dominus abbas solveret aliquid plus ultra dictam decimam et inpositam pro dicto studio, inponenda ut supra vel aliqua ex causa, pro dicto ser Marcho, quod tunc et eo casu dictus dominus abbas possit et sibi licet retinere et pro se habere tantum de dicto affictu quantum solverit pro dicto ser Marcho [...]. Et sic in concordia remanserunt etc. Item quod dictus dominus abbas teneatur et obligatus sit et sic promisit dicto ser Marcho, presenti et ut supra recipienti et stipulanti, offitiari facere dictas ecclesias secundum consuetudinem dictorum locorum ad omnes ipsius domini abbatis expensis.