• 16
  recto

Type:Institutional record
Language:Latin
Transcription Author: Gertrude Coor
Published: yes
Publication Details: Published by G. Milanesi, Documenti per la storia dell’arte senese, II, Siena, 1854, p. 415, doc. 291, and by G. Coor, Neroccio de' Landi, 1447-1500, Princeton, 1961, pp. 150-151, doc. XXII
Notes: Transcription by G. Coor revised by M. Mazzalupi.

• Transcription

Anno Domini MCCCCLXXXVII, indictione V, die XVII iulii. Iohannes olim Andree de Senis, factor seu negociorum gestor Opere ecclesie cathedralis et spectabilis militis jerosolipnitani domini Alberti Aringherii, operarii dicte ecclesie et dicte Opere, asserens se habere mandatum a dicto domino operario dicto nomine, locavit Neroccio Bartholomei Neroccii pictori et sculptori de Senis ad faciendum unam statuam seu sculpturam Sancte Caterine martiris de marmore carrarese, dando et consigniando per dictum operarium dicto Neroccio, ponendam et locandam in capella Sancti Ioannis Baptiste que de novo edificatur in dicta ecclesia cathedrali, ad mensuram conferentem cuidam statue Sancti Ansani existente in dicta Opera, sculpte per Iohannem magistri Stefani de Senis. Quam statuam teneatur et debeat facere in perfectione secundum qualitatem dicte figure Sancti Ansani aut melius, secundum dictum et iudicium peritorum in arte, et illam dare finitam et perfectam cum capella predicta fuerit finita et eo tempore quo dictus operarius volet illam locare in dicta cappella, omni iuris et facti exceptione remota. Et hoc facere pro salario, mercede et pretio florenorum octuaginta de libris IIII denariorum senensium pro floreno. Et si per peritos in arte indicaretur minus deberi, pro tanto minore pretio et salario intelligatur locata. Quod salarium, pretium et mercedem dictus Iohannes promisit dicto nomine solvere dicto Neroccio de tempore in tempore prout laborabit supra dicta statua dictus Neroccius. Que omnia et singula promiserunt dicte partes dictis nominibus ad invicem observare, sub pena centum florenorum etc., quam penam etc. et dicta pena etc. pro quibus etc. obligantes ad invicem dicto nomine et recipienti (?) etc. iuridicium (?) cum guaranticia etc. Actum in domo Opere, coram Mamiliano Blasii Nicolai calzettario de Senis et Iohanne Fruosini de Sovicillis venditore candelarum in ecclesia cathedrali, testibus.