• 146
  recto

Type:Notarial
Language:Latin
Transcription Author: John Shearman
Published: yes
Publication Details: A. Rossi, 'La casa e lo stemma di Raffaello', in 'Archivio storico dell'arte I/2, 1888, p. 1; J. Shearman, “Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 301-03.

• Transcription

[in margine] Jeronimus de Gottiffredis Raphael Sanctis venditio In nomine Domini, amen. Anno Domini millesimo quingentesimo decimo septimo, indictionis quinta, die septima octobris, pont. s.mi domini domini nostri domini Leonis summa prudentia pape etc. Constitutus personaliter dominus Jeronimus de Gottifredis nobilis Romanus principalis pro se, ac procurator et procuratorio nomine honorabilium virorum dominorum Hieronimi, Aurelii et Falconis de Caprinis de Viterbio,et heredum quondam reverendi patris domini Adriani et Theodori etiam de Caprinis predictis, pro quibus omnibus de rato etc., alias de suo sub penis et obligationibus infrascriptis etc., non vi, non dolo etc. sed sponte etc., dedit, vendidit etc., honorabili viro domino Raphaeli Sanctis de Urbino pictori etc. presenti, et pro se ac suis heredibus et successoribus stipulanti, unam domum predictorum de Caprinis, positam in burgo Sancti Petri prope viam Alexandrinam, infra latera et confines de quibus in instrumento acquisitionis dicte domus facte per dictos de Caprinis, rogato manu domini Andree Jacobi de Petrezanis clerici et notarii Mutinensis, in ea forma que nunc est, et infra alios si qui sunt veriores confines, salva licentia locorum piorum quibus debebatur seu debetur census, quatenus opus sit liberam tamen et exemptam pro duabus partibus, pro tertia vero et pro certa particula domus que dicitur Barberii eo jure quod est salva dicta licentia quatenus expediat ad habendum etc., pro pretio trium millium ducatorum auri de camera, quod pretium integrum idem dominus Jeronimus venditor fuit contentus et confessus integraliter habuisse a prefato domino Raphaele presente et acceptante etc., renuntians exceptioni non habitorum etc., et de quibus se bene contentum vocavit prefatumque dominum Raphaelem presentem quietavit etc. Cassando omnia alia instrumenta et scripta privata confessiones de recepto per dictum dominum Jeronimum hactenus facta, promittens idem dominus Jeronimus prefato Raphaeli presenti etc. liberare et liberari facere omnem partem dicte domus que liberata non esset a quocunque onere sive censu etc. infra terminum trium annorum proxime futurorum et curare cum effectu quod prefatus dominus Jeronimus de Caprinis ad istam liberationem etiam in ampliori forma Camere se obligabit, asserens dictam domum nemini obligatam in preiudicium presentis venditionis, illamque promisit defendere et voluit de evictione teneri etiam ad restitutionem duplicati pretii in casu quo evinceretur etc., asserens talem vigere consuetudinem etc. Constituens se dictam domum tenere et possidere nomine dicti Raphaelis donec ipse Raphael possessionem ceperit, et captam quam habeat confirmavit et cum aliis clausulis iuxta stilum venditionum Romanorum etc. pro quibus omnibus obligavit dictus dominus Jeronimus in ampliori forma Camere cum submissione censurarum, constitutione procuratorum, juramento et aliis in similibus apponi, soliti etc., et dare alium fideiussorem evictionis. Actum Rome domi residentie mei notarii in regione Parionis, presentibus ibidem honorabilibus viris domino Iohanne Antonio de Baptiferris de Urbino, scriptore brevium apostolicorum, et magistro Antonio magistri Pauli de Sancto Marino aurifice in Ponte testibus etc. Eodem anno, indictione, pontificatu et die, loco et presentibus dictis testibus, prefatus dominus Raphael ultra pretium predictum pro dicta domus affrancatione dedit in contanti prefato domino Jeronimo presenti etc. ducatos sexcentos de carlenis quos sic habuisse. Idem dominus Jeronimus a prefato Raphaele presente etc. habuisse et recepisse confessus fuit, quare e converso prefatus dominus Jeronimus promisit domum predictam affrancari facere in totum pro dictis pecuniis ut supra. Qui sexcenti ducati soluti fuerunt de propria bursa dicti Raphaelis quos repetere non possit stante legitima affrancatione quare sic conventum fuerat ut asseruerunt quod ultra tria millia ducatorum pretium dicte domus idem Raphael teneretur dare dictos sexcentos ducatos pro dicta affrancatione Et pro quibus omnibus idem dominus Jeronimus tenetur de evictione in forma tam pro tribus millibus quam pro sexcentis et ita partes ipse convenisse affirmaverunt et observare promiserunt, obligantes se in ampliori forma Camere predicte. Jurantes etc., renuntiantes etc., etiam exceptioni non habitorum etc.Ita est. Iohannes Baptista de Cortona notarius rogatus pro nota scripsi. Philippus Moscatellus de Lenis.