• 
  unpag

Type:Notarial
Language:Latin
Transcription Author: John Shearman
Published: yes
Publication Details: The document was first discovered by J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 694-97.

• Transcription

Supradictis millesimo, indictione, pontificatus et die ac loco, presentibus testibus, Augustino olim Baptiste Nicolai Ciarle de Urbino, heres pro quarta parte quondam Rafaelis Johannis Sanctis de Urbino, suo proprio nomine ex una et Johannes Baptista olim Simonis Baptiste predicti, suo nomine proprio et vice et nomine Jo[hannis] Francisci eius fratris, pro quo de rato promixit etc., alias etc., ut heres una cum dicto Johanne Francisco eius fratre dicti olim Rafaelis pro alia quarta parte, mediante propria dicti Simonis patris ex altera et Rodulphus quondam Johannis Luce de Urbino, suo nomine proprio, ut heres pro altra quarta parte dicti olim Rafaelis et domina Magdalena filia olim Baptiste Nicolai predicti et uxore Francisci Johannis Luce predicti, cum presentia, verbo et licentia dicti Francisci eius viri, et heres pro relliqua quarta parte ex alia, volentes dividere bona hereditaria hereditatis predicti olim Rafaelis existentia in civitate Urbini in civitate Urbini [sic] et eius districtu et comitatu, et ad dictam divisionem convenientes, fecerunt de bonis et rebus dicti olim Rafaelis stabilibus predictis tres partes cum onere satisfactionis fiende dictis Johanni Baptiste et Johanni Francisco de eorum rata et parte et eorum bonorum stabilium in pecunia numerata. Et sic in prima parte dictorum trium partium posuerunt, et se ponere dixerunt et declaraverunt, imprimis unam domum positam in civitate Urbini in quadra Episcopatus in pendigiis Sancti Sergii, iuxta stratam publicam unam, ab alio et bona Tome Andree Gingii de Sancto Donato pro alia domo de dictorum heredum et bona Ser Mathei Ser Tome de Oddis, et bona fraternitatis Sancti Spiritus et alia latera, pro extimatione concordialiter facta florenorum trecentorum triginta. Item, unam possessionem terre culte et vineate, cum domo in ea existente, in curte civitatis in [loco] vocato Varee iuxta viam, a tribus lattera bona filiorum et heredum Ser Agapiti, pro extimatione florenorum ducentorum septuaginta. Quam partem declaraverunt assignandam fore dicte domine Magdalene pro rata sibi debita de dictis bonis, hoc est pro florenis centum nonagintaseptem cum dimidio, et cum onere solutionis trigintaquinque florenorum Rodulpho predicto pro adequatione partium. Item, florenorum ducentorum octuaginta rectoribus fraternitatis Sancte Marie de Misericordia creditoribus dictorum heredum et hereditatis olim Johannis patris dicti Rafaelis, ex fideicomisso in testamento et prout in instrumento transactionis infrascriptis parte etc. Item, florenorum octuagintaseptem cum dimidio Jo[hanni] Baptiste et Johanni Francisco predictis pro parte eorum rate dictorum bonorum dicti hereditatis Rafaelis sibi assignandi in pecunia numerata ut supra, quam partem dicta domina Magdalena cum consensu dicti Francisci sui viri accepit et acceptavit cum oneribus predicte solutionis et satifactionis predicte. In alia vero parte secunda dictorum trium partium posuerunt, et se ponere dixerunt et declaraverunt, unam possessionem terre culte vineate, cometate et prative posita in curte dicte civitatis in loco vocato Varee, iuxta viam publicam a duobus, bona Jacobi Lani alias el Maza de Urbino, bona Francisci Amectii de Urbino et bona filiorum olim Tome Laurentii de Spello, sine aliis latteribus, quam partem assignaverunt dicto Augustino pro rata sibi tangente de distributionis dicte hereditatis, ad summam centumnonagintaseptem cum dimidio, et cum onere solutionis centum duorum florenorum cum dimidio Rodulpho predicto pro adequatione partium. Item, septuaginta florenorum dictis Johanni Baptiste et Johanni Francisci, et sic in totum dictam possessionem assignaverunt dicto Augustino, cum onere sive oneribus predictis, pro florenis trecentorum septuaginta, et quam dictus Augustinus de voluntate aliorum partium, cum oneribus predictis, pro se et sua parte acceptavit et de ea se tacitum et contentum dixit de consensu aliorum predictorum. In relliquio vero 3.a parte posuerunt et se ponere declaraverunt petium terre culte olivate et arborate in curte de Colburdoli in [loco] vocato de l’Olmeto sine alio iuxta viam a duobus, bona heredum Tome Georgii et alia lattere, cum adictionibus predictis, centumduorum florenorum cum dimidio solvendorum per dictum Augustinum, et trigintaquinque florenorum solvendorum per dictum Franciscum, pro sua parte bonorum predictorum ascendente ad summam florenorum centumnonagintaseptem cum dimidio, suplenda ex adictionibus predictis, quam partem seu quam rem cum adictionibus predictis declaraverunt esse dicti Rodulphi, et sic sponte dictus Rodulfus cum adictionibus predictis accepit et acceptavit cum consensu dictorum aliorum partium. In parte vero relliqua assignanda in pecunia numerata ad summam predictam florenorum centumnonagintaseptem cum dimidio posuerunt et se ponere declaraverunt creditum quodam habent cum Augustino predicto, videlicet florenorum septuaginta. Item, florenorum octuagintaseptem cum dimidio cum domina Magdalena predicta. Item, et per suplemento quadraginta florenos de pretio domus vendite dicto Tome Andree de Sancto Donato iam habitos a dicto Toma, prout dictus Johannes Baptista confessus fuit suo nomine et fratris et pariter pro dictis septuaginta de quibus confessus fuit suo nomine et fratris cum provisione de rato per [sic] eo etc., habuisse dicto Augustino florenos viginti; et residuum, hoc est quinquaginta exconputatos de credito sive parte crediti dicti Augustini cum filiis et heredibus dicti Simonis, ut dixerunt constare manu Ser Mathei Geni, quam partem declaraverunt esse dictorum filiorum et heredum dicti olim Simonis, et illam dictum Johannem Baptistam dictis nominibus et cum provisione de rata ut supra acceptavit et accepit et de ea se tacitum et contentum dixit, cum consensu dictorum aliorum partium etc. Dantes, cedentes et concedentes dicte partes ad invicem una alteri et altera alteri et aliis omne jura et actiones reales [etc.: tutte le parti danno il proprio consenso]. Postquam incontinenti partibus predictis testibus, Augustinus predictus, existens debitor ex dicta divisione Rodulphi predicti in florenis centumduobus cum dimidio, promixit per se et suos heredes dicto Rodulpho stipulanti per se et eius heredes dictam quantitatem sibi dare et solvere ad omnem Rodulphi petitionem ultimam et de ea promixit facere integram solutionem. [...] Domina Magdalena predicta, cum presentia et consensu dicti Francisci sui viri presentis et consentientis etc., se existens debitrix Johannis Baptiste et Johannis Francisci predictorum et dictus Franciscus cum ea et quilibet ipsorum in sollidum, per se et eorum heredes etc., promixerunt dicto Johanni Baptiste prout supra et recepti per se et dicto Johanne Francisco [etc.: tutte le parti promettono di aderire agli accordi]. Pro quibus Franciscus de Buffis se obligavit in sollidum cum dictis domina Magdalena et Francisco etc [testimoni garanti per la propria parte]. [controfirmato da] Vincenzo di Ser Agostino Ser Simonis de Vannis de Urbino.