• 32
  recto

Type:Notarial
Language:Latin
Transcription Author: John Shearman
Published: yes
Publication Details:
Notes:

• Transcription

[Apice al documento principale ] Narretur lis super benefitio mota et quod ob cessionem imponitur pensio. In aliis bene jacet instrumentis sed imponatur pro pensione conventa cum Rodulfo, et si esset xii ducatorum illos vellet, et non x; et iam Rafael contentatur de xi et sic avertatis cuirellam in suo mandato. In nomine Domini, amen. Cunctis hoc presens instrumentum inspecturis pateat evidenter et notum sit qualiter anno a nativitate Domini MCCCCCXVIII, indictione VI.a, tempore s.mi in Christo patris d. n. d. Leonis pape X, die vero III junii. [Eliminato: Constitutus in presentia testium et mei notarii infrascriptorum venerabilis vir decretorum doctor dominus Fulgentius Brancarinus archidiaconus ecclesie katedralis Urbini et parochialis ecclesie S. Donati extra et prope muros civitatis Urbini, rector et possessor.] [aggiunta a margine] Cum frater Benfilius, parochialis ecclesie Sancti Donati plebis nuncupate extra et prope muros civitatis Urbini, inter venerabiles viros D. F[ulgentium] B[rancarinum] archidiaconum ecclesie katedralis Urbini decretorum doctorem ex una, et Jeronimum Vagninum de Urbini partibus ex altero, in Romana Curia coram uno ex sacri palatii apostolici causarum auditoribus lis pendeat indecisa, cupiens prefatus dominus F[ulgentius] litium anfractum evitare et sumptibus parcere et expensis [fine della aggiunta]. Certis de causis animum suum ut asseruit moventibus, non vi, non dolo, metu, fraude, vel aliqua sinistra machinatione circumventus, sed sponte sua ex certa scientia et spontanea voluntate et non per errorem, omnibus melioribus modo, via, jure, causa et forma, quibus magis, melius ac validius potuit et debuit, pure, libere et simpliciter fecit, constituit, et sollempniter ordinavit suum verum, certum, legitimum et indubitatum procuratorem, actorem, factorem et certum nuntium specialem et generalem, ita tamen quod generalitas specialitati non deroget, nec e contra venerabilem virum dominum Johannem Antonium Battiferrum Urbinatensem, Romanam Curiam sequentem, absentem tanquam presentem, specialiter et expresse ad ipsius nominem constituentis et pro eo et [inserito a margine] primo aceptatum omnem iuris, litis et cause, cessionem per prefatum Jeronimum Vagninum supradictum et de dicta omnia fiendam nec non adoptendam dictum jus sibi domino constituenti conferri et asignare et dicta[e] sibi provideri litteras quae ad omniam gratiam seu justitiam in se continentes de super necessarias et oportunas impetrandum et obtinendum [fine della aggiunta a margine]. Annue pensioni decem seu duodecim ducatorum auri de Camera prout sibi domino procuratori videbitur et placebit super fructibus, redditibus et proventibus dicte ecclesie Sancti Donati, et per prefatum dominum nostrum papam in favorem domini Jeronimi Vagnini clerici Urbinatensis constituende, reservande et assignande, et per ipsum dominum constituentem eidem domino Jeronimo quo advixerit vel eius procuratori legitimo dande et persolvende [. . .].