Italian Renaissance Document Site

lesus. In nomine Domini, amen. Anno Domini eius nativitate M.o CCCCLXXXXVIIII.o, indictione II.a, tempore sanctissimi in Christo domini domini Alexandri, divina providentia pape sexti, die vero quinta mensis iunii, in civitate Urbini et in palatio ducali. In nomine Domini nostri. Presentibus egregio viro Joanne Francisco Pauli Guidonis de Urbino et ser Federico Pauli de Monte Guidutio habitatore Urbini, testibus ad hec vocatis, habitis et rogatis. Cum hoc sit quod diu versa fuerit lis et adhuc vertatur inter dominam Bernardinam magistri Peri Partis de Urbino, rellictam quondam Joannis Sanctis Peruzoli de Urbino, et dictum magistrum Perum pro omni suo interesse ex una, et donnum Bartholomeum quondam Sanctis predicti et Rafaelem filium dicti Johannis heredes dicti quondam Johannis ex altera, occaxione legati facti per dictum Johannem dicte donne Berardinae et domine Elisabe, dictorum quondam Joannis et Bernardine comunis filie, super alimentis prestandis et earum cuilibet cum super ipsis alimentis fuerint lata duo lauda inter dictas partes cum quibusdam conditionibus in ipsis laudis rogatis manu publicorum notariorum, et demum cum dictorum laudorum petita fuerit executio, et litigaverint super ipsa executione, et jam late fuerint duo sententie et causa adhuc pendeat indecisa super tertia instantia coram magnificis viris et celleberrimis doctoribus dominis Leone Dulce et domino Alexandro Rugerio, et in dictam causam cum multe fuerint facte expense, volentes partes predicte a lite predicta o[m]nino discedere et sumptibus fiendis parcere et, prout decet inter cives et affines, discordias fodere et removere, idcircho predictus dominus Bartolomeus, suo nomine et nomine et vice dicti Rafaelis eius nepotis, pro quo de ratho promisit, videlicet se facturum et curaturum ita et taliter cum effectu quod dictus Raphael eius nepos firmam et ratham habebit presentem transactionem, omnia et singula in ea contenta, aliter de suo proprio observare promisit sub poena infrascripta, et magister Petrus, suo nomine et nomine dicte domne Berardinae sue filie, pro qua similiter de ratho promisit, videlicet se facturum et curaturum ita et taliter cum effectu quod dicta domina Berardina eius filia firmum et rathum habebit presentem contractum transa[c]tionis et contenta in eo, aliter de suo proprio observare promisit sub poena infrascripta, venerunt unanimiter et concorditer ad infrascriptam transa[c]tionem, conventionem et pactum, videlicet quia: quia primo et ante omnia dictis nominibus cesserunt et renumptiaverunt omnibus et singulis litibus vertentibus inter dictas partes ex causis premissis, et demum liti seu litibus predictis, remictentes una pars alteri, altera alteri sollemniter omne jus quod haberet contra alteram occaxione impensarum factarum in dictis causis et litibus quomodocumque et qualitercumque usque in presentem diem per dictos dominum Bartholomeum et Raphaelem heredes predictos occaxione dictorum alimentorum prestandorum, et tandem uterque ipsorum renumptiavit omni suo juri quod haberet contra alterum ex quacumque causa, tacita vel expressa, scita vel ignorata. Et hoc fecerunt dicte partes quia sic facere placuit et quia dictus dominus Bartholomeus, per se et eius heredes, promixit et convenit dicto magistro Petro presenti, stipulanti et accipienti pro se et pro dicta domina Berardina absente et eorum heredibus, dare et solvere cum effectu, pro alimentis, victu et vestitu predictis usque in presentem diem debitis dictis donne Berardine et Elisabe et aliis necesariis inpensis factis pro predictis seu earum altera quomodocumque et qualitercumque, florenos viginti sex, ad rationem quadraginta bonenorum pro floreno, in hiis terminis et modis, videlicet florenos tresdecim in festo Natalis domini nostri lesu Christi proxime venturo, et ressiduum in festo Pasce Resurrectionis proxime venturo, quam quantitatem idem dominus Bartholom[e]us penes se in depoxitum habere vocavit, solvendam in dictis terminis, renuntians ipse dominus Bartholomeus exeptioni dictae quantitatis non sic promisse, modo et forma et exeptionis predictis etc. Et insuper convenerunt dicte partes, sollemni stipulatione interveniente, quod dicta domina Elisabet stare debeat per duos annos in domo dicti magistri Peri penes dictam dominam Berardinam eius matrem, a quibus habere debuit alimenta taxanda per prefatum dominum Alexandrum, cui auttoritatem dederunt taxandi et limitandi, prout sibi videbitur et placebit. Quibus elapsis, partes predicte remaneant pro tempore post dictos duos annos futturo in dispositione juris, adeo quod nulli presenti intelligantur providere futuri per presentem transactionem alicui earum juri post tempus predictum, promittendo stare et parere omni taxationi et declarationi dicti domini Alexandri. Renuntiantes exceptioni doli mali, condictioni sine causa in factum, actioni fictionis et simulationis erroris juris et facti conventionis non sic cellebrate promixionis non sic facto veritatis non sic existentis, et omni alio legum et juris auxilio. Promittentes dicte partes invicem per se et eorum heredes predicta omnia attendere et observare et in ullo in futuro dicere, opponere vel venire, per se vel alios, aliqua ratione vel causa, de jure vel de facto, sub poena dupli dicte quantitatis et promittendo sollemniter juramentum ad sancta Dei Evangelia, manu corporaliter tactis scripturis, predicta omnia vera esse et observare ut supra sub ypotecha et obligatione omnium et singulorum cuiusque ipsorum bonorum presentium et futurorum. Et ego Mattheus ser Thomae de Oddis de Urbino, quadra Episcopatus, publicus imperiali auctoritate notarius, predictis omnibus et singulis presens fui et ea rogatus scripsi et publicavi signumque meum apposui.

Bartolomeo di Sante agrees to deliver to Bernardina di Piero Parte a sum of money deriving from the will of Giovanni Santi while her daughter will live for two years with Piero Parte.