• 
  unpag

Type:Notarial
Language:Latin
Transcription Author: Matteo Mazzalupi
Published: yes
Publication Details: Published by G. Milanesi, Documenti per la storia dell’arte senese, II, Siena, 1854, pp. 403-404, doc. 280, and by G. Coor, Neroccio de' Landi, 1447-1500, Princeton, 1961, pp. 146-147, doc. XVIII

• Transcription

Anno Domini MCCCCLXXXIIII, indictione II, die vero XV mensis aprilis. Capitulum et moniales Sancte Marie Maddalene extra et prope portam Tufi civitatis Senarum, convocato et congregato (!) in capitulo dicti monasterii, ubi similes contractus fieri solent, sono campanelle et de mandato domine sororis [*****], abbadisse dicti monasterii, in quo capitulo intervenerunt infrascripte moniales que representant dictum capitulum vel maiorem partem ipsius, habito prius maturo colloquio super infrascriptis, locaverunt Neroccio Bartholomei olim Benedicti, pictori de Senis, presenti, recipienti et conducenti pro se et eius heredibus etc., ad pingendum unam tabulam altaris pro dicto monasterio et ecclesia ipsius monasterii, secundum designiactionem factam per dictum Neroccium et ostensam et datam dictis monialibus et que manu mei notarii infrascripti de ipsarum partium partium voluntate est descripta, cum infrascriptis pactis, capitulis et convenctionibus inter dictas partes solempnibus et legitimis stipulactionibus hinc inde intervenientibus. In primis quod dictus Neroccius teneatur et obligatus sit suis sumptibus et expensis propriis fieri facere tabulam lignaminis dicte tabule altaris boni et perfecti lignaminis, altitudinis brachiorum sex cum medio tundo et latitudinis brachiorum quatuor, et super dicto medio tundo debet facere unum Cristum ex omni relevactione brachiorum unius cum dimidio. Item quod teneatur dictam tabulam pingere omnibus suis sumptibus et expensis de perfectis coloribus et ex auro fino, secundum dictam designiactionem, et mictere azurrum ultramerinum et pingere ad usum boni magistri et facere bonas et perfectas figuras iudicio boni magistri dicte artis. Item quod teneatur dictus Neroccius facere ex rilievo omnes figuras nunc designatas in dicta designiactione subscripta manu mei et eas mictere ex auro fino et perfectis coloribus. Item quod teneatur in dicta tabula pingere Virginem Mariam cum Yhesu Christo in brachio et cum quatuor figuris magnis, prout placuerit dictis monialibus, ex perfectis coloribus. Item quod teneatur facere et pingere unam predellam pro dicta tabula, in qua teneatur pingere in medio qua[n]dam storiam Sancte Marie Maddalene et ex latere quatuor sanctos ad eorum electionem. Item quod in medio tundo dicte tabule teneatur pingere unam Annunziatam seu alias figuras, prout placuerit dictis monialibus. Item quod dicte moniales, capitulum et conventus teneantur dicto Neroccio dare et solvere pro pretio et mercede totius dicti laborerii tam ligniaminis quam picture, auri et colorum florenos centum decem de libris quatuor denariorum senensium pro quolibet floreno, solvendos hoc modo, videlicet florenos quadraginta quinque ad dictam ractionem in cessione docte et iurium fratris Iacobi Nicholai de Bichis, que iura iam eis cessa fuerunt per Iohannem Iacobi Tumectini siricum de Lucha et civem senensem, que iura sibi competentia pro dicta summa dederunt et cesserunt pro parte pretii predicti, et iura teneantur facere veram (!) et quod granum obligatum et quod incipiet primam solutionem in kalendis iunii proxime futuri, prout constare dixerunt manu ser Bartholomei notarii de Martiis, et promixerunt facere quod dictus frater Iacobus se et dictam ratam fructuum molendini obligabit dicto Neroccio in forma iuris valida, et casu quo dictus frater Iacobus non se et dictos fructus obligaret, quod teneantur dare eidem dictos florenos 45 ad dictam ractionem de provisionibus montis et salis Communis Senarum, constituentes etc., asserentes etc., et florenos quindecim in denariis contantis per totum mensem octobris MCCCCLXXXV, et residuum, videlicet florenos quinquaginta ad dictam ractionem de denariis contantis, quando dicta tabula fu[er]it perfecta et posita ad locum ipsius in ecclesia dicte Sancte Marie Maddalene, sine aliqua exceptione, in quibus quidem residuis ut supra solvendis et modo et forma suprascriptis dicte moniales dicto Neroccio presenti ex causis suprascriptis constituerunt se principales debitrices et pagatrices et promixerunt ei solvere ut prefertur (?) etc. Item quod dictus Neroccius teneatur dictum laborerium perficisse et finisse per totum mensem aprilis MCCCCLXXXVI proxime futurum etc. Que omnia et singula dicte partes ad invicem promixerunt actendere et observare et contra non facere etc. sub pena dupli dicti pretii etc. Quam penam etc. Item reficere etc. Pro quibus obligaverunt ad invicem etc. Renumptiaverunt etc. Et iuravit dictus Neroccius etc. Quibus cum quaranticiis etc. Rogantes etc. Quarum vero domine abatisse et monialium hec sunt nomina, videlicet: domina soror Barthalomea Nicholai de Bichis abbatissa soror Margharita Antonii de Lucha soror Angelina domini Leonardi Andree Tholomei soror Alexandra Angeli Andree Georgii soror Doraddea Bartholomei de Griffolis soror Catherina Antonii de Paccinellis soror Francisca ser Angeli Mei Gani soror Hieronima Bartholomei domini Antonii de Petrucciis soror Dimitilla Bindi Urbani Bambi soror Eustachia Nastoccii (?) de Saracenis soror Maddalena Antonii de Paccinellis soror Nichola Antonii Berti soror Ursula Laurentii Vechie soror Pia Francisci de […]is soror Laura domini Antonii de Bichis. Insuper Iohannes Iacobi de Tunertinis de Lucha siricus dedit et cessit supradictis monialibus, capitulo et convenctui, presentibus et recipientibus pro dicto monasterio etc., omnia iura sibi competentia et competitura contra fratrem Iacobum Nicholai de Bichis ordinis minorum Sancti Francisci seu iura competentia in fructibus molendini palatii … (?) ipsius fratris Iacobi, et hoc ideo fecit quia dicte moniales dederunt et cesserunt eidem omnia iura competentia eisdem in provisione montis salis Communis Senarum etc. constituentes etc. asserentes etc. Que omnia promixerunt actendere etc. sub pena dupli etc. Quam etc. Item reficere etc. Pro quibus obligaverunt etc. Renumptiaverunt etc. Quibus cum quaranticiis etc. Rogantes etc. Acta fuerunt suprascripta extra et prope portam de Tufi in ecclesia Sancte Maria Maddalene, ante grates capituli ipsarum monialium, coram et presentibus Matheo Aluisii pizicaiuolo et Barthalomeo Pauli Cioli fabro ferrorum de Senis, omnibus testibus etc.