• 23
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, pp. 287-288.

• Transcription

Filiorum et haeredum M.ⁱ Petri Pictoris Procura. In Nomine Domini. Amen. Anno Domini 1524, Indictione XII, tempore SS. in X° Patris et Domini, Domini Clementis divina sancta clementia Papae septimi. Die vero 2 Januarii. Actum in terra Castri Plebis in domo solitae habitationis olim Magistri Petri Cristophori Vannuccioli pittoris egregi, sita in confinibus plateae publicae dictae terrae , et in tertiero Burgi intus, praesentibus ibidem Matteo Juliani Laurentii Baldutii, et Meio Mariotti Bartolomaei, ambobus de Castro Plebis, testibus vocatis, etc. Batta. et Franciscus filii quondam, et haeredes Magistri Petri Cristophori Vannuccioli de terra Castri Plebis, pittoris egregii, per se ipsos, et cuiuscumque ipsorum haeredes et successores, omni meliori modo, etc. fecerunt creaverunt et constituerunt eorum, et cuiuscumque ipsorum, verum, legittimum, et indubitatum procuratorem, actorem, factorem etc. […] ad omnes et singulas res, eorum lites, et causas, Petrum Masii Lazari, de dicta terra Castri Plebis, eorum consobrinum fratrem, praesentem, ibidem acceptantem, specialiter vero et nominatim ad petendum, exigendum ab omnibus et singulis quibuscumque fuerint, olim quacumque causa debitoribus praefati Magistri Petri, eorum patris defuncti, quascumque pecuniarum quantitates, coram quamcumque curiam tam de Civitate Perusii quam alibi, ubicumque locorum, ad agendum, petendum, et exigendum; item ad pacjscendum, componendum, transigendum, et cum omnibus, quibuscumque prefatis debitoribus, et ipsis quocumque nomine consentiendum, et de habitis et receptis refutationem concedendam. Item ad creandum et substituendum loco sui unum aut plures procuratores, eosque revocandos etc. Promittens ratum habere et tenere etc. […].