• 4
  recto

Type:Notarial
Language:Italian/Latin
Transcription Author: John Shearman
Published: yes
Publication Details: The document was first discovered by G. Amati, “ Antonio da San Marino”, in “Il Buonarroti” NS I (V, 1866), p. 101; the present transcription is taken from J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 755-58.
Notes: The document appears on the following folios: cc. 4r-6r.

• Transcription

Die decimatertia julii 1523. Cum sit quod quondam Raphael de Urbino habuerit a d[omi]no Leonardo de Bartholinis, cive Florentinorum, quoddam situm sive terrenum positum in regione Pontis prope ecclesiam nationis sive societatis Florentinor[u]m, cui undique, scilicet a tribus partibus, sunt vie publice; et ex illo centum cannas domino Joanni Antonio Battiferro, et residuum quondam magistro Antonio de Sancto Marino aurifici relinquerit et legaverit, prout in instrumento testamenti per dictum quondam Raphaelem facto latius dicitur contineri, dictum situm sive terrenum, mortuo dicto Raphaele, per dictos Joannem Antonium Battiferrum et Antonium de Sanmarino aurificem legatarios, et eodem Anthonio ab humanis exempto, per heredes eiusdem infrascriptos indivisum et pro indiviso habitum et possessum hactenus fuerit sub proprietate et d[i]recto dominio ecclesie sive capituli Sancti Petri de Urbe, sub censu sive annua responsione ducatorum sexaginta auri de camera, de juliis decem pro ducato. Hinc est quod anno a nativitate Domini millesimo quingentesimo vigesimotertio, inditione undecima, die vero decimatertia mensis julii, pontificatus sanctissimi in Christo patris et domini nostri domini Adriani divina providentia pape sexti anno primo, in mei notarii testiumque infrascriptorum ad hoc separatim vocatorum et rogatorum presentia constituti, dictus dominus Joannes Antonius Battiferrus ex una, et nobilis Faustina uxor relicta dicti quondam magistri Anthonii, mater, tutrix et pro tempore curatrix et gubernatrix Silvii, Alexandri et Raphaelis de Sancto Marino filiorum et heredum dicti quondam magistri Antonii, et dominus Felix de Villa causarum procurato, testamentarius executor voluntatis ac dispositionis dicti quondam Antonii, dictorumque heredum actor sive curator [...] et venerabilis vir dominus Lucas Anthonius de Federicis canonicus Lateranensis ipsorum heredum, ut dicitur, tutor sive curator [...] ratificabunt et approbabunt partibus ex alte[r]a, volentes ad divisionem dicti siti sive terreni per eos hactenus pro indiviso tenuti et possessi devenire, [...] illudque diviserunt in modum infrascriptum, videlicet affermantes ipsi contrahentes terrenum sive situm huiusmodi de eorum consensu et voluntate proxime preteritis diebus per nobilem virum dominum Julium de Alberinis civem Romanum, per eos comuniter electum, divisum fuisse per appositionem fili in medio ipsius terreni de alto in bassum, videlicet ab oriente in occidentem et de occidente in orientem [et] de largo in longum factam de novo, quatenus opus est modo et forma predictis et prout et quemadmodum per eumdem dominum Julium divisum fuit, diviserunt ita et taliter quod pars siti et terreni huiusmodi versus septentrionem et ecclesiam et domos nationis Florentinorum, heredum quondam domini Aloysii Gibralorum et Laurentii de Parentis existens, ad eosdem heredes quondam Antonii de Sanmarino, abinde in antea, jure proprio sit et existat ac pleno jure pertineat et spectat. Reliqua vero pars siti et terreni predicti existens versus meridiem et prope domos Violantis de Maximis, abinde in antea, pleno jure et in perpetuum sit et existat eiusdem domini Joannis Antonii et cum eundem pleno jure pertineat et spectat, quidem pars [?] Joannis Antoniii iuxta dictum designum et divisionem per dictum Julium de Alberinis factum est. [...] Acta fuerunt hec Rome in regione Pontis in aula domus habitationis dicte domine Faustine, presentibus ibidem providis viris Lamberto de Fossano quondam Ioannis Acribi calcetario de Mediolano et Gualbertino Ioannis Anthonii de Caravagio etiam calcetario testibus.