• 445
  page

Type:Notarial
Language:Latin
Transcription Author: John Shearman
Published: yes
Publication Details: The document was first discovered by E. Müntz, “L'orfèvrerie romaine de la Renaissance”, in “Gazette des Beaux-Arts” 2ème ,Pér XXVII, Paris 1883, p. 502; the present transcription is taken from J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, p. 191-95.
Notes: The document appears on the following folios: cc. 445-447.

• Transcription

[sul foglio di copertina] In nomine Domini, amen. Giustificationi dello stato del canone o casa nel cantone attaccato alla chiesa spettante a nostra Università hoggi segnata con lapide di nostra Università al numero 2. In nomine Domini, amen. Anno Domini millesimo quingentesimo decimo quarto, indiction III.a, die vero sexta mensis decembris, pontificatus sanctissimi in Christo patris et domini nostri domini Leonis divina providentia papae decimi anno secundo. Cum fuerit et sit, quod de anno presenti et diebus proxime praeteritis, magnifici et nobiles viri dominus Marius de Mellinis et Raphael de Casalibus, Magistri stratarum et edificiorum aliorumque locorum publicorum almae Urbis, pro dirigenda quaedam via sita in regione Arenulae, quae est inter venerabilem ecclesiam S. Andreae in lazarena et domum egregii viri domini Bernardi Mocari, per directum usque ad flumen Tiberis, auctoritate eorum officii, dirui et demoliri fecerint et mandaverint inter cetera quamdam domum existentem in capite dictae viae versus fiumen Tiberis sitam, sub proprietate et solo venerabilis ecclesiae et monasterii Sanctae Aurae, et quam jure emphitheotico habebat et pos[s]idebat providus vir magister Paulus de Bioiis de Vedano murator, in qua quidem domo praefatus magister Paulus, prout occulata fide apparebat, exposuerat in illius reparatione et melioramentis magnam pecuniarum quantitatem summarum ducentorum ducatorum excedentem, nec non certam partem ecclesiae venerabilis Societatis et Universitatis Aurifabrorum de Urbe, cum certo petio soli seu horti eiusdem Societatis diruto, situm et solum ipsum in viam publicam redactum aquumque [recte ubicumque] esse videa [tur], ut dicto magistro Paulo, quam dictae Universitati de huiusmodi damno et demolitioni satisfieri debeat, cum locus ipse, ubi domus dicti magistri Pauli erat, reductus et sit seu reduci debeat in viam publicam; dictique domini Magistri, in recompensam dicti loci, ubi domus ipsa erat, eidem monasterio et ecclesiae Sanctae Aurae dederit certum petium soli existentem in angulo ubi prius erat via antiqua versus hortum ipsius monasterii. Et cum praefati domini Magistri stratarum soleant et debeant potius damna huiusmodi ex publico resarcire quam de privatis collettis vicinorum ubi comoditas praeest, idcirco, personaliter constitutus in praesentia mei magistri [Stefani de Amphoris] et testium infrascriptorum ad haec specialiter vocatorum et rogatorum, praefatus dominus Raphael, unus ex dictis Magistris, pro se ac vice et nomine dicti domini Mani eius collegae, pro quo et quoad infrascriptas venditionem et concessionem quatenus opus sit de rato et ratihabitione in forma iuris valida et consueta, promisit penes et apud infrascriptos magistros . . . et Universitate respective absen[tem] et magistrum Sebastianum praesentem et pro se et dicto magistro Joanne Petro et Universitate respective recipientibus et stipulantibus, asserens etiam dictus dominus Raphael habere ratum a dicto domino Mario eius collega quoad dictas et infrascriptas venditionem et concessionem fiendas auctoritate eorum officii, sponte [etc.] vendidit [etc.], cessit et concessit, tradidit, transtulit et mandavit supradictis providis viris magistris Johanne Petro Crivello, licet absenti, et Sebastiano quondam magistri Joannis Romano civi, aurificibus de regione Pontis presenti, ementi, acceptanti et legitime stipulanti [...], idest quod dictum petium soli seu terreni publici existentis ante dictam viam directam, in loco ubi prius erat via antiqua, longitudinis decem cannarum in faciem dictae viae noviter directae, cui solo ab uno latere versus viam novam Sancti Blasii sit dictum solum concessum, seu in recompensam datum praefatae ecclesiae et monasterio Sanctae Aurae, ab alio versus flumen Tiberis est infrascriptum residuum soli publici dati seu dandi in recompensam Universitati et Societati Aurifabrorum, ante est dicta via noviter directa, retro est alia via publica, latitudinis duodecim palmorum, relicta inter dictum locum et hortum praefatarum monialium [...]. Residuum vero dicti soli publici ubi erat dicta via publica vetus, quod est longitudinis septem similium cannarum, in faciem dicte viae directae usque ad viam publicam ripae fluminis incipiendo, scilicet a dicto petio soli vendito dictis Joanni Petro et Sebastiano exclusiv[e] usque ad dictam viam ripae fluminis, praefatus dominus Raph[a]el, pro se ac vice et nomine quo supra, et ut Magister stratarum, in recompensam dictae ecclesiae dirutae et soli amissi, dedit et concessit dictae Universitati et Societati Aurifabrorurn, licet absens, dicto magistro Sebastiano et me notario presentibus, recipientibus et stipulantibus pro ea [. . .] ad dandum, tenendum et possidendum [etc.], dans et concedens nihilominus praefatus dominus Raphael Magister [...] respectivam plenam licentiam et omnimodam potestatem et facultatem [...] capiendi et approbandi et supra dicto [de] eo seu eis edificandi ac faciendi et disponendi ad ipsorum magistrorum dominis Petri et Sebastiani ac Universitatis respective libi[tum] [. . .]. Has autem venditionem et concessionem seu dationem in recompensam, cessiones et concessiones et omnia et singula quae dicta sunt et infra dicenda etc., fecit dictus dominus Raphael Magister [...] pro praetio et nomine praetii centum ducatos, de carlenis decem pro ducato, ad computum monetae veteris, quos quidem centum ducatos pro pretio praedicto praefatus dominus Raphael confessus fuit [...] solutos et pacatos per dictos magistros Joannem Petrum et Sebastianum, emptores, provido viro magistro Paulo de Bloiis de Vedano muratori antedicto etc., presenti et acceptanti, pro dicto damno et domus [...] quam dictus magister Paulus vocaverunt se bene conten[tos], paca[tos] et satisfac[tos] de dicto praetio a dictis emptoribus, dicto magistro Sebastiano, presenti et stipulanti ut supra [. . .] Actum Romae, in regione Arenulae, in loco supradicto, presentibus providis viris magistro Perino de Caravagio architectori et Submagistro dictorum dominorum Magistrorum ac magistro Juliano calsolario et Submagistro ac Hectore de Alteriis, magistro lacobo de Ascoli stufario, testibus ad predicta vocatis specialiter atque rogatis. Et ego Stefanus de Amphoris civis Romanus, publicus Dei gratia imperiali auctoritate notarius et ad praesens notarius praefatorum dominorum Magistrorum stratarum, qui predictis omnibus et singulis. . . ut fieret una cum praenominatis testibus interfui et personaliter fui atque rogavi.