• 610
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p. 270 (previously partially edited in W. Bombe, 'Geschichte der peruginer Malarei bis zu Perugino und Pinturicchio', Berlin, 1912, P. 386).

• Transcription

Eodem Millesimo, die XXVII Septembris. Actum Perusiae, in audientia Artis Calzolariorum, sita in capite Plateae magnae. Mag. Petrus Cristofori de Castro Plebis, civis perusinus, fecit finem, refutationem, et pactum de ulterius aliquid non petendo Leonello Angeli Ser Venturini de Perusio, P. S. A., et mihi Notario infrascripto, stipulanti et recipienti pro fratre Petro de Castello, Ord. Min. de Observantia S. Francisci, de ducatis settem auri larghis, dicto Mag. Petro debitis, pro pretio et eius mercede unius quatri, per ipsum Mag. Petrum picti ad requisitionem ipsius Fratris Petri, prout de locatione dictae, et procuratione et promissione patet, ut dixit Mag. Petrus, in quadam scripta desuper celebrata super dicto quatro [...] Et hoc fecit dictus Mag. Petrus quia fuit confessus et contentus, dicta settem ducata habuisse et recepisse; et dixit quod habuit et recepit hoc modo, videlicet: ducatum unum in contanti, et florenus unus in panno, et in contanti ducatorum quinque et solidorum sexaginta octo sub praesenti die, millesimo, etc.; et predicto fratri Petro, et dicto Leonello, solventibus de suo proprio, animo rehabendi a dicto Fratre Petro [...] cum hoc pacto et conditione, quod quomodocumque apparuerit, quod dictus Mag. Petrus non pinxisset dictum quatrum iuxta formam quae dictis scriptis continetur, et obligatus sit, sive pingni iuxta conventionem et formam in ipsa scripta designatam, sive restituere pro rata per annum prefatum.