• 276
  recto

Type:Notarial
Language:Latin
Transcription Author: John Shearman
Published: yes
Publication Details:
Notes:

• Transcription

In nomine Domini, amen. Anno Domini ab eius nativitate M.o DVII.a, inditione x.a, tempore pontificatus sanctissimi in Christo patris et domini domini Julii pape secundi, die vero xi.a mensis octobris, in cancellaria parva palatii ducalis civitatis Urbini, sita in dicta civitate iuxta sua notissima latera, praesentibus Antonio Fazini de Fazinis et Toma Petri Bette de Urbino testibus ad hec vocatis, habitis et rogatis. Raphael condam Jovannis Sanctis pictor Urbinas - non obstante confessione facta per dominos Jeronymum, Berardinum, Petrum Arcangelum et Bartholomeum fratres invicem filios condam Serafini Cervasii de Monte Falcone eorum nominibus et vice et nomine Joannis Baptiste eorum fratris, de receptione florenorum centum ex causa ressidui pretii seu estimationis domus per eos permutate cum dicto Rafaele, de qua permutatione et confessione apparet sub dicta die manu mei notarii infrascripti, que re vera fuit ficta et simulata et facta sub spe praesentis obligationis - per se et suos heredes, se et sua bona obligando, promisit et convenit dare et solvere et numerare dictis domino Jeronymo, Berardino, Petro Arcangelo et Bartholomeo, praesentibus et acceptantibus pro eis et eorum heredibus et vice et nomine dicti Joannis Baptiste eorum fratris et illius heredum, florenos duodecim cum dimidio, ad rationem XL bolonorum pro floreno, ad omnem eorum requisitionem et terminum, et volentibus et mandantibus prenominatis domino Jeronymo et fratribus nominibus predictis, dare, solvere et numerare Francisco Buffe magistro domus ill.mi domini nostri ducis Urbini praesenti et aceptanti, vice et nomine praefati ill.mi domini nostri ducis Urbini et eius Camere fyscalis, pro quadam pena incursa per dictum Petrum Arcangelum et Bartholomeum ob despomsationem per eos factam de filiabus Ser Guidi de Granis de Monte Falcone, prout asseruit dictus Franciscus Buffa, florenos triginta septem cum dimidio ad omnem requisitionem praefate Camerae et dicti Francisci, et florenos quinquaginta similes hinc ad festum nativitatis domini nostri Jesu Christi proxime futurum et deinde, ad omnem dicte Camere et dicti Francisci petitionem et terminum, volens dictus Raphael pro dictis quantitatibus posse realiter et personaliter conveniri, capi, cogi et compelli hic in civitate Urbini et ubique locorum, non obstantibus feriis et diebus feriatis estate, et vimdemiarum salvisconductis, bullectinis et rescriptis quibuscumque, tam impetratis quam impetrandis, privilegio fori et judicibus incompetentibus, quibus omnibus expresse renunciavit et insuper exceptioni doli mali, conditioni sive causa vel ex iniusta causa, in factum actioni exceptionique fictionis et simulationis, erroris juris et facti, et omni alii legum et juris auxilio sibi competenti vel competituro. Que omnia et singula et in presenti instrumento contenta dictus Rafael per se et suos heredes promisit dictis domino Jeronymo et fratribus et dicto Francisco Buffe ut super stipulantibus et recipientibus, et promittendo solemniter juravit ad sancta Dei Evangelia manu corporaliter tactis Scripturis vera fuisse et esse, et ea omnia semper et perpetuo firma; rata et grata habere, tenere et observare, et in nullo contra facere, dicere, opponere vel venire, per se vel alios aliqua ratione vel causa de jure ingenio vel de facto, directe vel indirecte vel aliquo quesito colore [sic], sub pena et ad penam dupli dicte quantitatis solemni stipulatione premissa; que pena totiens comittatur et exigi possit quotiens fuerit contrafactum, ratis manentibus predictis, pro quorum observatione obligavit omnia sua bona presentia et future. Et ego Ludovicus quondam Baldi de Urbino et quadra Episcopatus publicus imperiali auctoritate notarius predictis omnibus et singulis suprascriptis presens interfui, et ea rogatus scribere scripsi et publicavi, signumque meum consuetum apposui, dictis anno et die presens instrumentum autenticavi.