• 
  unpag

Type:Notarial
Language:Latin
Transcription Author: John Shearman
Published: yes
Publication Details: The document was first discovered by J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 689-90.

• Transcription

[la data, il luogo e i testimoni sono quelli del documento precedente] Cum aliqualis [sic] controversia fuerit inter rectores fraternitatis Sancte Marie de Misericordia de Urbino ex una parte et dictos heredes dicti olim Rafaelis Johannis Sanctis ex altera, occaxione restitutionis fideicomissi ex testamento et ultima voluntate olim Johannis Sanctis de Urbino restituendi dictis rectoribus per dictos heredes dicti olim Rafaelis. Volentes dicte partes in concordiam devenire ex compromissa et ex ea dependentibus consentientibus et emergentibus venerint ad hanc transactionem et concordiam [...], videlicet Benedictus Francisci de Bechis de Florentia, sindicus dicte fraternitatis ex una parte, et dictus Augustinus Baptiste et Johannes Baptista Simonis Baptiste predicti suo nomine et vice et nomine Johannis Francisci sui fratris, pro quo de rato et rati habitione promixit [...] Johannes Franciscus ratificabit [...], Rodulphus Johannis Luce et donna Magdalena filia dicti olim Baptiste et uxor Francisci Johanis Luce predicti, cum presentia, verbo et licentia dicti Francisci sui viri presentis et consentientis [...]. Quod dictis rectoribus de dictis bonis dicti olim Johannis debeantur et solvi debeant floreni quatricenti [sic] septuaginta unus, cum onere tum solutionis partis, videlicet dimidie septuaginta florenorum. Item, decem florenorum in alia manu, videlicet septuaginta pro relicto facto dicto domino Bartholomeo et decem pro relicto facto domine Margarite filie dicti olim Sanctis. Item, quadraginta sex pro liberatione duorum petiorum terre emphyteoticorum a domino Hieronymo nepote dicti olim Sanctis et ultimo de linea, ad comodum heredum dicti Rafaelis, quibus dicte res emphyteotice relaxantur et pro dicta quantitate dicti rectores et eorum et dicte fraternitatis sindicus liberent et absolvant dictos heredes dicti olim Rafaelis et bona hereditaria quecumque dicti olim Johannis mobilia et immobilia [etc., si comprendono disposizioni per il pagamento]. Et hoc acto et declarato quod solutio dictorum ducentorum octaginta florenorum fiat et facta intelligatur nomine omnium heredum dicti Rafaelis et ipsorum cuiuslibet pro rata et pro dictis Madalene et Francisco fecit recompensatio, in et de bonis hereditariis hereditatis predictis prout concordes fuerint inter eos heredes. [etc.] [controfirmato da] Vincenzo di Agostino di Simone Vanni.