• 173
  recto

Type:Notarial
Language:Latin
Transcription Author: John Shearman.
Published: yes
Publication Details: U. Gnoli, “Documenti inediti intorno a Raffaello d’Urbino”, in “Archivio Storico dell’Arte”, II, 1889, 249-50; J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 298-99.
Notes: The document appears on the following folios: 173r-v.

• Transcription

[in margine] Dominus Valerius de Porcariis et dominus Raffael de Urbino. Rome in Palatio Apostolico, in camera infrascripti R.di domini Petri Bembi, et anno 1517, indictione V.ta, die XXXIIII septembris,pontificatus s.mi domini nostri pape Leonis X anno quinto. Constitutus etc. Nobilis vir dominus Valerius de Porcariis civis Romanus asserens se esse debitorem ac teneri venerabili viro domino Raffaeli de Urbino in summa centum quindecim ducatorum auri largorum principalium, nec non quinque ducatorum auri de camera expensarum desuper factarum, prout per alia acta seu instrumenta asseruit constare, pro quorum ducatorum solutione fideiussiorem prestiterit r.dus dominus Antonius Maria Dainerius Mutinensis, S. D. N. Pape camerarius, tempus solutionis instare, qua propter r.dus dominus Petrus Bembus, S. D. N. Pape secretarius, presens ibidem volens tam domino Valerio debitori quam r.do domino Antonio fideiussori prefatis gratiam facere, promisit solvere seu solvit dictos centum quindecim ducatos principales ac quinque expensarum huiusmodi prefato domino Raffaeli de Urbino, nomine dicti domini Valerii de Porcariis, quo circa non vi, dolo, metu, fraude etc., gratis, libere et sponte ac in veritate recognovit, confessus se constituit de solutione predicta per r. dominum Petrum Bembum dicto domino Raphaeli facienda nomine quo supra se teneri et obligatum fore pro dicta summa centum quindecim ducatorum principalium et quinque expensarum huiusmodi eidem R.do domino Petro Bembo presenti et acceptanti eidem domino Valerio ratione veri, boni et amicabilis mutui ut premittitur mutuatorum ac eius nomine dicto Raffaeli solutorum quos quidem ducatos principales et expensas dictus dominus Valerius debitor promisit solvere et de eisdem satisfacere prefato domino Petro Bembo creditori, ut supra stipulanti et recipienti, seu eius legitimo procuratori, in eventum solutionis predicte a die presentium date computando usque ad unum annum proxime sequentem, una cum omnibus damdis [sic] et expensis et interesse que prefatus r.dus dominus Petrus Bembus creditor ob moram etc., super quibus damdis etc., pro quibus omnibus etc., in forma Camere Apostolice ypotecavit et obligavit, nec non se ipsum etc., per quarum quidem etc., preterea etc., et ibidem et incontinenti etc., et generaliter etc.pro quorum omnium etc. de et super quibus etc. Acta fuerunt etc., ut supra, presentibus ibidem honorabilibus viris dominis Johanni Stefano de Iusbertis clerico Ferrariense ac Petro Lupi de Avilla clerico Abulense testibus etc. Ferdinandus Alfonsus de Ferrara notarius per substitutionem de Vannutiis de Parisio.