• 
  unpag

Type:Notarial
Language:Latin
Transcription Author: John Shearman
Published: yes
Publication Details: The insciption was made known for the first time by A. Bartoli, 'I monumenti antichi di Roma nei disegni degli Uffizi di Florence', VI, Florence 1922, p. 13; the present transcription is taken from J. Shearman, “Raphael in early modern sources”,I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 591-92.
Notes: Summarised by Amati, the docuemnt was fully transcribed by Shearman.

• Transcription

Die sabati xviii octobris 1522 Magister Antonius quondam magistri Pauli de Sancto Marino de Monte Feltro, sanus per Dei gratiam mente et intellectu, licet infremus [sic] corpore, sponte etc., fecit suum testamentum nuncupativum sine scriptis in modum qui sequitur: In primis animam commendat Omnipotenti Deo et eius matri gloriosae virgini Mariae, ac toti curiae celesti. Corpus suum humari voluit in ecclesia Sanctorum Celsi e Juliani de Urbe, et in loco suo, quem habet in dicta ecclesia. [...] Heredes suos universales instituit Sylvium, Alexandrum et Raphaelem filios suos legitimos et naturales, necnon ventrem Faustinae uxoris suae, si masculum pariat aequalis portionibus, si filiam, legat alimenta in domo et ducatos quadringentos de carlinis in dotem, et simile legatum facit utrique caeterarum duarum filiarum suarum, Mariae videlicet et Archangelae, volens eas cum dictis legatis contentas esse debere de omni eo quod petere possent de sua hereditate [...]. Faustinam uxorem suam, si in statu viduali manere voluerit, et quamdiu in illo manserit, relinquit tutorem et pro tempore curatorem dictorum liberorum suorum, dominamque et usufructuariam omnium bonorum suorum [...]. [...] Bartholomeo Macarelli de Urbino barbitonsori alias dicto Panicaldo pro suis benemeritis, ex terreno sibi per quondam Raphaelem de Urbine [sic] pictorem relicto, legavit cannas decem pro facienda domo et apotheca, se quas facere velit, cum onere tamen solvendi censum consuetum solvi de terreno in dicto loco. Garzonis et laborantibus suis voluit satisfieri de omni eo quod a se reperirentur restare habere. A S. D. N. declaravit habere debere ducatos ducentosseptuaginta auri, pro totidem vasis grandibus argenti factis felicis recordationis Leoni papae decimo, et etiam occassione computi finalis facti cum dicto papa Leone, et de eiusdem papae Leonis iussu et commissione subscripti per dominum Iohannem Baptistam de Aquila eius Camerarium, de quibus quidem CCLXX ducatis sede vacante R.mi D. Cardinales et in spe[ci]e R.mus dominus Armelinus Sanctae Romanae Ecclesiae Camerarius sibi satisfacere promiserunt non una sola vice. Praeterea declaravit se in alia manu esse creditorem Camerae Apostolicae operarum quas post obitum dicti papae Leonis prestitit Camerae Apostolicae in faciendis aestimationibus bonorum ascendentium ad summam vigintimillium maiorem vel minorem, prout dixit constare per quandam listam existentem penes R.dum dominum Alexandrum de Neronibus magistrum domus papae. [...] Declaravit etiam alias habuisse, ab heredibus quondam Philippi Strozii ad vendendum, certam quantitatem plattorum argentorum, et alteram quantitatem a domino Antonio Fuggaro, in quorum restitutione per errorem tres plattos ex illis sibi per dominum Antonium datis detulit ad illos de Stroziis ultra eos, quos ab eis acceperat. Et huius commissi erroris gratia est debere dicti domini Antonii in plattis tribus [...]. Tutores et pro tempore curatores instituit flliis suis in solidum una cum dicta domina Faustina, uxore sua, Lucam Antonium eiusdem dominae Faustinae fratrem canonicum Sancti Iohannis Lateranensem et dominum Petrum Antonium de Fossano, absentes tanquam presentes, ad tuendum illos et eorum bona ac jura, et faciendum omnia quae similes tutores et curatores facere possunt et debent de jure. Exequutores vero presentis testamenti fecit dominum Julium Alberinum et Felicem de la Villa, cives Romani similiter absentes et similiter in solidos [...] R.mum autem dominum Cardinalem de Medicis et Vicecancellarium elegit dictis suis liberis in singularem patronum et protectorem, supplicans eidem humiliter ut sua R.ma Paternitas dignet eosdem liberos suos cum suis bonis suscipere in suam protectionem ac illos habere commendatos, prout semper fuit benignus patronus ipsius testatoris. [...] In domo habitationis suae, presentibus lofredo de Thesiis regum supplicationum scriptore, Bartholomeo Macarelli de Urbino alias Panicaldo barbitonsore, magistro Antonio Francesca Perusino aurifice, Hieronimo Antonio de Urbino, Luccoantonio de Vannis Romano aurifice, et Iohanne Maria de Ansuinis de Camerino testibus.