• 3
  recto

Type:Notarial
Language:Latin
Transcription Author: John Shearman
Published: yes
Publication Details: The document was first discovered by J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 691-92.
Notes: The document appears on the following folios: c. 3r-v.

• Transcription

In nomine Domini, amen. Anno ab eius Nativitate M.O CCCCCXXI, inditione VIIII, tempore pontificatus D. Leonis Pape x.mi, die jovis VI.a junii, actum in civitate Urbini in fundico Francisci et Christofori de Buffis de Urbino, in burgo Piani Mercatis iuxta stratam publicam et bona fraternitatis Sancte Marie de Misericordia et alia lattera, presentibus Evangelista Lodovici Nannis, Hieronimo de Bartholinis et Perantonio [spazio bianco] alias Paparello de Urbino testibus, ad haec vocatis, habitis et rogatis etc. Donna Magdalena, filia olim Baptiste Nicolai Ciarlae et uxor Francisci Johannis Lucae de Urbino, cum presentia, verbo et licentia dicti Francisci sui viri presentis et consentientis, existens debitrix Johannis Baptiste et Johannis Francisci olim Simonis Baptiste Ciarle de Urbino in quantitate infrascripta, vigore et ex causa divisionis bonorum hereditatis olim Rafaelis olim Johannis Sanctis, pro adictione et adequatione partium, de qua divisione patet supra instrumentum dicta die manu mei notarii etc., et dictus Franciscus eius vir cum ea et quilibet ipsorum in sollidum per se et eorum heredes, promiserunt dicto Johanni Baptiste, et me notario ut publice persone stipulanti et recipienti pro ipso Johanne Baptista et Johanne Francisco et eorum heredibus, dare, solvere et numerare florenos triginta septem cum dimidio pro residuo florenorum ottuaginta septem cum dimidio ex adictione et parte debita ut supra etc., hinc ad festum Natali D. N. Jesu Christi proxime futurum, et abinde in postea ad omnem dictorum Johannis Baptiste et Johannis Francisci petitionem et terminum. Et de dicta quantitate florenorum XXXVII cum dimidio dictis Johanni Baptiste et Johanni Francisco et me notario ut supra stipulanti promixerunt facere veram solutionem hic in civitate Urbini, Calii, Eugubii, et alibi ubique locorum ubi inventi fuerint, et dicta quantitas ab eis vel eorum altero in solidum ut supra petita fuerit per dictos creditores seu eorum alteros seu alios eorum nomine. [...] Pro quibus Franciscus de Buffis de Urbino per se et suos heredes, sciens se non teneri sed tamen velle etc., se cum dictis do[minis] Magdalena et Francisco in solidum obligavit, et ipsis non solventibus in termino predicto dictam quantitatem termino predicto elapso, solvere et numerare promixit de suis propriis pecuniis dicto Johanni Baptiste et me notario ut supra stipulanti et recipienti, obligando se in omnibus et per omnia prout supra in dicto proxime instrumento apparet. Et voluit se posse cogi ad dictam solutionem absque aliqua excusatione etc. Et ita promissit etc., juravit solemniter etc., renumptiavit etc., obligando se et sua bona omnia presentia et futura etc. Et ego Vincentius quondam Ser Augustini Ser Simonis de Vannis de Urbino et de quadra Posterula, publicus appostolica autoritate notarius, predictis omnibus et singulis presens interfui et ea rogatus scribere scripsi et publicavi, signumque meum consuetum apposuit. M.O CCCCCXXI, die vero XVI junii, supra dictum instrumentum present[at]um fuit registro per partem, et dicta die registrum fuit per me fideliter.