• 
  unpag

Type:Notarial
Language:Latin
Transcription Author: John Shearman
Published: yes
Publication Details: The document was first discovered by J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 685-689.

• Transcription

In nomine Domini, amen. Anno ab eius Nativitate M.o D.o xxi.o, indictione VIIII.a, tempore pontificatus S. D. N. D.ni Leonis Papa x.mi, die vero jovis, VI.a junii, in civitate Urbini in apotecha sive fundico Francisci et Cristofori de Buffis de Urbino, sita in burgo Plani Mercatorum iuxta stratam publicam et domos Fraternitatis Sancte Marie de Misericordia et alia lattera. Presentibus ibidem Ser Perantonio olim domini Antonii de Romeriis [Ranieriis?], Evangelista Lodovicii Nannis et Ser Matheo Ser Tome de Oddis, omnibus de Urbino testibus, ad hec infrascripta habitis, vocatis et rogatis: Johannes Baptista quondam Antonii Bartholi Vagnini de Urbino videlicet tanquam procurator et procuratorio nomine venerabilis viri domini Hieronymi eius fratris, rectoris et prioris ecclesie et prioratus Sancti Sergii de Urbino, et heredis olim donne Margarite sue matris, filie olim Sanctis Peruzoli de Colburdolo ab intestato [etc. pro quo et de rato et rati habitione promisit per solempnem stipulationem etc.] habens [tamen] et se habere dicens et asserens a dicto domino Hieronymo ad instantia plenum et suficiens mandatum manu domini Affricani Sonoroli [sic] de Faventia, publici notarii in Romana Curia, sub die quarta decembris 1520, a me notario infrascripto viso et lecto, et quod penes me notarium dimisit in instrumento pro quo domino Hieronymo etiam de rato et rati habitione promisit per solempnem scriptam, videlicet quod dictus dominus Hieronymus habebit semper et omni tempore ratum et firmam partem contemtum etiam si non veniet et quod ad omnem requisitionem infra scriptorum rectorum et eorum sindici ratificabit et approbabit absque aliquo alio ei dando vel solvendo etc, alias de suo confermare promisit sub pena infrascripta etc., omni meliori modo etc., fecit rectoribus fraternitatis Sancte Marie Misericordie de Urbino et Benedetto olim Francisci de Becchis de Florentia, sindico et procuratori dictorum rectorum et fraternitatis, et mihi notario tamquam publice persone stipulantibus et recipientibus, nomine et vice dictorum rectorum, heredum ex fideicomisso et testamento olim Johannis fili dicti Sanctis et heredis, nec non heredum et subcessorum olim Rafaelis fili dicti olim Johannis, et dictis heredibus videlicet Augustino olim Baptiste Nicolai Ciarle, heredi pro quarta parte, et Johanni Baptiste et Johanni Francisco olim Simonis Baptiste predicti pro alia quarta parte, et Rodulfo olim Johannis Luce de Urbino pro alia quarta parte, et donne Madalene uxori Francisci Johannis Luce predicti, heredi pro alia quarta parte dicti olim Rafaelis, et pro predictis et heredibus eorum presentibus et acceptantibus etc., et cuiuslibet eorum finem, quietationem, remissionem, liberationem et pactum proprium de ulterius aliquid non petendo, de florenis decem relictis per dictum Sanctem in suo ultimo testamento et ultima voluntate dicte olim domine Margarite eius filie. Item, de florenis trigintaquinque de summa septuaginta rellictorum per eundem Sanctem ut supra olim domino Bartholomeo filio dicti olim Sanctis, et pro omni eo quod pettere posset pro legiptime et suplemento etc. Item, de duobus petiis terre dicti olim Sanctis emphyteoticis, una dicte ecclesie et prioratus Sancti Sergii, altera ecclesie Sancte Marie de Valle Cellepetre, et de omni eo et toto predicto domino Hieronymo deberetur de dictis terris emphyteoticis et eorum occaxione, vigore concessionum in emphytheosim factam dicto Sancti pro se et filiis et nepotibus etc. Item, de florenis centum relictis per dictum olim Johannem dicto domini Hieronymo ad vitam tamen dicti domini Hieronymi, post eius mortem, recasuris dictis rectoribus. Item, de dictis heredibus dicti olim Rafaelis ut supra stipulantibus de florenis xxv relictis per donnam Sanctam filiam olim dicti Sanctis dicto domino Hieronymo eius nepoti ut asseruit, et de omni eo et toto quod dicto domino Hieronymo deberetur et petere posset a predictis heredibus ut supra ex causis predictis, liberans et absolvens dictos heredes et eorum res et bona per Acquilianam stipulationem precedentem et acceptilationem subsequentem legiptimam et solempniter interpositam et per omnem alium meliorem modum ad liberandum, cassans, irritans et annullans omnia instrumenta, testamenta et omnes et singulas scripturas per quo [sic] seu quas appareret seu apparere posset dictos rectores heredes predictos et dictos heredes Rafaelis ad dictas quantitates teneri dicto domino Hieronymo singula singulis ut supra referendo et pro liberatis, cassis, irritis et nullis haberi voluit et mandavit. Et insuper dedit, cessit et concessit predictis et mihi notarii ut supra stipulanti omnia et singula jura et actiones reales et personales, utiles, directas, civiles et mistas et alias quascunque que et quas dictus dominus Hieronymus habet et habebat vel habere posset, quia predictos heredes vel ipsorum aliquem, et in dictis bonis seu ad dicta bona causis et rationibus predictis et aliis quibuscunque. Constituens predictos heredes ut supra presentes et acceptantes procuratores tamquam in suo favori ponensque ipsos in locum suum dicto nomine et dicti domini Hieronymi. Ita pro alio modo actionibus finibusque predictis et aliis possit et valeant agere, exponeri, consequire et se et dicta bona defendere vel mei a quibuscumque et quia quandocumque parescens quod nulli alii cesset jure predicta etsi contractum apponeret, promisit de suo confermare et dictos heredes indempnos conservare etc. Et hoc fecit ex certa scientia et pro florenis ducentis sibi datis et conditis de pretio domus dictorum heredum Rafaelis, posite in civitate Urbini in Quatra Episcopatus impendigio Sancti Sergii, iuxta stratam publicam et domum fraternitatis Sancti Spiritus et aliam domum heredum dicti olim Johannis, vendite Tome olim Andree Gingi de Sancto Donato per dictos heredes Rafaelis hodie, manu Ser Mathei Ser Thome de Oddis. Et quos confessus fuit habuisse a predictis heredibus Rafaelis, et pro ipsis a Thoma predicto, animo tamen rehabendi a dictis rectoribus seu conpensandi pro dictis centum, et pro reliquis vel parte et prout fuerit actum inter eos etc., recipientis etc., dicte quantitatis ducentorum florenorum ut supra non habite et non recepte etc., que dictorum ducentorum florenorum non numeratorum, speique futurum solutionis et numerationis de alioque mali conditioni mediocri sive causa nefactum actioni fictionis et simulationis [...]. Hoc acto quasi ullo unquam tempore appareret fuisse per dictum Johannem seu Rafaelem satisfactum dicto domino Bartholomeo de dictis septuaginta florenis; et de decem relictis dote Margarite pro sue salvum ius repetendi intotum vel pro parte ex pacto intra dictos contractos solempni supra nullato etc. Quam quidem quietationem, cessionem et omnia et singula supra scripta dicta promisit [etc.]. [segue una lunga parte cancellata, sostituita da note a margine:] 1533 die v.a decembris, Urbini, in apotheca Lodovici Anibalis et fratruum sita in loco Plani Mercatorum [...], presentibus dicto Lodovico Anibalis sellaio et Hieronymo Onesti de Urbino testibus etc. Benedictus sindicus et procurator dictorum rectorum et fraternitatis dicto nomine fecit donno Bartholomeo Antonii Bartholi Vagnini et mihi notario presentibus, stipulantibus et receptientibus, pro ipse et Johanne Baptista eius fratre et eorum heredibus, finem et quietationem et de dicta quantitate florenorum centum cassans etc., liberans etc. [...] Et ego Vincentius de Ser Augustini Ser Simonis de Vannis de Urbino, publicus apostolica auctoritate notarius, presentibus omnibus et singulis, presens interfui et ea rogatus scribere scripsi et publicavi, signumque meum consuetum apposui.