Italian Renaissance Document Site

In Nomine Domini, Amen. Anno Domini MDXXIV, Indictione XII, tempore pontificatus SS.ⁱ in Christo Patris et Domini, D. N. Clementis Divina provvidentia PP. VII, die vero 30 mensis decembris. Actum Perusiae in Monasterio S. Augustini, praesentibus etc. Cum sit per assertionem infrascriptarum partium, quod vertatur quaedam controversia et differentia inter fratres, capitulum, et conventum monasterii S. Augustini de Perus. Ordin. Heremitarum ex una, et Joannem Baptistam, Franciscum, et Michelangelum, filios et haeredes olim Magistri Petri Christophori Vannutii, de terra Castri Plebis, Dioces. Clusin., Pictoris, parte ex altera; nomine, causa, et occasione picturae cuiusdam tabulae altaris principalis in Ecclesia S. Augustini de Perus., per dictum olim magistrum Petrum conductae ad pingendum a d.° Capitulo et conventu, de qua locatione, et conductione, et obligatione ad pingendam d. tabulam, constare dixerunt publico Instrumento, manu olim ser Johannis Thomae ser Jacobi pub. Not. defuncti, rogat. sub anno Domini 1502. Et volentes dictae partes supra dictis differentiis inter se ad invicem amicabiliter componere et concordare; id circo RR. PP. Fr. Herculanus Marci de Perus., ad praesens Prior d. monasterii, et fr. Stephanus ser Francisci depositarius, etc., ex una parte per se et eorum successores obligando d. monasterium, etc.; et praefatus Johannes Baptista, nomine suo proprio, et vice, nomine, et ut procurator, et procuratorio nomine Francisci et Michelangeli suor. fratrum, prout constare dixit pub. Instrumentu manu ser Alfonsi[…] Not. publ. Fiorentini etc., devenerunt ad infrascriptam compositionem, concordiam, pactum et refutationem. Videlicet quod praefatus Jo. Baptista, dictis quibus supra nominibus, etc. fecit supra dictis nominatis fratribus, et mihi Not. etc. finem et generalem refutationem, quietationem, etc. de ulterius non petendo de omni eo toto quod ipse et sui fratres, haeredes praefati, habere, petere, exigere, et consequi possent a dd. Fratribus, Capitulo et Conventu, occasione dictae picturae d. tabulae, vigore d. Instrumenti manu d. Ser Jo. Thomae, quod Instrumentum ex nunc voluit esse cassum. Quam quidem refutationem fecit dictus Johannes Baptista pro eo quia dicti fratres, promiserunt et convenerunt dicto Jo. Baptistae praesenti, stipulanti, dare et solvere, et numerare cum effectu ducatos decem auri largos boni ponderis per tempus et terminum unius anni prox. futuri; et etiam praedicti fratres promiserunt omne id et quidquid defecerit in dicta tabula, circa picturam, fierifacere, et perficere, sumptibus et expensis d. monasterii, ac etiam facere portare ad Civitatem Perusiae cadaver dicti Magistri Petri, sumptibus dicti monasterii, videlicet quoad vetturam tantum, ex Castro Hospitalis Fontignani : et dictum corpus et cadaver sepelire in Ecclesia S. Augustini […]. Et hoc fecerunt dicti fratres pro eo quia dictus Jo. Baptista, dictis nominibus, promisit facere, et curare, ita et taliter quod dicti fratres sine aliquo impedimento, et sine aliqua solutione alicuius Gabbellae, habebunt dictum corpus, et quatenus opus esset solvere aliquam gabellam, ipse Jo. Baptista promisit solvere de suo proprio, ac etiam solvere dicto monasterio S. Augustini decem libras cerae, et facere celebrare in dicta ecclesia S. Augustini unum offitium pro anima dicti Magistri Petri […]. Et hoc fecit dictus J. Baptista dictis nominibus, pro eo quia fuit sponte confessus, et contentus, se fuisse et esse solutum et satisfactum de picturae d. tabulae dictis X ducatis, ut supra. Quae omnia et singula promiserunt dictae partes, videlicet dicti Fratres ponendo manus ad pectus, et d. J. Baptista Scripturis corporaliter manu tactis ec., rogantes me Notarium ut de praedictis publicum perficerem Instrumentum.

Perugino's heirs reach an agreement with the monks of Sant'Agostino regarding the altarpiece: it is agreed that the monks pay 10 ducats and have the body of the deceased brought to Perugia to be buried in their church, Perugia