• 44
  recto

Type:Other text
Language:Latin
Transcription Author: John Shearman
Published: yes
Publication Details: The document was first discovered by C. Ricci, “Appunti and documenti Raffaelleschi”, in “Rassegna marchigiana per le arti figurative, le bellezze naturali, la musica”, II, 1923-24, pp. 230-32; the present transcription is taken from J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 803-05.
Notes: The year 1525 was suggested by Shearman. The reference is at fol. 44r-v.

• Transcription

[a margine: Erectio] Beatissime Pater. Exponitur Sanctitati Vestre, pro parte devoti illius oratoris Balthasaris de Piscia Sanctitatis Vestre ac Sedis Apostolice notarii secretarii et familiaris, unice executoris testamenti seu ultimi voluntatis quondam Raphaelis de Urbino, felicis recordationis Leonis pape decimi Sanctitatis Vestre predecessoris dum viveret pictoris, seu eidem Leoni pape in arte picture tunc servientis, quod idem Raphael tunc in humanis agens et condens de bonis sibi a Deo collatis in eius ultima voluntate testamentum, cupiensque terrena in celestia et transitoria in eterna felici commercio com[m]utare. Inter alia in ecclesia Beate Marie Rotunde de Urbe in qua sepulturam eligerat, unam capellam et sibi sepulturam fieri et fabricari voluit et mandavit, ac mille quingentos ducatos auri pro illarum constructione ac alios sexcentos ducatos similes convertendos in bona stabilia pro dote et in dotem dictae capelle legavit et jure legati reliquit, cum onere celebrationis unius misse singulis ebdomadis perpetuo in remissionem peccatorum suorum; ac voluit ipse devotus Sanctitatis Vestre orator Jeronimus Vagnini, clericus Urbinatensis civitatis vel diocesis, ipsius Raphaelis affinis, quoad viveret eiusdem capelle capellanis existeret, post eius obitum dicta capella prefati Leonis pape et Sedis Apostolice dispensatione remaneret, prefato Balthasari oratori cum quibusdam aliis tunc expressis et praesertim premortuis per eundem Raphaelem executoribus in solidum ad hoc deputatis, prout in testamento seu ultima voluntate huiusmodi et instrumentis de supra confectis, quorum tenores etc. plenius continetur. Cum autem, Pater Sancte, Balthasar, executor et orator prefatus, capellam cum sepultura huiusmodi construi et edificari procuraverit et pro dote ipsius capelle nonnulla bona stabilia in dicta urbe iam emerit, et prefatus Jeronimus, prefati Raphaelis affinis, summam centum ducatorum auri similium in similia bona stabilia convertendorum pro dicte capelle uberiori dote, et illius capellani pro tempore existentis commodiori sustentatione et portione, cum onere missam quotidie singulis ebdomadis alternatim celebrandi in dicta ecclesia, et in augmentum cultu divini serviendo in choro eiusdem ecclesie, prout alii eius capellani celebrant et serviunt, dare et assignare, seu dotem capelle huiusmodi in aliis ducentis ducatis similibus augere, paratus existat dummodo eidem Jeronimo juspatronatus et presentandi capellanum capelle huiusmodi dum pro tempore vacat reservetur, cupiatque tam Balthasar executor quam Jeronimus capellanus, prefati, capellaniam predictam pro uno capellano, qui missas huiusmodi iuxta testatoris et Jeronimi voluntatem celebrare teneatur, auctoritate apostolica eligi et institui, ac tam sexcentos per testatorem relictos seu bona pro illis empta, que ducentum ducatos huiusmodi prefatum Jeronimum dandos et consignandos eidem capelle, pro illius doti et ipsius capellani sustentatione, perpetuo aplicari et apropriari ac juspatronatus nominandi seu presentandi personam idoneam ad eandem capellaniam, dum eam perpetuis futuris temporibus deinceps vacare contigerit, prefato Jeronimo perpetuo reservari, concedi et assignari. Supplica[n]t humiliter Sanctitati vestre dicti oratores quatenus unam capellaniam in capella predicta pro uno perpetuo capellano qui inibi singulis ebdomadis dictas missas, tam pro Raphaele quam Jeronimo postquam ab hac luce migraverit, ac eorum parentum et consanguineorum animarum salute + perpetuis futuris temporibus celebrare, et in choro dicte ecclesie prout alii illius capellani celebrant et serviunt, servire teneantur, erigere et instituere etc. eidem capelle pro eius dote, et capellani huiusmodi + congrua sustentatione, sexcentum seu bona pro illis, ut prefertui empta et ducentorum ducatorum huiusmodi in emptionem bonorum stabilium, ut prefertur, convertendum perpetuo applicare et appropriare, et nihilominus capellaniam predictam cuius fructus etc. triginta ducatorum auri de Camera secundum comunem extimationem valorem annuum non excedunt, ad [recte: ab] huiusmodi primeva erectione vacantem eidem Jeronimo conferre et de illa etiam providere, necnon etiam eidem Jeronimo juspatronatus et presentandi personam idoneam ad eamdem capellam, dum illam in futurum perpetuis futuris temporibus etiam in Romana curia vacare contigerit, perpetuo reservare, concedere et assignare dignemini de gratia speciali, non obstantibus premissis ac constitutionibus et ordinationibus apostolicis ac statutis dicte ecclesie etiam juramento etc., roboratis ceterisque contrariis quibuscumque, cum clausulis oportunis et consuetis. Fiat ut petitur. J. Et cum absolutione a censuris ad effectum etc. pro utroque et quod obstantie Jeronimi oratoris habeantur pro expressis seu exprimi possint et cum clausula quamcumque generalem reservationem importante ex quavis causa in litteris dispositive exprimenda et de erectione, institutione, aplicatione, aprobatione ad vitam dicti leronimi dumtaxat et postquam auxerit ut supra jurispatronatus reservatione collatione ac provisione predictis in forma grossa et ad perpetuam rei memoriam, et cum derogatione quorumcunque privilegiorum et indultorum et statutorum et consuetudinum dicte ecclesie aliorumque contrariorum quorumcunque latissime extendenda, et quod premissorum omnium et singulorum et tenoris testamenti seu ultime voluntatis et instrumentorum predictorum aliorumque circa premissa necessariorum maior et verior specificatio fieri possit in litteris et de erectione sine preiudicio. Fiat J. Datum Rome apud Sanctum Petrum, duodecimo kalendas decembris, anno secundo.