• 473
  recto

Type:Notarial
Language:Latin
Transcription Author: Lidia Mazzerioli
Published: yes
Publication Details: The document was published for the first time in F. F. Mancini, 'Benedetto Bonfigli. L'opera completa', Milan 1992, p. 180.

• Transcription

Eisdem millesimo, indictione, pontificatu et die XXIIII mensis augusti [net testo "augusti" depennato]. Actum Perusii in ecclesia Sancte Marie Angelorum de Perusio sita extra et prope duas portas civitatis Perusii porte Sancti Petri infra suos confines, presentibus domino Mariocto Gasparis de Boncambiis porte Heburnee, domino Ybo Alberto Bonifatii de Coppolis porte Sancti Angeli civibus Perusinis, fratre Francisco condam Antonii de Venetiis priore infrascripti conventus, fratre Bartholomeo condam Bartholomei de Bergamo, fratre Iohanne Pero condam Augostini de Bergamo, fratre Laurentio condam lacobi de Venetiis et fratre Martiale condam Thome de Pede Montium, fratribus et canonicis conmorantibus in dicta ecclesia Sancte Marie Angelorum de Perusio, testibus ad infrascripta ["a dicta testa" depennato] ab infrascripta testatrice vocatis, habitis et rogatis. Domina Gioliva uxor condam Benedicti Bonfigli pictoris de Perusio porte Sancti Petri et parochie Sancti Stephani, Dei gratia sana mente et intellectu et in bona et recta scientia constituta, licet senex et aliquantulum dogliosa, timens casum mortis, nolens intestata decedere ne post eius mortem inter aliquos de suis bonis aliqua valeat exoriri discordia, hoc presens testamentum nuncupativum quod dicitur sine scriptis in hunc modum facere procuravit et fecit, videlicet. Imprimis iudicavit et reliquit in aiutorio murorum Ferneti ordinis Minorum sancti Francisci de Monte et pro fabrica ipsorum murorum florenos viginti ad rationem XL bolonenorum pro floreno et casu quo dicti muri non fierent infra tempus duorum annorum incipiendorum a die mortis dicte testatricis illos eosdem viginti florenos reliquit et iudicavit fabrice ecclesie Sancti Francisci de Monte extra et prope Perusium porte Sancti Angeli pro anima Petrini Andree olim primi mariti dicte testatricis. Item iudicavit et reliquit florenos decem ad dictam rationem XL bolonenorum pro floreno ecclesie Sancte Marie Novelle de Perusio porte Sancti Angeli pro mille emissis dicendis et celebrandis in dicta ecclesia Sancte Marie Novelle pro anima dicti Petrini sui primi mariti. Item iudicavit et reliquit domine Ismiralde sorori carnali dicte testatricis florenos quindecim ad dictam rationem XL bolonenorum pro floreno ad hoc ut ipsa fieri faciat de eis unum paramentum pro altare in loco Monne Semone ubi illa residet. Item iudicavit et reliquit quod infrascripti eius heredes teneantur et obligati sint celebrari facere inmediate infra tempus trium mensium a die mortis dicte testatricis incipiendorum post mortem ipsius testatricis bis emissas sancti Gregorii et unum obsequium in ecclesia Sancti Francisci de Monte extra et prope Perusium porte Sancti Angeli et dare dictis fratribus pro predictis dicendis et celebrandis florenos tres ad rationem XL bolonenorum pro floreno pro anima ipsius testatricis. Item iudicavit et reliquit quod infrascripti eius heredes teneantur et obligati sint celebrari facere omni anno bis emissas sancti Gregorii et unum obsequium infra tempus novem annorum et durante tempore novem annorum omni anno dicto durante tempore incipiendis annis a die mortis dicte testatricis celebrandas et dicendas pro parte in ecclesia Sancti Francisci de Monte et pro parte in ecclesia Sancti Dominici de Perusio, et dare pro qualibet vice videlicet omni anno florenos tres ad dictam rationem XL bolonenorum pro floreno dicto durante tempore illi ecclesie ubi predicta celebrarentur pro anima Petrini et suorum mortuorum et pro animabus parentum dicte testatricis et pro anima ipsius testatricis et pro anima sororis carnalis dicte testatricis et pro animabus filiorum dicte testatricis. Item iudicavit et reliquit Vincentio ser Mathei Claudii de Perusio florenos quindecim ad dictam rationem XL bolonenorum pro floreno pro anima Petrini sui primi mariti. Item iudicavit et reliquit domine Honeste uxori olim Nicolai aurificis de Perusio florenos quindecim ad dictam rationem XL bolonenorum pro floreno pro anima Petrini sui primi mariti dicte testatricis. Item iudicavit et reliquit domine Lucretie uxori Iohannis Picinini de Perusio florenos quindecim ad dictam rationern XL bolonenorum pro floreno pro anima Petrini mariti primi dicte testatricis et ad hoc ut ipsa domina Lucretia habeat visitare dominam Ismiraldam sororem carnalem dicte testatricis. Item iudicavit et reliquit, iussit et mandavit quod restituantur et dentur floreni viginti ad rationern XL bolonenorum pro floreno Iohanni Francisco Felicis Mariocti Brunaccii de Perusio vigore relicti facti per dominam Lucretiam matrem olim dicti Felicis manu ser Benedicti ser Massarelli de Perusio. Item iudicavit et reliqui [nel testo lettera depennata] domine Mariocte filie condam Baptiste Gniangnis Andree de Perusio florenos viginti ad rationem XL bolonenorum pro floreno pro anima Petrini primi olim mariti dicti testatricis. Item iudicavit et reliquit Mariocto lohannis dicte el Lonça de Perusio florenos decem ad rationem XL bolonenorum pro floreno pro anima Petrini olim primi mariti dicte testatricis. Item indicavit et reliquit domine Bernardine uxori Antonii Ludovici Cencii de Perusio florenos decem od rationem XL bolonenorum pro floreno. Item iudicavit et reliquit Paulo funario amicho domini Baldi de Periglis florenos quatuor ad rarionem XL bolonenorum pro anima Petrini olim primi mariti dicte testatricis. Item iudicavit et reliquit Filippo Petri de castro Habadiole habitatori Perusii porte Sancti Petri florenos decem ad rationern XL bolonenorum pro floreno. Item iudicavit et reliquit ecclesie Sancte Marie Angelorum de Perusio extra et prope Perusium porte Sancti Petri florenos sex ad rationem XL bolonenorum pro floreno pro fabrica ipsius ecclesie. In omnibus autem aliis suis bonis mobilibus et inmobilibus, iuribus et actionibus et nominibus debitorum ubicumque sunt et inveniri possum et poterunt suos heredes universales monasterium et sorores, capitulum et conventum monasterii Sancti Antonii de Padua de Perusio porte Sancti Angeli instituit atque fecit. Et hec fuit et est eius ultima volunptas et suum ultimum testamentum et suorum bonorum ultima dispositio, quod et quam valere voluit iure testamenti et si iure testamenti non valeret seu non valebit saltem valeat et valere voluit iure codicillorum, donationis causa mortis et iure cuiuslibet alterius ultime volunptatis quo vel qua melius de iure valere et tenere potest et poterit, cassans, irritans et adnullans omne aliud testamentum, codicillos et ultimam volunptatem actenus per ipsam testatricem factum, factos et factam. Et hoc presens testamentum voluit ceteris aliis prevalere et tenere.