• 250
  recto

Type:Notarial
Language:Latin
Transcription Author: John Shearman
Published: yes
Publication Details: F. F. Mancini, “Raffaello in Umbria. Cronologia and committenza. Nuovi studi and documenti”, Perugia 1987, pp. 73-75; J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 231-34.
Notes: The document appears on the following folios: 250r-51v.

• Transcription

Eisdem anno [1516], millesimo indictione et pontificatu, die vero XI januarii. Actum Perusie in domibus infrascripte domine Leandre, sitis in porta Sancte Susanne et parochia Sancti Donini iuxta earum notissimos fines, presentibus domino Pergiugliotto Petri Oddi porte Sancti Petri, Constantino Bartholutii, Bartholomeo Mattini alias del Balercho, Simone Andree Sabatucii porte Sancte Susanne, civibus Perusinis, et Baptista Angeli Naldini de Corciano, testibus ad infrascripra vocatis, habitis et rogatis. Cum prout magnifica domina Leandra, uxor olim magnifici viri Simonis de Oddis de Perusio, asseruit coram testibus prenominatis et me notario infrascripto iam sint anni viginti et ultra quod ipsa domina Leandra, tanquam administratrix bonorum dicti olim Simonis sui viri, cessisset et concessisset infrascripta bona capelle Assumptionis site in ecelesia Sancti Francisci de Perusio, porte Sancte Susanne olim empte per magnificum Guidum de Oddis de Perusia, prout de dicta cessione dixit fuisse rogatum Ser Michelangelum Ser Melchiorris olim notarium publicum Perusinum, et cum de presenti instrumentum desuper confectum et celebratum non reperiatur, et ad hoc ut veritas rei omni tempore elucescat; idcirco prenominata domina Leandra agens infrascripta omnia et singola de presentia, consensu, licentia, voluntate, auctoritate, et decreto eximii utriusque juris doctoris domini Berardini Floravantis Beninchase de Perusio porte Solis honorabilis domini judicis com[m]unis Perusii, super com[m]uni dividundo et auctoritatem interponendi super huiusmodi instrumentis meliorem et veriorem pro observatione omnium et supradicta auctoritate collegii judicum civitatis Perusie pro tribunali sedentis in infrascripto loco, quem locum etc. Habens prefata domina plenam notitiam, quod prenominatus Simon olim eius maritus in suo ultimo testamento per ipsurn Simonem olim condito manu Ser ... publici notarii ratificavit et approbavit omnia et singula gesta per ipsam dominam Leandram in vita ipsius Simonis, idcirco prefata domina, non recedendo a supraditta olim per eam fatta cessione, sed potius confirmando eam et in ea insistendo per se et suos heredes, obligando se et omnia et singula sua bona presentia et futura pro observatione infrascriptorum omnium et singulorum, jure proprio et in perpetuum et per verum et direttum allodium, dominium et proprietatem dedit, tradidit, cessit, concessit, transtulit et mandavit domino Camillo Mariotti notario publico perusino infrascripto, tanquam publice auctentice persone presenti, stipulanti et recipienti, pro dicta capella etc. unum tenimentum terre laboratorie et olivate situm in pertinentiis ville Fontane agri Perusini porte Sancte Susanne vocabolo Palareto, fines ab uno via, ab alio bona ecelesie Sancti ... de dicta villa et ab alio bona heredum Tadei de dicta villa. Item, alium tenimentum terre laboratorie et olivate cum muris, fines ab uno bona hospitalis de Misericordia, ab alio bona Caroli domini Bartholomei et ab alio bona Ieronimi Parli de Perusio porte Sancte Susanne. Item, unum casalenum positum in villa Fontane iuxta domum Mariotti Felicis et ab alio bona heredum Francisci Salvucii de Perusio porte Sancte Susanne. Item, unum petium terre oliva te cum pergula in eo existenti positum in dicta villa Fontane iuxta bona heredum supradicti Francisci, viam et alia latera, vel si qui forent supradictis bonis supra cessis et concessis plures, meliores ac veriores fines et vocabula, ad habendum, tenendum, possidendum, utendum, fruendum, fructandum et usufructandum, non tamen vendendum nec alienandum, cum accessibus et egressibus suis usque in vias publicas sive vicinales, et eodem titulo et causa, rem predictam dedit, cessit et concessit supradictis omne ius omnemque actionem, ponens ex nunc me notarium ut supra pro dicta capella, stipulantem in locum suum etc. Quam cessionem et concessionem, et omnia et singula supradicta et infrascripta, fecit prefata domina pro animabus sui et suorum predefunetorum, et pro eo etiam quia sic voluit et sic sibi bene placuit et pro honore sue domus, et possessionem dictorum bonorum supra cessorum et concessorum promisit etc., dare et tradere liberam, vacuam et expeditam et a nemine occupatam vel detentam et ab omni onere debitorum, servitutis, et dotium exoneratam et exoccupatam, que bona constituit, et precario nomine dicte capelle tenutam et possessionem donec ipsorum bonorum ipsa capella possessionem habuerit corporalem, quam accipiendi, intrandi et retinendi sua propria auctoritate et sine licentia et auctoritate alicuius judicis vel offitialis com[m]unis Perusie, dedit mihi notario ut supra stipulanti plenam licentiam et liberam potestatem, et promisit quod de dictis bonis supradictis cessis et concessis nemini alii jus aliquod est datum, cessum, vel concessum, nec dabitur vel cedetur in futurum quod dicte capelle in aliquo nocere vel obesse possit, quod si datum, cessum vel concessum quomodolibet appareret, promisit ipsum jus pro dicta capella reacquirere et ipsam capellam semper sine dampnis conservare et perpetuo litem vel questionem aliquam non movere etc. Et hec omnia etc., promisit etc., cum hac declaratione et conditione quod fratres, capitulum et conventus Sancti Francisci predicti teneantur et obligati sint eorum sumptibus et expensis induere et vestire fratrem Baldum ... de Praia fratrem supradicti loci secundum eius necessitatem in vita sua, cum hac alia conditione quod non possint nec valeant dicti fratres, capitulum et conventus ullo unquam tempore vendere, alienare, nec in alium transferre supradictam capellam nec dicta bona supra cessa et sequs factum ex nunc prout ex tunc et omnia dicta bona supra cessa, tabula, paramenta et omnia alia supranominata supradicte capelle, deveniant ipso modo ad hospitale Misericordie civitatis Perusie. Renunptiavit etc., juravit etc., pena c. florenorum, quam penam etc., et ea pena etc., et de predictis omnibus etc., promisit facere confessionem coram competenti judice ad partis petentis et auctoritatem habentis petitionem etc. Insuper rogans me notarium. Qui dominus iudex pro tribunali, sedens super quodam scranno ligneo existenti in supradictis domibus in sala media, supradictis omnibus suam et dicti com[m]unis Perusie qua fungitur auctoritatem interposuit pariter et decretum.