• 33
  verso

Type:Notarial
Language:Latin
Transcription Author: Franco Battistelli
Published: yes
Publication Details: Published by F. Battistelli, 'Notizie e documenti sull'attività di Perugino a Fano', in «Antichità viva», 13.5, 1974, pp. 65-68.

• Transcription

Dictis millesimo [1488], indictione [sexta], tempore pontificatus [S.mi in Christo Pontificis et Domini nostri Domini Innocentij Divina Providentia Papae Octavi], et die XXI dicti mensis aprilis, in gabellis predictis publicis presentibus Petro olim Dominici alias Zangoli de Phano, Ser Nicolao olim magistri Mathei de Schacchis etiam de Phano, Gaspare olim Ludovici Rusticutii de Phano, et Baldasere olim Petri Joannis Bicchae de Bicchardis de Fano testibus videlicet: Magister Petrus olim Christofori de Castro Plebis districtus Perusii, et Magister Jovachinus Blasii de Urbino ex una parte et Petrus Antonius a Lanceis et Matheus de Martinotiis de Fano sindici ecclesiae Sanctae Mariae Novae et Ser Petrus Antonius de Galassis de Fano videlicet: dictus Matheus etiam et Ser Petrua Antonius tamquam ambo fideicommissarii et executores testamenti Durantis olim Joannis Vianutii de Fano, scripti et apparentis ut dicitur publice manu Ser Francisci Damiani de Monte Maiori civis Fani et notarii publici ex alia parte, ad infrascriptam transactionem unionem pactum et concordiam devenerunt videlicet: quod dictus Magister Jovachinus promisit et convenit solemni stipulatione prefatis Sindicis et executoribus hinc ad semestre proxime futuri incoando impresentiarum et quam citius fieri potuit in dicto semestri suis proprijs lignaminibus sumptibus et expensis conficere laborare et fabricare et construere unam iconam proaltri magno ipsius ecclesiae Sanctae Mariae Novae de Fano iuxta dispositionem factam per breve apostolicum super testamento dicti Durantis iuxta et secundum designia facta per ipsum Magistrum Jovachinum et designata et picta in quadam charta et dimissa apud ipsos Sindicos et executores bene sculptam et ornatam ac aptam. Dictus vero Magister Petrus promisit et se obligavit etiam infra dictum tempus de quo supra et quod citius fieri potuit etiam in dicto tempore pingere ornate omnibus eius sumptibus et espensis auri colorum finorum et aliorum necessariorum et convenientium in ipsa icona pingenda perpulchre infrascriptas figuras videlicet: in quadro imaginem Beate Virginis cum eius filio in gremio devote adorantis eum eum nec non imaginem et figuras secundum proportiones earum congruas Sancti Johanni Baptiste Sanctorum Petri et Pauli Sancti Francisci Sancti Hieronymj Sancti Ludovici Sancti Micaelis Arcangeli et Sanctae Mariae Magdalene. Sursum vero in summitate et altitudine quadri ipsius pingere pietatem cum imaginibus Beatae Mariae et Sancti Johannis Evangeliste a lateribus: et in fine quadri et totius tabulae festa Beate Virginis in quinque quadris, videlicet: in pratella Nativitatem Beatae Virginis, presentiationem factam in templo, annuntiationem, purificationem et assumpionem, et circum circa dictam iconam ornare et etiam in ipsa tabula tota et omnibus eius locis ornare et redimere suis convenientis, auro, azurro tramerino et omnibus coloribus finis pulcre et ornate et sufficienter copiose, et aliis figuris in locis opportunis secundum convenientiam quadri ipsius, et hoc quod ex adverso dicti Sindici scillicet Petrus Antonius a Lanceis et Matheus de Martinotiis promiserunt et convenerunt ex eorum parte et dictis nominibus dicto Magistro Jovachino presenti et acceptanti pro eius mercede et labore et solvere eidem ducatos quadraginta auri venetos et idem Matheus etiam et Ser Petrus Antonius fideicommissarii et executores testamenti dicti Durantis dare et solvere dicto Magistro Petro pro eius pictura e magisterio ducatos trecentos auri venetos relictos in testamento dicti Durantis. Et oc perfectis integre dictis operibus infinem ipsorum operum et etiam antea pro rata secundum esigentiam et necessitatem incumbentem et supervenientem opportunam ipsis magistris ambobus in magisteriis, picturis et operibus ipsis. Hoc pacto inter eos acto expresse quod latitudo dictae iconae in quadro esse et fieri debeat per ipsum Magistrum Jovachinum septanta pedum et in reliquis eius partibus quod correspondeat dicto quadro, et ulterius promiserunt prefati sindici dare et prestare eidem Magistro Petro dum laboraverit hic Fani victum et panem et vinum pro eius ore etpro uno suo garzono nec non et habitationem et mansionem gratis. Et ex nunc pro ut ex tunc actualiter prefati Magister Petrus et Magister Jovachinus pro parte eorum mercedis et laboris ut supra habuerunt et receperunt presentialiter et manualiter a dicto Ser Petro Antonio uno ex fideicommissarris et executoribus dicti testamenti Durantis ut supra presente et solvente ac numerante de pecuniis dicti Durantis apud eum depositatis ducatos quadraginta quinque auri venetos videlicet: Magister Petrus ducatos triginta auri et Magister Jovacinus ducatos quindicim auri. Et residuum prefati sindici fideicommissari et executores testamenti promiserunt dare et solvere eisdem Magistris ut supra. Quam transactionem et conventionem et pacta et omnia et singula supra scripta promiserunt dicti omnes continhentes et partes adivinisse ad insimul et solemniter habere rata et firma et non convenire etc. sub pena dupli dicte mercedis etc. obligatione omnium eorum bonorum et ecclesiae et refectione damnorum expense ac interesse etc. volentes et obligantes se realiter et personaliter pro predictis hic et usque locorum et fori etc. renuntiantes etc. iurantes etc. ad plenum rogatus etc. pro quibus Magitro Jovachino et M. Petro ambobus ex eorum presentibus et manentis Nicolaus Christofori Balzarini de Urbino solemniter fideiussit promisit etc. beneficio de fideiussoribus expresse renuntiavit etc. obligavit etc. sub dicta pena etc. iuravit etc. Quem Nicolaum fideiussorem dictus Magister Petrus solemnem stipulationem a dicta fideiussone ut supra prestita et subscriptis et promissis et obligatis indemnem perpetuo conservare promisit etc. obligavit etc. iuravit etc. ad plenum rogatus etc. [a suggello del contratto] Pictor in Italia tota qui primus haberis Petreque qui primus pictor in orbe manes Et Jovachine pares tibi qui non invenis ullos In tabulis caesis artificique manu Alter Parrhasius alter Lysippus et ambo Qui ingenio priscos vincitis arte novos Ponite et ingenium vestrum hic intendite totum Pingenda in Maria: Vester enim hic labor est Effigies hominum similes pulchrasque potestis Vos alia similem non dare sed Mariae Haec duo vos operi subscribite Carmina vos iam Autores operis artifices operibus Optimus et primus pictor iam Petrus in orbe Hoc dedit incisor et Jovachinus opus. [in margine] In Dei Nomine anno a nativitate 1489 indictioneVII tempore prelibati et die 18 septembris. In gabellis eodem loco presenti celebrati contractus presentibus Ser Johanne Martinotio Ser Jo. Baptista Magistri Christofori et Ser Tadeo Ser Nicole testibus etc. Nobilis vir Matheus Martinotius in contractu nominatus Suo nomine et nomine Petri Antonii consotii etiam nominati nec non Ser Johannes Ser Petri Anotonii Galassi etiam nominatus dictis nominibus in ipso contractu apparentis ex una. Et Magister Jovachinus solus etiam nominatus in contractu ex alia parte sua ambo insimul dictis nominibus dederunt et concesserunt mihi lincentiam cancellandi et annullandi presente contractum quoad eorum cuiuslibet ratam tunc (?) et partem solam videlicet: de icona laboranda et construenda ac consignanda per Magistrum Jovachinum et de salario persolvendo per executiores et fideicommissarios remanente […] et in suo robore a viribus ad haec quoad partem Magistri Petri pictoris a sui salarii solvendi. Et hoc quorum ambe partes fuerunt contente solute et satisfacte ab altera videlicet: Matheus dictis nominibus de icona predicta iam habita et dictus Magister Jovachinus de toto salario suo sibi promisso et soluto contento in presenti instrumento videlicet: de ducatos 40 et pro dicto residuo et complemento presentialiter habuit et recepit ab eodem Mateo dictis nominibis per manus dicti Ser Joannis ducatos 14 renuntiantes ad invicem etc. rogatus ad plenum etc.