• 301
  verso

Type:Notarial
Language:Latin
Transcription Author: John Shearman
Published: yes
Publication Details: L. Borgo, “The Works of Mariotto Albertiinli”, Phd. diss., New York-London 1976, p. 565; J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 293-95.
Notes: The document appears on the following folios: 301v.-303r.

• Transcription

[a margine mundualdum] 1517, indictione quinta, prima mensis septembris, ac in popolo Sancte Marie Novelle de Florentia et in domo habitata infrascripte domine Antonie, presentibus fratre Bartolino Johannis Guidonis de Cavalcantibus et fratre Francisco Johannis Baptiste de Asinis, fratribus in conventu Sancte Marie de Fiorentia testibus etc. Domina Antonia vidua, filia olim Amadonis Ugolini et uxor olim Mariotti Blaxii Bindi pittoris de Florentia, infrascripta et presens etc., dedi etc., in unum mundualium etc., Laurentino fratri de Mascalzonibus monacho Florentino ibidem presenti etc., eius cum consensu etc., possit etc., instrumentum contractum facere etc., et se et bona sua obligare etc., intraprendere etc., rogantes. Item postea dicto anno in dicte die [et] mense, coram dictis suprascriptis testibus etc. [a margine: Conventio inter dominam Antoniam viduam, uxorem olim Mariotti Blaxii pittoris, et Raffaellem de Urbino.] Cum sit, prout asseruerunt infrascripte partes, qualiter Raffael Johannis Sanctis civis Urbinatensis iam plures et plures sint anni mutuaverit Mariotto Blaxii Pinti pittori de Florentia florenos quinquaginta auri largos in auro. Et quod hodie dictus Mariottus mortuus fuerit et sit, cum dicto debito relicto post se et eius mortem, et hodie supervivente Blaxio eius filio masculo pupillo. Et quod mortuo dicto Mariotto dicta domina Antonia tutelam et pro tempore curam dicti Blaxii sui et dicti olim Mariotti filii pupilli predicti acceperit, prout constat manu mei notarii infrascripti sub suo tempore. Et cum sit quod dictus Raffael sit creditor dicti olim Mariotti, et hodie eius heredis et hereditatis, in dicta summa florenorum 50 auri largorum in auro. Et cupiens dicta domina Antonia satisfieri dicto Raffaelli de dicto eius credito, quamvis ipsa propria ad dictum debitum non teneatur. Hinc est quod hodie hac presenti suprascripta die prefata domina Antonia, eius nomine proprio ac etiam ut et tamquam tutrix predicta dicti Blaxii sui et dicti olim Mariotti olim eius viri filii, certificata primo etc., et cum consensu etc., dicti sui legitimi mundualdi etc., ibidem presentis etc., per se et suos dictis modis et nominibus heredibus etc., ex parte una, et Johannes Franciscus olim magistri Baptiste medici pittor de Florentia, procurator et ut et tamquam procurator dicti Raffaelis Johannis Sanctis de Urbino, prout de sua procuratione et mandato constare dixit publicum instrumentum rogatum manu publici notarii sub suo tempore, et casu quo dictus eius mandatus non esset ad predicta et infrascripta sufficiens, pro et vice et nomine dicti Raffaellis pro quo de melio promisit etc., et se facturum etc., omni exceptione et impossibilitate remota etc., quod dictus Raffael rathificabit etc., infra quatuor menses etc., proxime futuros ab hodie, presens instrumentum conventionis et omnia et singula in eo contenta, alias de suo ipsius Johannis Francisci proprio attendere etc., et etiam sub infrascripta pena etc., per se et suos dictis modis et nominibus heredes etc., ex parte alia etc., omni meliori modo etc., partes predicte dictis modis et nominibus super dicto credito et debito inter se convenerunt etc. In primis, quod dicta domina Antonia dictis modis et nominibus in futurum teneatur et obligata sit dare et cum effectu pagare dicto Raffaelli de Urbino dictam quantitatem florenorum quinquaginta auri largorum in auro hoc modo, videlicet: quolibet anno in futurum ab hodie florenos tres auri largos in auro donec et quo usque solverit integraliter dictam quantitatem florenorum 50 auri largorum in auro. Et ita prefata domina Antonia dictis modis et nominibus, certificata ut supra et cum dicto consensu etc., dicti sui mundualdi ibidem presentis etc., promisit etc., dicto Raffaelli licet absenti et dicto Johanne Francisco procuratori predicto et mihi notario presentibus etc., solvere etc., dictos florenos tres auri largos in auro quolibet anno in futurum ab hodie, donec et quo usque dictam quantitatem florenos 50 auri largorum in auro solverit dicto Raffaelli, sine aliqua exceptione etc. Florentie etc. Quae omnia etc., promiserunt etc., attendere etc., sub pena dupli etc., que pena etc., qua pena etc., pro quibus etc., obligaverunt etc., renuntiantes etc. Quibus per guarantigiam etc. Rogantes etc.