• 261
  verso

Type:Other text
Language:Latin
Transcription Author: Diane Cole Ahl
Published: yes
Publication Details: D. Ahl Cole, 'Benozzo Gozzoli', New Haven-London, 1996, p. 278 (previously in D. Ahl Cole, 'Due San Sebastiano di Benozzo Gozzoli a San Gimignano', in “in “Rivista d’Arte”,4, 40.1988, p. 59, doc. 10)

• Transcription

[margine sinistro: Stantiamentum florenorum X pro pictura Sancti Sebastiani in plebe] Dicto die [25.2.1464/65] Magnifici dommi priores populi et vexillifer justitie suprascripti, absente Dominico excusato, una cum spectabilibus capitaneis partis Guelfe, adunati more solito et servati servandis in palatio populi secundum ordinamenta dicti Comunis, et attento tenore et forma provisionis consilii populi de et super pictura Sancti Sebastiani martiris gloriosissimi in plebe, de qua provisione apparet in presenti libro deliberationum a c. 213, sub die XIII mensis junii anni presentis 1465, et contentis in ea, et depu­tatione alias per eos facta de his qui locare debent ipsam picturam, videlicet ser Ugone Placiti et domine Mariotto de Ridolfis, et eorum relatione facta qualiter ipsam picturam prefatam locaverunt spectabili magistro Benotio de Florentia, pictori eximio, quam picturam immediate est incohaturus, dato misso et facto et celebrato solempni et secreto scrutinio ad fabas nigras et albas secundum ordinamenta dicti Comunis, et legitime obtento partito per fabas novem nigras redditas per lo sì, una in contrarium alba non obstante per lo no, stantiaverunt ipsi magistro Benotio florenos decem, ad rationem librarum quatuor florenorum parvorum pro quolibet floreno predictorum, tunc sibi solvendos per camerarium quando integraliter erit completa et facta pictura omnis predicta et secundum quod per ipsam provisionem dicitur et disponitur, et de pecunia Comunis ad id assignata et de qua per ipsam provisionem fit mentio specialis.