• 298
  recto

Type:Other text
Language:Latin
Transcription Author: A. Rossi
Published: yes
Publication Details: A. Rossi, 'Gentile da Fabriano, l’Angelico and Benozzo al Vaticano and al Duomo di Orvieto', in “Giornale di Erudizione Artistica”, VI. 1877, pp. 156-157;L. Fumi, 'Il duomo di Orvieto e i suoi restauri', Roma, 1891, p. 394 ; L. Douglas, Fra Angelico, London, 1900, pp. 186-187;D.E. McLellan, 'Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning', unpublished doctoral thesis, Melbourne University, 1992, doc. 44

• Transcription

Religiosus vir frater Johannes Petri magister picturarum et ordinis observantie fratrum predicatorum conductus ad pingendum in cappella nova dicte majoris Ecclesie cum persona sua et cum personis Benozzi Lesi de Florentia, Johannis Antonii de Florentia, et Jacobus de Poli et cum salariis deputatis et pactis factis, ut supra patet in sua conducta sub anno domini MCCCCXLVII et die XIIII junii per se et suos heredes ac nomine suo et nominibus dictorum Benozzi Johannis et Jacobi, quos secum habuit ad dictam picturam, pro quibus de rato et rati habitione sollenniter promisit et se taliter facturum et curaturum quod omnia singula infrascripta rata, grata et firma habebunt, et omologabunt, et aliquo tempore contra non facient aut venient, fecit supradicto Petro Camerario presenti et acceptanti pro dicta Fabrica et suis in offitio successores finem et refutationem, quietationem, absolutionem, liberationem, et pactum de alterius non petendo nec agendo in perpetuum de centum tribus florenus auri et de auro et uno tertio alterius floreni auri et de auro, et ad rationem septem libri denari pro quolibet floreno, quos debebat a dicta Fabrica, tam pro se, quam pro supradictis Benozzo, Johanne et Jacobo, et pro tribus mensibus cum dimidio incoactis die quintadecima mensis Junii proxime preteritis et ut sequitur finitis, et de omni eo et toto quod debebat habere a dicta Fabrica pro expensis per eos factis in hospitio urbevetano ante conductam et pro dictis tribus mensibus cum dimidio sibi fiendis juxta formam capitulorum dicte sue conducte. Et hoc ideo fecit quia confessus et contentus fuit habuisse et recepisse a dicto Camerario presente et acceptante supradictas omnes et singulas summas et quantitates et se de ipsis bene quetum solutum et contentum dixit et vocavit quam finem et refutationem confessionem et omnia et singula supra et infrascripta dictus Magister frater Iohannes promisit solemniter convenit et iuravit ad sancta dei evangelica corporaliter manu tactis scripturis perpetuo et omni tempore actendere observare et adimplere et rata grata et firma habere et tenere et in nullo contra facere vel venire per se vel alium aliqua ratione exceptione vel causa de iure vel de facto in presenti vel in futurum sub pena dupli dictarum quantitatum et sub obligaatione sui ipsius, suorum heredum et omnium et singulorum suorum bonorum presentium et futurorum jure origenis et hypotece que pena toties commictatur- Et insuper ad maiorem cautelam liberavit dictam fabricam et dictum Camerarium presentem et acceptantem per aquilianam stipulationem et acceptationem- Actum in residentia dicti Camerarii posita ante plateam dicte Ecclesie iuxta res dicte Fabrice presentibus ser Jacobo Petri Nuti, magistro Johanne Petro Dincalcavecchia pictore et Pancratio Luce vascellario testibus, ad predicta vocatis,habitis et rogatis